SAMUEL GI NIGOM 2:2 - ALLAH NIHYET MEM TUNGWATU NYA

² Tungwatu dihyeisi dini hi di ningon kwes-kwau nok tuhan bi! Nongkom ya srak ko hagau nye.

SAMUEL GI NIGOM 2:2 ပူးပေါင်းရင်းမြစ်များ

SAMUEL GI NICAN 22:3

tuhan ne tentara nibousi di diya coi di bindei ba, dingon jo nyahan ri. Digwam coi Noni lewo Noni nok bor ngug biyon gau da. Noni ba Nide mun di bipukep ser tibor ninggwenti nya binyohou da kikau.

SAMUEL GI NICAN 22:32

Lewo tuhan Nongkom he rino Allah. Nongkom he rino ya srak ko hagau nye.

SAMUEL GI NICAN 7:22

tuhan Allah Di Anyeng Jei Bibor e, asindem bibor! Nangkom ne Allah ri! Tungwatu nya noyam kin Nani bi. Nikan tut gini lewo nimiap tut hagom nipou kwei bipek ammani kep tu.

NIBOU NDIG NYA GI NIGOM 8:23

lene ngat nadi bipai “tuhan di nok mben Israel ide Allah e, hi nok Nani ningat rin ei gwamti kin dihyeisi dini bi! Tirigi ade limwa nya ingon gom tut Nani ba, iba ingon di gom bibit ahyet lene ayai mun bit leu nok apreu ei mem yokti hagom ba, angon ngakei yok cem.

MAZMUR 111:9

Noni kwek Nide limwa nya leu awak lene ba nipreu ninghig-niker bipreu ei mem yok. Noni ne tuhan di kwes-kwau ba, sindem bibor cem ri!

MAZMUR 18:2

tuhan e, dingon ngakei Na. Nani ne ditde nisindemti ri.

MAZMUR 18:31

Allah nibon munti nya kei bibor kei. Bon nyeni iba ingon com Nide nipreu eisi nya cem. Noni dem kep mun di ibipukep tibor ninggwenti nya mem yo di igya coi Noni yahagom.

MAZMUR 71:19

Allah e, angon sren-srausi kui sur mpia-bbed him. Ade nibon munti nya nindig bibor ba, tou rima noyam kin Nani i?

MAZMUR 71:3

Abindei ba, anok nungug tig di digwam coi bidigwam nding eisi. Anok tentara nibousi di dinang coi ba, dingwes ngun ei niti. Nani ne mpia di digwam coi kin mpia di digwam nding ri.

MAZMUR 73:25

Ditde Allah e, Nangkom ei gwamti ampu da. Ter leu Nani lene disuar tungwatu dihyeisi dini mem gima impu da bi.

MAZMUR 86:8

tuhan e, kwar nya hi di noyam kin Nani bi. Hi di yai kep mun di ayai kep nya ningat rin bi.

MAZMUR 89:6

tuhan e, mbusyamei nya ei gwamti iba doia bikiek Ade midyai di mindur nya ba, ninnei di ikwes-kwau nya iba doia bikiek angon gomti.

MAZMUR 89:8

Ninnei di ikwes-kwau nya di igya bikrop ttai Na ikon anyeng ba, inghuisi mpig sut Na.

MAZMUR 99:3

Nna ba, ikon ninyeng di jei di dia-diau kei cem. tuhan kwes-kwau!

MAZMUR 99:5

Jikwei ba, ikon ide tuhan Allah ninyeng bijo nai ba, ikuk nye ei Nide banggo mbrei nuhui. Noni kwes-kwau!

MAZMUR 99:9

Ma jikon ide tuhan Allah ninyeng bijo anai. Jikuk je biNoni ei Nide mbigdip di Noni dimig ei mem Nonti lewo ide tuhan Allah ningon kwes-kwau.

NEHEI LEUSI 15:11

Bit bon ibinai sut Nani kin kwar di tungwatu nya ikuk yok bak nya kan bi. Lewo Nangkom rino tuhan Di Kei Bibor Kei ba, Nangkom Akwes-Kwau Kei. Tou risindem mem gima bon mindur kin bindo nya noyam kin gi tuhan bon pima i?

YESAYA 40:18

Gima rino aba Allah binai kin tou i? Akan huk Noni noyam kin tou i?

YESAYA 44:6

tuhan Di Sindem Bibor di ninyeng tak kep mben Israel binyohou yok pai “Dangkom ngat he rino Allah ei nimbie him kikau ug ei ningwig honti cem.

YESAYA 44:8

Ditde limwa jen, ma jittin au! Dangkom he rino ditri tut nisinati tut nijam di nimbie him kikau kwei bipek nijam di nogindini. Jingat gini hagom bou jiyai him tu bijiya kui Da. Ninyohou kep je cig hiter hi bi. Dingat hi bou diyai him bi sren.”

YESAYA 57:15

Lewo Allah Di Ninyeng Jei Bibor di Kwes-kwau cem gi ninyeng tak kep bijo ninno bijo kikau cem pai “Digwam ei mpia di anai di nok mpia di kwes-kwau. Noro digwam ei yo di yoom kep ingonti kan nya kin yo di ingon ngguk tut ide sisar nya ikieti cem leu binhyepo dipui dihyet tut ide nibrim ningkekti kin ide niba ningon comti hanyen.

YESAYA 6:3

Lene yahagom ighyet kui yam bipai, “tuhan Di Sindem Bibor kwes-kwau o! Kwes-kwau o! Kwes-kwau o! Dihyeisi dini mpung tut nikei-kau-keisi o.”

YEREMIA 10:6

tuhan di kwes-kwau e, hi di noyam kin Nani bi. Anyeng jei bibor bisindem bibor cem.

IMAM NYA IDE MIDYAI 11:44

Dani ne tuhan bidinok jide Allah ri. Gima rino suar jikinding jenti bijikwes-kwau lewo Dani dikwes-kwau.

IMAM NYA IDE MIDYAI 11:45

Dani ne tuhan rin ba, dibuwak je kwei leu minu Mesir leu binhyepo jikuk je biDa. Suar jikinding jenti bijikwes-kwau lewo Dani dikwes-kwau.

IMAM NYA IDE MIDYAI 19:2

mben Israel “Suar jingon kwes-kwau lewo Dani ne tuhan bidinok jide Allah rin ba, dingon kwes-kwau.

ROMA 15:4

Srat bokti ei Allah Nihyetti hagom ngginau nye. Lewo Allah Nihyet ningginau nyeti bindei ba, yoom ingon ba, biwin ingon cem. Apino igyok ingon mem Allah.

ROMA 4:8

Bikwop yo di ibon sisar lo, Allah yok ngon kep ide sisar bu bi ne yo dima ingon nggei-hi-nggei!”

NINDAT KEP TUHAN NICUKTI NYA 3:24

tuhan Di Ninyeng Jei e, dikan tut bipia gi ando bida dini ne sindi nimbie him leu abon munti di nindig bibor nya ba, mindur cem rin yo. Bit bon kwar di tungwatu nya ikuk yok bak ei mpia-bbed him kin dihyeisi dini bibon mindur di nindig bibor nok abibon bi ba, hi noyam kin Nani kan bi.

NINDAT KEP TUHAN NICUKTI NYA 32:20

Bipai ‘Mbro nok gino dingat igbit mun di mipek kep mem yok ei nidipti bu lo, midimpu yok bi sren. Lewo ingkek ndok ba, ingon gom tut Da bi.

NINDAT KEP TUHAN NICUKTI NYA 32:39

Jingat i! Dani ne Allah Di Nijit ri. Allah hiter hi bi lewo Dangkom ngat he rino Allah. Dihwen tungwatu nya ba, imai. Diwin nimai hanyen bidibindei ba, tungwatu nya ibok leu api ibokti dima jut hanyen ba, bit bon hi bigen ser diyai munti nya kan bi.

NINDAT KEP TUHAN NICUKTI NYA 32:4

tuhan rinok No di sindem di ya srak ko hagau je. Noni kei-kau-kei ba, ningon sren-srau cem. No di ninyeng tak kep je ningon gom ba, bit bon Noni ris mun kan bi. Niyai munti nya hagom kei bibor kei lewo ningon mang bi.

NINDAT KEP TUHAN NICUKTI NYA 4:35

Allah ndo mun dini yok hagom brei bije nok mun di bindo bipia Nongkom ne Allah rin lene kwar di tungwatu nya ikuk yok bak hi ningat rin bi.

NINDAT KEP TUHAN NICUKTI NYA 4:39

Gima rino njap di ammani ma jiyok ngon kep lene ma jingon prion ser tuhan di nok Allah di ninyeng tak kep mpia-bbed him kin dihyeisi dini cem au. Lewo Allah hiter hi ningat rin bi.

PETRUS GI NIGOM 1:16

Bit leu nok gi ipas ei Allah nihyetti “Ma jingon kwes-kwau bit leu nok Da di Allah dingon kwes-kwau.”