SAMUEL GI NIGOM 18:1 - ALLAH NIHYET MEM TUNGWATU NYA

¹ Lene Saul kin Daud ikes ighyet hon bimbrap bi. Mpe dima lene Yonatan di Saul nipmot hig nisut bit Daud nindig bibor lewo ningon ngakei Daud bit leu nok ningon ngakei nonti.

SAMUEL GI NIGOM 18:1 ပူးပေါင်းရင်းမြစ်များ

NIPINGOK NINGONTI 18:24

Asut di ningon gom bi no rinaha noro no di jem nisut bit na bon ninyeng dor njiriek ade adig-ajoi nya.

SAMUEL GI NIGOM 20:17

Lene Yonatan cuk Daud nimbican leu binhyepo Daud preu ei mem noni tut ide ningon ce yam bisi lewo Yonatan ningon ngakei Daud nindig bibor bit leu nok ningon ngakei nonti.

SAMUEL GI NICAN 1:26

We, dikindig Yonatan e, dingon ngguk bram na ba, singon ce yam bi nindig bibor. Ade ningon ngakei dati mindur bibor dor njiriek sop nya ide ningon ngakei ijjep bat nya kin imunggwom bat nyati.

SAMUEL GI NIGOM 18:3

Lene Yonatan preu ei kin neheng bipia Daud kin noni yahacem ingon ce yam bi bijo ninno bijo kikau.

KOLOSE 2:2

Diyai kep midyai dima leu binhyepo dibiwin kep ingonti bidibindei ba, yahagom ingondut yam ba, inok gom cem. Tug hon nisinati dima ne yahagom ingon bit Allah nimimun bingon dorti tut lene ingon ngkiem tut. Nimimun dima ne Kristus Nonti ri.

NITRITI 44:30

Andigpoi e, gino dingkwei hanyen ndam dicig lo, dibuwak dikinjoi ndrim bibit da bi lene dicig mimai drek dip noni lewo dicig ningon ngakei nipmot ndrim nindig bibor.

NINDAT KEP TUHAN NICUKTI NYA 13:6

Mbro nok gino akindig bat-akinjoi bat nya kin apmot bat apmisop bat nya kin atnem di angon ngakei noni kin angon kieti yahagom iba niku ris na nyahan leu binhyepo akuk na bak nung nya di nani kin adigup bat-adigai bat nya jikan tut bigyo,

NIBOHON MBEN ISRAEL GI NIGOM 12:17

Daud kiju buug ngat yok lene pai biyok “Gino jikwei nok disut mem gima jitti kin da lene ma jikwei bicom yam bit nye hak ug. Niba ningon di kei bicigit je! Noro mbro nok gino dibon mun di kinei tut je bi lo, gi jingon kanti mijitri dinghapti bak siceu nya lene Allah di idigup bat-idigai bat nya ikuk yok bak kan tut gima leu api mikes hukum ei jeni dip.”

SAMUEL GI NIGOM 19:2

Gima rino Yonatan ug pai bak Daud “Dicig bungwam mem gima yai nimai bina. Gima rino ma angon sok kep nanti mem njap di hyep bu. Ma aku na nyahan nding leu tungwatu nya igyai him lene ma akiju-kiju nyen au.

NIJAM NIKEI NYA 20:11

Tug hon nisinati dima ne mben Israel ibicom yam nok gom ba, ikon pran bit mben Gibea.

MAZMUR 86:11

tuhan e, angginau da tut angon kanti nya leu binhyepo diba dingon di gom bibit Na kikau. Abindei ba, diba dingon titut bikuk da biNa.

SAMUEL GI NIGOM 14:45

Noro nide limwa nya isrep bipai “E bi! Nggon rino Yonatan mitug ndei nimai i? Noni ribindei dino ide siceu nya yahagom icut bak nyeni tu! Nipreu kep na di Andigpoi tug hon Allah di niyaijo ninyeng bipia Yonatan nibou nta gom mipror leu noni bi. Lewo noni bindei ba, ide siceu icut bak nyeni mem njap di ammani tug hon Allah di sindem tut noni.” Gima rino nide limwa nya iteu Yonatan ba, ningwes ngun leu hukum nimai.

SAMUEL GI NIGOM 19:1

Mpe di gom ne Saul pai ningon kanti bak nipmot Yonatan kin yo di igya kui noni yahagom bipia noni miyai nimai bak Daud. Noro Yonatan kin Daud ingon ce yam bi.

SAMUEL GI NIGOM 20:8

Ma aba nisinati dima bahati tut da ba, ayai igbit gi preu di sipreu ei biyam bou tuhan niyai him nipou su. Gino ningat ne dingon mui su lene ma nanti ayai nimai bida hak ug! Noro ma akes da ei acig nindati au.”

SAMUEL GI NIGOM 22:8

Jo nibreisi bipia jahagom jiyok jingon gom mem gima jihwen bit da tu. Lewo jigom cem gi pai brei bida tut dipmot di Yonatan di tti bit Daud pima bida bi. Tungwagom ngat leu jikieti gi ngondut da bipai bida bipia nogindini dipmot di Daud po ya kui da pima nggok nituti mem gima yai nimai bida ba, dipmot di Yonatan bidip huk noni tut gima cem bida bi.”

SAMUEL GI NIGOM 23:18

Leu api Daud kin Yonatan ibon gi preu nicom nigau ei yamti bingkiem ei tuhan Noho bei. Gima leu su lene Yonatan ngkwei hanyen ug ei nide ig lo, Daud gwam kikau ei Hores.