SAMUEL GI NIGOM 17:12 - ALLAH NIHYET MEM TUNGWATU NYA

¹² Daud nicig ninyeng Isai lene Isai tig mbier tut keret Efrata bibong ei Betlehem ei hanjop keret Yehuda ide. Noni yai nipmot bat nya ibou muhwindaningai. Tirigi Saul ninyeng tak kep mben Israel lene Isai nok andig-ndau leu su.

SAMUEL GI NIGOM 17:12 ပူးပေါင်းရင်းမြစ်များ

NITRITI 35:19

Niabiati tirigi Rahel mai leu su lene nide bat nya itig ei simpak di bie ug ei Efrata ninghas him bijem mpia dima ninyeng Betlehem.

SAMUEL GI NICAN 23:1

Yakub de Allah dimig Daud di Isai nipmot bita noni nok nibou ndig bibindei ba, ninyeng jei cem. Daud pas kep doia di kei bibor nya mem mben Israel. Noni mbrap gi ningwigsi bipai,

MAZMUR 132:6

Nyeni nimiap tut Brua Gi Preu ei Betlehem leu api nittau kep brua dima ei susti dideu Yaar.

MIKHA 5:2

tuhan mikes Nide limwa nya ei siceu nya indati kikau bibou sop gom di Noni ndo ei nok no di ninyeng jei dima nipmem misrek tut noni ug e. Gima ngwig leu api nintun yam him nya di isima ei ingkiaisi mingkwei hanyen kwei binok gom kin ide bat nya ei itimieisi bu.

MATIUS 1:6

Isai yai nipmot Daud di nok nibou ndig lene Daud yai nipmot Salomo di nipmem wak Uria bibie pima.

MATIUS 2:1

Maria srek tut Yesus ei minu mien Betlehem ei hanjop Yudea mem nijam di Herodes ninyeng tak kep mben Yahudi. Mpe dima cem andigpoi di ingon ki tut ham mpia-bbed him nya ibou poi ijo leu mpia nipriti bikwei krau minu ndig Yerusalem.

MATIUS 2:6

‘He minu mien Betlehem ei hanjop Yudea e, anyeng mitibim nok minu mien he ei minu Yehuda bu bi. Lewo nibou di ninyeng jei mijem nitimieisi leu ade minu mien leu api Noni mibie tut Ditde mben Israel.’ ”

SRAT RUT 1:2

No dima ninyeng Elimelekh lene nitnem ninyeng Naomi ba, nipmot bat cin inyeng rino Mahlon kin Kilyon. Yoni itig mbier tut mben Efrata. Ibong ei minu Moab wer mimbrek tu lene,

SRAT RUT 4:17

Mpe dima lene Naomi nisut bat di sop nya ijem ningwoi dima ninyeng Obed. Itri tut “Rut srek tut nipmot bibindei ba, Naomi yai nidrot nipinai gom tu!” Tirigi Obed ndig su lene noni yai nipmot Isai lene Isai yai nipmot Daud.

SRAT RUT 4:22

Lene Obed yai nipmot Isai lene Isai yai nipmot Daud.

SAMUEL GI NIGOM 1:1

Mpe di gom lene Elkana bong ei minu ndig Rama ei nungug him di keret Efraim nya ide lewo noni ntun keret Efraim him. Nicig ninyeng Yeroham lene nignyon ninyeng Elihu. Noni ne Tohu nide bat ba, nimbier kim Zuf ninsi de nya.

SAMUEL GI NIGOM 16:1

Bed poi ser lene tuhan hig ser Samuel “Apig api akes hon ba, angon ngguk tut Saul bu bi i? Dikou sut noni nok nibou ndig mem mben Israel. Gima rino ma apwoi ampou tut mini zaitun leu api ambut tut ug ei Betlehem ba, anggok ser Isai lewo didimig nipmot hi ei nok nibou ndig bu.”

SAMUEL GI NIGOM 16:18

Tirigi noni pai nok lene nide awak gom pai cem “Isai di bong ei Betlehem yai nipmot gom di kek nggong mbrei igkei ba, no rinaha. Mimbri kui ningkek bikon pran kan. Noni ubbu bibor ba, ninghuisi kei bibor ba, mbrap kan cem lewo tuhan mpu noni kikau.”

SAMUEL GI NIGOM 17:11

Tirigi Saul kin nide limwa nya imiap nihyet lene yahagom ingon nde bibor ba, ittin tut nindig bibor.

SAMUEL GI NIGOM 17:58

Lene Saul hig ser noni “Dipmot na e, acig ninyeng tou i?” Leu api Daud buhup “Andigpoi e, dinok awak ba, dicig ninyeng Isai di bong ei Betlehem.”