SAMUEL GI NIGOM 17:1 - ALLAH NIHYET MEM TUNGWATU NYA

¹ Mpe di gom ne tentara Filistin induk yam ei minu ndig Sokho ei hanjop keret Yehuda ide binjei bram yam mem gima ikon pran. Yohok ide prak meng yati dideu Efes-Damim ei Sokho kin Azeka ikieti.

SAMUEL GI NIGOM 17:1 ပူးပေါင်းရင်းမြစ်များ

NIBOHON MBEN ISRAEL GI NICAN 28:18

Mpe dima lene mben Filistin icoi minu ndig ngot di jo ei nungug kiou ei nite bei mpia nicutti kin minu Yehuda ei nite bei mpia nibiho cem. Igya kep bihwen minu ndig Bet-Semes kin Ayalon kin Gederot bitut minu ndig Sokho kin Timna kin Gomzo kin minu mien ngot di jo ttai minu ndig ningai dima. Leu api ibong timiei eisi.

NIBOHON MBEN ISRAEL GI NIGOM 11:13

Tirigi ikon pran bit yam ei Pas-Damim lene noni tti kin Daud bihwen mben Filistin. Tirigi tentara Israel ipi binang lene noni ya ngkiem tut nide limwa nya ei miai gandum nghousi ninggimau yon ba, yahau mem yok tirigi ihwen mben Filistin. Nok leu api tuhan bindei ba, Eleazar hwen bitimek siceu imang bibor dima.

SAMUEL GI NIGOM 13:5

Lene tentara Filistin cem induk yam ei mem gima ikon pran bit mben Israel. Ide kroba pran nimangti sribu ningot ningai lene ide tentara di ibri kuda kan imangti ibou sribu muhwindagom lene ide tentara nindigsi nya imangti dor njiriek iggum di jo muk pimat nimangti. Yahagom ikwei hok ide prak meng yati ei Mikhmas di jo dideu Bet-Awen bei mpia nipriti.

NIJAM NIKEI NYA 3:3

Mben di ibong ei minu dima kikau yo ne timiei nya di ibong ei minu ndig muhwi di mben Filistin ide kin timiei minu Kanaan kin mben Sidon kin mben Hewi di ibong ei nungug him Libanon ei Nungug Baal-Hermon binjiriek Nitinggoisi Hamat.

YEREMIA 34:7

mem nijam di nibou ndig minu Babel kon pran bit tentara minu ndig dima bihwen yok. Mpe dima lene ikon pran bit tentara minu ndig Lakhis kin Aseka cem. Lewo minu ndig cin di jo ei minu Yehuda he rino bon tentara nibousi di igya coi di ngkiem tut yok ba, cut bigyo.

SAMUEL GI NIGOM 14:52

Saul kon pran bit mben Filistin ninyen kikau ug bipek niyaijo ningwig honti. Gima rino tirigi Saul ngat no di mimbri kui ningkek lene noni kus no dima ba, nggre kin nide tentara.

SAMUEL GI NIGOM 14:46

Gima hagom ngwig leu lene mben Filistin ingkwei hanyen ug ei itimieisi lewo Saul kes hon ba, huk yok bu bi.

SAMUEL GI NIGOM 7:7

Tirigi mben Filistin imiap tut bipia mben Israel induk yam kwei ei Mizpa lene ide nibou ndig ibou muhwi pima injei siceu bimbut tut ide tentara leu binhyepo ihwen yok. Mpe dino mben Israel imiap tut gima tu lene ittin tut nindig bibor.