SAMUEL GI NIGOM 16:7 - ALLAH NIHYET MEM TUNGWATU NYA

⁷ Noro tuhan srep bipai “Ma angig ayai kep no dima ningkek dip kin nintig bou di jei au. Dikou sut noni lewo dikos tut dingon kanti bit leu nok tungwatu nya ide nikos tutti nya bi. Lewo tungwatu nya ingig igyai kep tungwatu nya ingkek dip noro Dani dingig diyai kep ingonti.”

SAMUEL GI NIGOM 16:7 ပူးပေါင်းရင်းမြစ်များ

YOHANES 7:24

Ma jikes hon ba, jigwam nok nikei di mbus tungwatu nya ingonti bit leu ingkek dip di jo ei igyai him au. Noro ma jigwam nok nikei di ba ningon srenti bimbus ingonti.”

YEREMIA 17:10

Da di tuhan rino diput ser tungwatu ingonti nya. Dibingon mun di jo ingon bei cem. Dibirop bak tungwatu nya bit leu igyaijoti. Dibibon yoni bit leu igyai munti di igyai kep nya.”

LUKAS 16:15

Noro Yesus pai biyok “Jindo jenti dem kep nok yo di ingon sren nya ei tungwatu nya igyai him noro Allah kan tut mun di jo ei jingonti. Lewo mun di tungwatu nya ikan bipia bon ninyeng rino bon ninyeng ei Allah niyai him bi.

PETRUS GI NIGOM 3:4

Noro ma jiba mun di ntun jingon him bimau jenti. Gima ne jingon di jo nyahan kin jiyai mun mmuti nya di bon ninyeng ei Allah niyai him ri.

NIPINGOK NINGONTI 16:2

Tungwatu nya ikan bipia igyai munti nya hagom kei noro tuhan binai sut mun di jo ingonti nya.

NIPINGOK NINGONTI 31:30

Niimaisi di kei ne iba ingon com bi lene nuubbuti mipror yon noro sop di bit tuhan nihyet ne suar ma tungwatu nya ikon ninyenga.

NIBOHON MBEN ISRAEL GI NIGOM 28:9

Leu api Daud pai bak Salomo “Dipmot na e, ma akon Allah di acig kuk no bak nok ade Allah. Suar aba angon di gom bikuk nanti nok awak mem Noni cem apwoi ningon cem. Lewo Noni kan tut ikan-kan nyenti nya kin ingon priti nya cem hagom. Gino anggok tut Noni lene mporo angat Noni. Noro gino akes Noni ei ba, aba anghim bak lene Noni mirok nani ei bijo ninno bijo kikau.

NIBOU NDIG NYA GI NIGOM 8:39

lene ma angig atingou mem ighyet ei atimieisi ei gwamti. Akos ser ide sisar ba, ampu yok lewo Nangkom akan bidem tut tungwatu nya yahagom ingonti. Lene ma abibon tungwagom-gom bit leu nok niyai munti nya.

KISAH 1:24

Lene ingat nadi bipai “Tuhan e, akan bidem tut mun di jo ei tungwatu yahagom ingonti. Gima rino ando igbit tungwagom leu ibou can dini igom di adimig ei su,

NIBOHON MBEN ISRAEL GI NICAN 16:9

tuhan yok niyai kep tungwatu bidem dihyeisi dini titut yam leu binhyepo kwas Nide nisindemti tut yo di iba ingon gom bibit Noni kikau. Noro aba angon di mbum bibon mun tu. Gima rino hon kep ammani kui lene mporo acut ei nijam nikon pranti kikau.”

IBRANI 4:13

Bit bon mun nyeng gom jo nding leu Allah niyai him kan bi. Noni ngat Nide nipai testi nya hagom brei bou niyai him. Nyeni yahagom mibuhup hanyen bak Noni tut igyai munti nya hagom.

YEREMIA 20:12

Noro tuhan Di Sindem Bibor e, aba angon di sren-srau bibingon tungwatu nya lewo akan bidem tut mun di jo ei ingonti kin ibou ngwakti cem. Gima rino ma asindui sut ba, dingat yok bou diyai him tirigi abirop hanyen biyok drek dip igyai munti di mbuk bibor lewo dikes ditde munhyet ei andati tu.

MAZMUR 139:2

Akan bidem tut diyai munti nya hagom. Mbro nok gino angat rin ei minu ting bibor leu da lo, akan bidem tut dingon kanti nya.

NINGAT-HI-NGAT NYA 2:23

Leu api midihwen nide limwa nya cem leu binhyepo mbusyamei nya yahagom ikan tut bipia Dani ne No di yok niyai kep tungwatu nya yahagom ikan-kan nyenti kin ingonti ri. Dibirop hanyen bije bit leu nok jiyai munti nya.

KORINTUS GI NICAN 10:10

Bihi ipai “Paulus ba nihyet di buhun kin nihyet di ten bipas srat binye. Noro tirigi ningat rin kin nye lene noni ba nibou coi mem nye ba, kimut nuhui hak.”

PETRUS GI NIGOM 2:4

Gima rino ma jikwei tti kin Noni lewo Noni ne tig di niyaijo ri. Ningot kep ig cig nya ikou sut tig dima noro Allah dimig tig dima ei lewo kan tut bipia bon ninyeng mem ig nikiou.

AYUB 10:4

Angig ayai kepti noyam kin tungwatu ingig igyai kepti bi.

SAMUEL GI NICAN 14:25

Mben Israel yahagom inggei sut Absalom di nok pinai di ubbu ngat dor njiriek nindigsi nya yahagom. Ninghuisi kwes ba, bon nibok kin nimuhweisi hi ei nimig jou kikau ug bipek nibou nggram him bi.

SAMUEL GI NIGOM 9:2

No dini yai nipmot Saul di pinjoi ndig di ubbu bibor. No dini nintig bou jei bibor dor njiriek mben Israel nindigsi nya yahagom.

YEREMIA 11:20

Leu api dingat nadi bidipai “tuhan Di Sindem Bibor e, Nani ne nikei di ningon gom ri. Nani rino abingon tungwatu nya ikan-kan nyenti kin tungwatu ingonti. Dikes munhyet dini bak Nani. Nnaba abindei ba, dingat Ade nibuhup biyokti drek dip ide nibon munti dima yok bou diyai him.”

NIPINGOK NINGONTI 15:11

tuhan kan bidem tut mun di jo ei minu nimai nya ide bitut mun di pek kep ei sirima. Gi nok ne notou tungwagom miku ningon kanti nding leu tuhan niyai him i?

MAZMUR 7:9

tuhan e, Nangkom di ambus tungwatu ingonti kan rin ba, akos tut mun di igbit bida. Lewo dibon mun tunggwei hi bi.

KORINTUS GI NICAN 10:7

Jimian ser mun di jingat bou jiyai him he. Gino tungwagom di srig jikieti jem niceu bit Kristus ne ma noni nggok ningonti hanyen bu leu api noni mikan tut bipia nyeni cem nijem niceu bit Kristus noyam kin noni.

YOHANES 8:15

Jimbus tungwatu nya ingonti tug hon nisinati di ntun dihyeisi dini him. Noro dimbus tungwatu nya ingonti bi.

NITRITI 4:5

Noro Noni rok Kain tut nide mun di kwas. Apino Kain ningon sibui nindig bibor binghek.

SAMUEL GI NIGOM 2:3

Je di tungwatu nya e, ma jinggei-nggwang tut jenti ba, jingon jei bu au. Ma jikimut juhui ser nhyema jimbrap kinei au. Lewo tuhan ningon dorti tut mun nyeng hagom. Noni gwam nok nikei mem tungwatu nya igyai munti nya hagom.

SAMUEL GI NICAN 7:20

Bit bon dahap diji bidimbrap bit Na bu kan bi! Akan bidem tut mun di jo ei Ade awak di dani dingonti hagom tu.

NIBOHON MBEN ISRAEL GI NICAN 6:30

lene ma angig atingou ei gwamti di agwam kepti mem ide nadi ba, akos ser mun di ibon tunggwei sut Na. Lewo Nangkom he rino akan tut tungwatu nya ingonti a. Gima rino ma abibon tungwagom-gom bit leu nok niyai munti nya.

NIPINGOK NINGONTI 24:12

Gino akan “Handei kon ba, sisrig nide munhyetti au.” Lene Allah mingig niyai kep na. Noni kan bidem tut akanti dima leu api ba ningon di sren kei bimbus angonti. Noni birop hanyen bak tungwatu nya bit leu igyai munti nya.

NIBOHON MBEN ISRAEL GI NIGOM 17:18

Midipai mindei biNa bu i? Mbro nok gino akan bidem tut mun nyeng hagom di bitut Ade awak di dani lo, akon dinyeng tu.

AYUB 35:5

Ma acap ug ei mpia-bbed him! Angig ayai kep bumbuhui di jo anai nya!