SAMUEL GI NIGOM 16:1 - ALLAH NIHYET MEM TUNGWATU NYA

¹ Bed poi ser lene tuhan hig ser Samuel “Apig api akes hon ba, angon ngguk tut Saul bu bi i? Dikou sut noni nok nibou ndig mem mben Israel. Gima rino ma apwoi ampou tut mini zaitun leu api ambut tut ug ei Betlehem ba, anggok ser Isai lewo didimig nipmot hi ei nok nibou ndig bu.”

SAMUEL GI NIGOM 16:1 ပူးပေါင်းရင်းမြစ်များ

NIBOU NDIG NYA GI NICAN 9:1

Mpe dima lene Nabi Elisa hig nabi di pilei yo gom leu nabi ngot di noni ngginau yok dima ikieti kwei bipai bak “Atin ei ba, apwoi ampou di mini zaitun joti dini ba, aug sut ei Ramot ei hanjop Gilead.

SAMUEL GI NIGOM 15:23

Lewo nibit nihyet bi pima kinei ba, noyam kin nibon midut nikrau kep nihyet di dut lene nikon nonti kinei bibor noyam kin nikuk nok bak kwar cem. Allah kou sut gima anok nibou ndig lewo angkek ndok tut Nide nicuk nati.”

SAMUEL GI NIGOM 15:35

Samuel ngat Saul bou niyai him bu bi kikau ug bipek niyaijo ningwig honti noro ningon ngguk bibor tut noni. Lene tuhan nso tut gi po Noni ta Saul nok nibou ndig mem mben Israel pima.

ROMA 15:12

Nabi Yesaya pai, “Tungwagom di ntun Isai him mittau kwei ba, ninyeng tak kep ngkiai nya bibindei ba, inok Nide limwa nya leu api igyok ingon mem Noni.”

SAMUEL GI NIGOM 16:15

Gima rino nide awak nya ipai binoni “Andigpoi e, Nikan tut bipia tuhan pinak ninnei rom gom di kwei hwen bit na.

SAMUEL GI NIGOM 10:1

Lene Samuel hit mini zaitun ampou gom bikiber ei Saul nibou nggram him leu api mei noni bipai binoni “tuhan ta nani nok nibou ndig mem Nide limwa di mben Israel. Anyeng mitak kep Nide limwa nya ba, anyohou yok leu ide siceu di isibut nya yahagom. Mun di bindo tut gi Noni ta nani nok nibou ndig mem Nide limwa nya rinok gini.

SAMUEL GI NIGOM 15:26

Lene Samuel buhup “Midibit na di Andigpoi bi! Angkek ndok tut Allah nicuk nati. Gima rino Noni kou sut gima na di Andigpoi anok nibou ndig mem mben Israel.”

SAMUEL GI NIGOM 9:16

“Njap di hyep bu mem mpia di nok gini lene midipinak tungwagom leu keret Benyamin hwou ngat nani. Ma ata noni nok nibou ndig mem Ditde limwa nya leu api noni miteu yok bingwes ngun leu mben Filistin indati. Lewo dingat bipia mun di buhun bibor cut igkep yok tu ba, yahara Da leu binhyepo dimpu yok.”

SAMUEL GI NIGOM 15:11

“Dinso Danti tut gi didimig Saul nok nibou ndig lewo noni kiek noho ter leu Da ba, bit ditde nicuk noti bi.” Lene Samuel ningon buhun bibor ba, ngat nadi bibidip huk Allah kikau mem mmun dima.

YEREMIA 6:30

Hi mipai sut Ditde limwa nya bipia inok mumpiang perak nicom ei lewo Da di tuhan dicom yok tu.”

NIBOU NDIG NYA GI NICAN 9:6

Yo cin icoi ug ei ig bei leu api nabi di pilei yo dima krau ampou tut mini zaitun pima bikiber ei Yehu nibou nggram him bipai bak “Mben Israel ide tuhan Allah pai ‘Diba mini nibon midut dini bikon nani ba, anok nibou ndig mem Ditde limwa Israel nya.

SAMUEL GI NIGOM 16:23

Hon kep njap dima kui ne mpe dino Allah pinak ninnei rom pima kwei bihwen bit Saul lene Daud ug yai nide nggong mbrei ba, kek. Apino ninnei rom pima hei leu Saul leu api ningon kwes hanyen bimbut sindem.

YEREMIA 7:16

tuhan pai “Yeremia e, ma angat nadi tindei yo dini au. Ma ahara Da mem gima dimpu yok ba, angat nadi mem yok au. Ma abidip huk Da tut yok au. Lewo dikou sut nadi di angat mem yok.

YESAYA 55:4

Dita noni nok nibou ndig cem nibou pran cem bidindo Ditde nisindemti bak ngkiai nya ei dihyeisi dini tug hon noni.

YESAYA 11:10

Njap ngon bou midem leu api nibou ndig di ntun Daud him mindo bindo tut nibiyok ngon kepti mem mben yahagom. Yoni minduk yam kwei ndam noni bikon nide minu ndig ninyeng bijo anai.

NIBOU NDIG NYA GI NICAN 9:3

leu api asiber mini nibon midut dini ei nibou nggram him lene abipai bak ‘tuhan simbot dat bipia Noni kon nani ba, anok nibou ndig mem mben Israel.’ Tirigi abon midut dima bingwig su lene ma abipbur ba, anang leu mpia dima haninyai.”

YOHANES GI NIGOM 5:16

Gino jigom ngat nisut no di Kresten di bon sisar di bindei ba, nide niyaijo nijep di jo kikau srawir bi ne ma jingat nadi tindei noni apino Allah mitug niyaijo nijep hanyen binoni. Dipaisi dini bitut yo di ibon sisar di bindei ba, ide niyaijo nijep di jo kikau srawir bi nya. Noro sisar ninyeng gom bindei ba, niyaijo nijep di jo kikau pror hak leu tungwatu nya ba, israwir. Tut nadi di bitut sisar dima ne dipai bije tut bi.

YEREMIA 15:1

tuhan pai bida “Mbro nok gino Musa kin Samuel ikwei ya Doho bei bimbrap gau yo dini lo, dingon nggriu sut yok kan bi. Ma ajji yok ug ei minu ting leu Doho bei hak ug.

YEREMIA 11:14

Gima rino na di Yeremia e, ma angat nadi tindei yok au! Ma ahara Da mem gima dimpu yok cem au! Gino mun di buhun bibor cut igkep yok leu api yahara Da mem gima dimpu yok lene mporo digimiap ighyet bi.”

YESAYA 11:1

Nibou Ndig Daud de nintun him yamti di bram yam nya midem kep nok biei di iwim tu. Bit leu nok nibiop ntun ningwam him hanyen ne nibou ndig nijep bu di ntun Daud him mikiju kwei.

IBRANI 11:32

Duhuk dihyet kikau e? E bi. Lewo jam ngwig leu da bidibon nituti mem dipui sut Gideon kin Barak kin Simson kin Yefta kin Daud kin Samuel kin nabi nya cem bi.

NIBOU NDIG NYA GI NIGOM 8:16

‘Tirigi po dibuwak Ditde limwa nya kwei leu minu Mesir pima kikau kwei bipek nijam dini kep lene dindo mpia ttou nsi gom mem gima angot Ditde Ig bijikuk je biDa eisi bidem minu Israel nisurti-nipekti hagom bina bi. Noro didimig na di Daud ei leu binhyepo anyeng mitak kep Ditde limwa nya.’ ”

NIBOHON MBEN ISRAEL GI NIGOM 11:3

Gima rino Daud kiju di bon gi preu bit nibou mben Israel leu api ita noni binok nibou ndig mben Israel dem igbit tuhan nipreu ei tug hon Samuelti nipou su.

NIBOHON MBEN ISRAEL GI NIGOM 28:4

tuhan Allah di mben Israel ikuk yok bak dimig dani kin ditde nintun him yamti di bram yam nya ei mem gima ninyeng tak kep Israel bijo ninno bijo kikau. tuhan dimig keret Yehuda lene ndo dicig nide ig bei nsi nya leu nindigsi di intun keret Yehuda him. Lene Noni dimig dani leu dikindig bat nya ikieti ei dicig nide ig bei nsi dima. Lene bikon dani bidigwam nok nibou ndig leu binhyepo dinyeng tak kep mben Israel yahagom.

ZAKHARIA 4:14

Noni pai “Gima ne ibou can di tuhan di pai tes dihyeisi kin gwamti bitut mun di joti nya hagom dimig ei mem gima igyai midyai mem Noni ri.”

SAMUEL GI NIGOM 17:12

Daud nicig ninyeng Isai lene Isai tig mbier tut keret Efrata bibong ei Betlehem ei hanjop keret Yehuda ide. Noni yai nipmot bat nya ibou muhwindaningai. Tirigi Saul ninyeng tak kep mben Israel lene Isai nok andig-ndau leu su.