SAMUEL GI NIGOM 14:6 - ALLAH NIHYET MEM TUNGWATU NYA

⁶ Lene Yonatan pai bak pinai pilei pima “Akwei ba, suug ei mben Filistin ide prak meng yati. Yoni ikuk yok bak Allah bi. Mpaba tuhan mimpu sa lewo Noni sindem mem gima bindei ba, side siceu nya micut tug hon tentara di imang bibor kin tentara di ibou poi he cem.”

SAMUEL GI NIGOM 14:6 ပူးပေါင်းရင်းမြစ်များ

MATIUS 19:26

Yesus mian huk yok bibuhup “Bit bon tungwatu nya igyai mun dini yok kan bi! Noro Allah sindem mem gima yai mun nyeng hagom.”

ROMA 8:31

Gima hagom nok lene notou ibuhup hanyen bu i? Gino Allah tti kin nye ne tou ribindei cut nye i?

ZAKHARIA 4:6

Malaikati dima cuk da bidipai sut tuhan nisokti dini bak Zerubabel. “Bit bon agiyai mun bipek kep tug hon tentara nya ide nisindemti kin nanti ade nisindemti cem kan bi. Noro tug hon Dinnei he.

NINDAT KEP TUHAN NICUKTI NYA 32:30

Nggon rino ibou sribu gom icut bak ide siceu gom ngat i? Nggon rino ibou sribu simnai icut bak ide siceu nya ibou can he i? Lewo tuhan di nok ide Allah kes yok ei ba, No di sindem bibor tri yok bak ide siceu nya tu.

NIBOHON MBEN ISRAEL GI NICAN 14:11

Leu api Asa ngat nadi bak nide tuhan Allah bipai “tuhan e, Nangkom ngat he rino ampu kep tentara di isindem bi nya ba, ibindei timek tentara di isindem bibor. Nyende tuhan Allah e, ma ampu nye nogindini! Nyeni niba ningon com Nani ba, ninjei kwei tug hon anyeng mem gima nikon pran bit nimpung tentara di nindig bibor dini. tuhan e, Nani ne nyende Allah ri. Jo nibreisi bipia bit bon tungwatu nya ibindei timek Nani kan bi.”

SAMUEL GI NICAN 16:12

Mpaba tuhan mingig niyai kep mun di buhun di cut igkep da dini leu api miyai gi kei bida biluei nide nimbriom dati dima e?”

ZEFANYA 2:3

Je di jingon nggriu kin je di jice tut bijibit tuhan nicukti nya ei minu dini jahagom e, ma jingkwei hanyen ndam tuhan. Ma jiyai jibou tut bijibibit tuhan ningon kanti ba, joom jenti ei Noho bei. Tou rikan tut pia hi rima ingwes ngun leu hukum mem njap dino tuhan ndo Nide niggati ei nibreisi i?

AMOS 5:15

Suar jingon mpo tut mun di mbuk bibor bijingon ngakei mun di kei bibor. Suar jahati tut nikei nikos tutti di sren kei nya. Mpaba tuhan mingondut mben Israel nindigsi di imai bigyo drek dip jiyai munti dima e?

YEREMIA 9:23

Lene tuhan pai “Ma yo di ingon ki nya illei sut ide ningon kiti au. Ma yo di isindem nya illei sut ide nisindemti au. Ma yo di inyeng nya illei sut mun di inyeng tut nya au.

NIBOU NDIG NYA GI NICAN 19:4

Nibou ndig mben Asyur cuk nide nibou pran di sindem bibor kwei leu binhyepo nihyet wer mpiahi tut Allah di niyaijo. Handei kon ba, ade tuhan Allah miap kep nihyet dima bikes hukum ei no di pai nok gima dip. Gima rino ma angat nadi tindei ide limwa nya di itug ndei nimai bigyo.”

SAMUEL GI NICAN 1:20

Ma jitri tut nihyet dini bak mben Gat ba, jahap jiji tut kak simpak nya ei Askelon au. Ma jibindei sop Filistin nya ingon llei bibor ba, sindig di intun yo di igwam Allah ninghim nya him imbos-hi-mbos au.

SAMUEL GI NIGOM 17:36

Dibui singa nya kin beruang nya bimai lene midibindei mai ngkiai mben Filistin dima cem bimai drek dip gi noni srep huk Allah di niyaijo de tentara nya.

SAMUEL GI NIGOM 17:26

Lene Daud hig ser yo di igya ei sirima “Ui! No di ngkiai di mben Filistin dima brim ningkek bisrep huk Allah di niyaijo de tentara e! No di bindei timek noni bibindei ba, noni minim kep nye di mben Israel bu bi mitug ndei mindei ngan i?”

NIJAM NIKEI NYA 15:18

Lo bi lene Simson nggobiau bibor. Gima rino hara tuhan bipai “Nani abindei mben Filistin imang bibor dini icut bida tu noro nogindini midimai dinggobiau leu api mben Filistin di ikan tut Nani bi nindigsi nya mikwei kat da.”

FILIPI 3:3

Lewo nyeni icoi ei midut sunat di nijitti tu noro yoni ne bi. Lewo ikuk nye bak Allah tug hon Allah Ninnei di mpu nyeni ba, ingon llei sut ide ninok gom kin Kristus Yesusti ba, iba ingon com nibon midut ningkek dip nya bi.

SAMUEL GI NIGOM 14:5

Hak gom di jo bei mpia nijjai birok kik Mikhmas lene gi hi di jo bei mpia nibiho birok kik Geba.

SAMUEL GI NIGOM 14:7

Lene pinai pilei buhup “Andigpoi e, ayai mun bit leu angon kanti leu api midibit na.”

SAMUEL GI NIGOM 17:46

Njap di ammani ne tuhan mikes na ei dindati bibindei ba, acut bak dani leu api midirop abou leu ug ri. Lene midikes angut kin tentara Filistin ingut ei mem ha nya bipuk lene mindhe nya bibriug. Leu api tungwatu dihyeisi dini hagom mikan tut bipia nye di mben Israel nibon nyende Allah di nikuk nye bak.

SAMUEL GI NIGOM 17:47

Lene yo di ingat rin ei mpia dini mingat bipia tuhan suar simeda kin micim nya leu binhyepo biteu nide limwa nya bingwes ngun bi. Nongkom kos tut ningon kanti mem pran dini leu api mikes je ei nyeni nindati ug ri.”

SAMUEL GI NIGOM 31:4

Gima rino noni cuk nide awak pinai pilei di ttei kep nide minggwen nya bipai “Ma ahit ade simeda ba, adat da hak leu binhyepo mben Filistin di igwam tuhan ninghim dini yok miba da bikek ba, igyai nimai bida au.” Noro pinai pilei dima kou sut gi dat noni lewo hig ningon eisi. Gima rino Saul hit nide simeda bitas pijum leu api ei njei nonti ninggwenti bimai.

MAZMUR 135:6

Noni yai igbit ningon kanti ei mpia-bbed him kin dihyeisi dini kin muk ngeisi kin muk ndigsi di jut bibor cem.

YEREMIA 9:25

tuhan pai “Nijam dem ne midikes hukum ei mben Mesir kin Yehuda kin Edom kin Amon kin Moab kin timiei iggum ndigsi di ikos ibou nta bicun dip. Yo dini kin mben Israel yahagom igyai nibon midut sunat tu noro yahagom igyai munti nya noyam kin yo di igyai nibon midut sunat nya igyai munti nya bi. Lewo igibit gi preu di nibon midut sunat tak buk kep bi.”

MBEN ISRAEL IMBUT-MBUT NYEN 10:32

Gino abit nye lene mun di kei di tuhan njei bak nyeni lene mininjei gima hi bak nani cem.”

MBEN ISRAEL IMBUT-MBUT NYEN 31:4

Suar bikwop keret mben Israel hi gom hi gom kes tentara nya ibou sribu gom mem gima injei siceu ba, ikon pran a.”

YOSUA 14:12

Gima rino ma akwas minu ndig nya ei nungug him po tuhan preu ei mem da mpe di po dani kin ditde limwa nya ningkwei hanyen binitri tut mun di ningat bou nyenti niyai him pima tut da. Mpe dima lene nitri tut bina bipia mben Enak di anjan bibor ingat rin ei mpia dima. Yoni ibong ei minu ndig ngat di ibon ngug tig ser. Mpaba tuhan mimpu da ba, midijji yok dem igbit tuhan nitto ei bidati pima.”

NIBOHON MBEN ISRAEL GI NICAN 14:10

Asa cem njei sut nide tentara nya ndam Zerah. Lene nibou cin dima idimig tentara di ide nya ba, iba yoho rok yam ei Mbang Briep Zefata di jo dideu Maresa.