SAMUEL GI NIGOM 14:3 - ALLAH NIHYET MEM TUNGWATU NYA

³ (Imam Ahiya juk sinsun efod mem nijam dima ba, nicig ninyeng Ahitub ba, nipmum ninyeng Ikabod. Ikabod nicig ninyeng Pinehas ba, nignyon ninyeng Eli po tuhan de imam ei Silo pima.) Noro tentara nindigsi nya ikan tut Yonatan nimbutti bi.

SAMUEL GI NIGOM 14:3 ပူးပေါင်းရင်းမြစ်များ

SAMUEL GI NIGOM 1:3

Lene Elkana bit leu niyai kepti bikwop ari bingwam ba, jo leu minu ndig Rama buug ei Silo leu binhyepo kuk no bak tuhan Di Sindem Bibor bibon midut nindig mindhe ei nimbar hum dokti bak Noni ei sirima. Mpe dima lene Eli yai nipmot bat cin di Hofni kin Pinehas ba, igyai midyai nok imam mem tuhan ei sirima.

SAMUEL GI NIGOM 14:36

bipai bak nide limwa nya “Jikwei ba, ihwen mben Filistin mem mmun di ariman bipos mun di inyeng tut nya hagom bingwig leu yok leu api igyai nimai biyok.” Lene limwa nya ibuhup “Andigpoi e, ayai mun bit leu angon kanti hak ug.” Noro imam gom pai “Jikwei ba, ihig Allah nipou ug e leu binhyepo Noni ndo igbit ningon kanti binye.”

SAMUEL GI NIGOM 2:18

Mpe dima lene Samuel mahan bigyo lo, yai kep midyai nok awak mem tuhan. Noni juk sinsun nibon midut di nijei di iba minyahas linen binap.

SAMUEL GI NIGOM 2:28

Didimig nide keret leu keret mben Israel nindigsi nya hagom ei leu binhyepo igyai kep midyai nok imam mem Da ba, igya kui nimbar hum dok ba, indig kep biei nggrai di ui-gwang kei ba, ijuk sinsun efod gi bindo tut dingon kanti cem. Lene disindui sut yok bigyai mikwau ninghui ninggriet gom leu bikwop mindhe di tungwatu nya ijem kwei mem nibon midut nindig kep hum ei nimbar hum dokti hagom.

SAMUEL GI NIGOM 22:20

Noro Abyatar di Ahimelekh nipmot nongkom ningwes ngun ba, nang kikau buug ngat Daud,

SAMUEL GI NIGOM 4:21

Lene noni jem nipmot ninyeng Ikabod bipai “Allah De nikei-kau-keisi pror leu Israel tu.” Nipaisi dini ndo tut Brua Gi Preu di ipos kin nipmang kin nijjep imaisi ri.

SAMUEL GI NIGOM 4:4

Gima rino ipinak tungwatu nya bingkwei hanyen ug ei Silo leu api yo dima ikon Brua Gi Preu di nok tuhan Di Sindem Bibor Nide banggo mbrei di dia-diau kei kwei. Lene Eli nipmot bat cin di Hofni kin Pinehas cem injei bit Brua dima kwei.