SAMUEL GI NIGOM 13:12 - ALLAH NIHYET MEM TUNGWATU NYA

¹² Gima rino dikan bipia mbigom tentara Filistin mikwei hwen sa ei Gilgal dini noro sibrim singkek ba, sahara tuhan mem gima joi sut sa bigyo. Gima rino dikos tut di dibon midut dima ug a.”

SAMUEL GI NIGOM 13:12 ပူးပေါင်းရင်းမြစ်များ

KORINTUS GI NICAN 9:7

Suar tungwagom-gom kwas munkwas bit leu nijoi sutti. Ma noni ba nikou biyai bikan bipia hi wit huk noni tut au. Lewo Allah joi sut no di ba ningon di llei bikwas munkwas.

AMOS 8:5

Jikan “Bit bon sibet singon mem pesta di sibon kep njap ndig Bed Jep ningwigsi kan bi. Lewo singon pri tut nituti mem sitri side gandum ba, sibipek mitiei hanyen. Njap nigwam kep ninghuisi cem apig api tun i? Gino tun tu ne sikinyon ei gi sitri mun bisibipek mitiei hanyen. Mpe dima lene sibindei ba, ndigban nibok kak bibor ba, siba kilo nitrowai binai gandum nibuhunti leu binhyepo siris mun bak yo di ikwei pek ndiyok leu sa.

MAZMUR 66:3

Jipai bak Allah “Abon munti bibon ninggap leusi nijit-jau a! Ade nisindem biborti mipbor ngat. Gima rino Ade siceu nya iba ingwak bikik dihyei ba, idigit tut Na bibor.

SAMUEL GI NIGOM 21:7

Njap dima ne Doeg di nok nibou mem yo di ighyen kep Saul de mindhe-ndhe nya ningat rin ei mpia dima mem gima bit midut di yai kep ngan-ngan tu gom. No dini nitimieisi leu Edom.)

SAMUEL GI NIGOM 13:11

Lene Samuel hig ser noni “Andigpoi e, abon mindei i?” Leu api Saul buhup “Ditde limwa nya sindi ikes da ei leu api akwei krau bit leu nok gi po apai bidati pima bi. Tentara Filistin cem idem yam ei Mikhmas tu.

SAMUEL GI NIGOM 13:13

Lene Samuel buhup “Andigpoi e, mun di ayai dima ne aba angon mbum biyai yo. Abit tuhan Allah nicuk nati bi. Gino abit nicuk nati pima nok igbit lene Noni misindui sut ade nintun him yamti di bram yam nya ba, igya luei ahoti binok nibou ndig mem mben Israel bijo ninno bijo kikau.

SAMUEL GI NIGOM 15:12

Njap di hyep bu Samuel kiju mem njap bigyokti buug nggok ser Saul. Lene hi pai binoni bipia Saul ug ei Karmel ba, dingug tig nibiyok ngon kep nonti gom ei sirima leu api ngkwei hanyen ug ei Gilgal tu.

SAMUEL GI NIGOM 15:22

Lene Samuel hig ser noni “Allah joi sut mindei ngan i? Noni joi sut yo di ibit nihyet e, he joi sut nibon midut he e? Mun di bon ninyeng ei Noni niyai him rino ibit nihyet leu gino ibon midut nindig domba di kei bibor kei kep humti bak Noni.