SAMUEL GI NIGOM 11:13 - ALLAH NIHYET MEM TUNGWATU NYA

¹³ Noro Saul srep bipai “E bi! Ma jikes hukum nimai ei yo dima dip njap di ammani au. Lewo tuhan teu nye di mben Israel mem njap di ammani ba, ingwes ngun tu.”

SAMUEL GI NIGOM 11:13 ပူးပေါင်းရင်းမြစ်များ

SAMUEL GI NICAN 19:22

Noro Daud buhup bipai bak Abisai kin nikindig Yoab nya “Tou rihig ser jeni tut jingon kanti i? Mijibindei ba, mun di buhun cut igkep da bu e? Nogindini dani ne nibou ndig mem mben Israel yahagom hanyen bu ri. Gima rino dipai ser ba, timiei Israel hi mitug ndei nimai njap di ammani bi.”

SAMUEL GI NIGOM 19:5

Noni nggok nimai eisi tirigi po noni yai nimai bak Goliat pima leu api tuhan sindem tut nye di mben Israel tug hon nihwen Goliatti leu api sihwen side siceu nya ba, itimek bingwig. Arig e, mpe di po angat gima lene ajoi sut noni nindig bibor. Arig e, nggon rino ma ahwen bit no di ningon ngun ba, ayai nimai binoni mikui-kausi i?”

NEHEI LEUSI 14:13

Lene Musa buhup “Jidigit tut au! Ma jingon nddong hak ug! Mbigom mijingat notou tuhan miteu je bijingwes ngun bou jiyai him ug ri. Nogindini jingat mben Mesir dima noro jei bi ne mijingat yok bu bi sren.

NEHEI LEUSI 14:30

Njap dima ne tuhan teu mben Israel leu mben Mesir indati leu api ingat nimbiam mben Mesir nya yahagom ingut di kwei piar ei minyei nipimat.

YESAYA 59:16

Noni nggap leu sut gi hi kiju bimbrap gau yo di itug ndei nihwen bit yokti bi a. Gima rino Noni ba nisindemti biteu Nide limwa nya bingwes ngun leu lene bindei ba, yoom kep ide nitok joti nya.

SAMUEL GI NIGOM 14:45

Noro nide limwa nya isrep bipai “E bi! Nggon rino Yonatan mitug ndei nimai i? Noni ribindei dino ide siceu nya yahagom icut bak nyeni tu! Nipreu kep na di Andigpoi tug hon Allah di niyaijo ninyeng bipia Yonatan nibou nta gom mipror leu noni bi. Lewo noni bindei ba, ide siceu icut bak nyeni mem njap di ammani tug hon Allah di sindem tut noni.” Gima rino nide limwa nya iteu Yonatan ba, ningwes ngun leu hukum nimai.

KORINTUS GI NIGOM 15:10

Noro nogindini diya diyati nok no di ya kui Yesus tug hon Allah nisingat tut dati. Diyai nisingat tut dati mikuisi bi. Ningat ne dita dibou ei Allah de midyaiti dor njiriek yo di igya kui Yesus nindigsi nya yahagom. Nisindemti di bindei bidita dibou ei midyai dimati kwei leu danti bi noro kwei leu Allah nisingat tut dati lene ba No bikum da mem midyai dima.

SAMUEL GI NIGOM 10:27

Noro yo di ingkek ndok nya ibou poi ipai biyam “Notou no dima mimpu nye i?” Lene ingwes pri gau noni apino igyai munkwas hi bak noni bi. Noro noni bon nonti nok no di kan tut bi.

SAMUEL GI NICAN 23:10

lene Eleazar brim ningkek biyai nimai bak mben Filistin ninno ba, nisindemti ngwig leu no kep. Ninda cem nggap kep nide simeda leu ba, pas leu ninda kan bi. tuhan bindei ba, tentara Israel ibindei timek siceu nya bibor ei njap dima. Nimpung mben Israel po isujou pima ikwei hanyen bigya Eleazar niyati di hwen siceu nya eisi pima leu api ijuk sinsun pran hagom leu nimbiam ingut di icut bimai sinsiou ei mpia dima.

SAMUEL GI NICAN 19:23

Lene noni pai bak Simei “Dwai, diba neheng bipai tug hon dinyeng bipia atug ndei nimai bi.”