SAMUEL GI NIGOM 11:1 - ALLAH NIHYET MEM TUNGWATU NYA

¹ Bed gom bu lene Nahas di nibou ndig mben Amon njei siceu tut nide tentara ug ei minu ndig Yabesh ei hanjop Gilead. Lene igyon ttai minu dima. Leu api pinai di ibong ei Yabesh ipai bak Nahas “Gino akwam minggwen bit nye ser lene minice tut anyeng tak kep nye.”

SAMUEL GI NIGOM 11:1 ပူးပေါင်းရင်းမြစ်များ

NITRITI 26:28

Lene ibuhup “Jo nibreisi bipia tuhan nyohou na nok gi kei. Gima rino nikan bipia nna ba nyeni yahagom ipreu mun ei bit yam. Ma apreu ei mem nye bipia,

SAMUEL GI NICAN 10:1

Nituti poi bu lene Nahas di nibou ndig Amon mai leu api nipmot Hanun kui biya luei nohoti bu.

SAMUEL GI NICAN 10:2

Lene Nibou Ndig Daud kan “Nahas ne sisut di ningon gom ri. Gima rino suar sijem sisut bit nipmot Hanun cem.” Lene noni pinak nide tentara nya ibou poi ug ei minu Amon leu binhyepo igwam ser Hanun ningon di ngguk tut nicig nimaisi.

SAMUEL GI NICAN 17:27

Tirigi Daud ug krau Mahanaim lene Sobi di Nahas nipmot di kwei leu minu ndig Raba ei Amon kin Makhir di Amiel nipmot di kwei leu Lodebar kin Barzilai di kwei leu Rogelim ei Gilead yahagom igya um noni.

SAMUEL GI NICAN 2:5

Gima rino noni sok nihyet bak yo dima bipai biyok “Handei kon ba, tuhan minjei mun di kei bak jeni drek dip gi po jindo jingon di gom tut jide nibou ndig tug hon gi jitig ningut pima.

NIBOU NDIG NYA GI NIGOM 20:34

Leu api Benhadad pai bak “Midingkwei minu ndig ngot di dicig pos leu na di Andigpoi acig biyati nya hagom hanyen bina di Andigpoi. Midisindui sut ba, na di Andigpoi awin nitri-nipek mun nibousi ei Damsyik mem nitri-nibipek mun cig nya noyam kin gi dicig win ei Samaria pima.” Lene Ahab buhup “Midikes nani ba, angwes ngun drek dip mun di na di Andigpoi apreu ei mem dati dima.” Gima leu lene Ahab kwam minggwen bit noni ser leu api kes noni bimbut.

NIBOHON MBEN ISRAEL GI NIGOM 10:11

Tirigi timiei Yabesh di ibong ei Gilead ikan tut notou mben Filistin ibibon Saul ningut lene,

NIBOHON MBEN ISRAEL GI NIGOM 10:12

ide pinai di mimbri kui ingkek nya ittei yam bimbut kikau biyuug ei mpia dima. Tirigi yuug krau lene ittei Saul kin nipmot bat nya ingut bingkwei sut ug ei Yabesh bitig ei biei tamariska nghousi ei minu ndig dima. Leu api igyem njita bi kikau ei ninsi njap nitindur muhwindacan.

AYUB 41:4

Noni mitto ei mem na e, he mipreu kep na bikuk no nok ade awak bijo ninno bijo kikau e?

NEHEI LEUSI 23:32

Ma jitto mun bak timiei minu dima kin ide nung di ikuk yok bak nya cem au.

YESAYA 36:16

Ma jingig jitingou mem Hizkia nihyet au! Da di nibou ndig Asyur dibidip huk je leu binhyepo jehei kwei leu minu ndig dima bijikes jenti ei dindati hak ug. Gi nok lene midisindui sut je bijiyem ba anggur ngat leu jide miai ba, jingat jingwes ei biei ara ningat di ntun jide biei ara him cem jidut minyei leu jide minyei bousi bibou,

YEREMIA 40:11

Lene mben Israel di ingat rin ei minu Moab kin Amon kin Edom kin gi ingat rin ei minu hiter nya yahagom imiap tut bipia nibou ndig minu Babel ta Gedalya tu. Noni kui bigwam nok nibou hanjop ba, ninyeng tak kep limwa nya imang bu bi su.

YEREMIA 40:14

bipai bak “Akan tut gino Baalis di nok nibou ndig mem Amon cuk Ismael mem gima yai nimai bina e?” Noro Gedalya ba ningon com yok tut ipaisi dima bi.

YEHEZKIEL 17:13

Leu api noni dimig tungwagom leu nibou ndig minu Yehuda de adig-ajoi nya bipreu ei mem noni bicuk noni leu binhyepo ba neheng bipreu ei bipia miba ningon gom bibit nibou ndig nihyet. Leu api nibou ndig dima kat yo di inyeng jei nya bibuwak yok ug ba, isima

NINDAT KEP TUHAN NICUKTI NYA 23:3

Harin dima mben Amon kin mben Moab bitut ide nintun him di bram yam nya gi nigom kikau ug bipek gi nisimnai icoi bit tuhan de limwa nya a.

NIJAM NIKEI NYA 10:7

Igyaisi dima bindei ba, tuhan gga yok apino sindui sut mben Filistin kin mben Amon di inyeng tak kep yoni.

NIJAM NIKEI NYA 11:4

Njap poi ser lene mben Amon injei siceu ba, ihwen mben Israel.

NIJAM NIKEI NYA 21:8

Lene igyok igyai kep keret mben Israel leu binhyepo ibingat bipia keret gom di kwei mpu yok ei Mizpa nipou pima bi. Leu api ingat lo, timiei Yabes ei hanjop Gilead hi di kwei mpu yok ei Mizpa bi.

SAMUEL GI NIGOM 12:12

Noro mpe di po jo nibreisi mem je bipia Nahas di nok nibou ndig mem mben Amon hwen je pima lene jikou sut tuhan di nok nibou ndig mem je leu api jipai bida bipia jijoi sut mem gima nibou ndig gom ninyeng tak kep je.

SAMUEL GI NIGOM 14:47

Niabiati mben Israel ita Saul nok nibou ndig lene noni kon pran bit nide siceu nya bidem hantou-hantou bitut mben Moab kin Amon kin Edom yahagom kin nibou ndig nya ei Zoba kin Filistia. Tirigi noni kon pran lene nide siceu nya yahagom icut bak noni.