SAMUEL GI NIGOM 10:7 - ALLAH NIHYET MEM TUNGWATU NYA

⁷ Tirigi mun dini yok hagom pek kep mem na lene ma ayai igbit angon kanti hak ug lewo Allah ningat rin bit na.

SAMUEL GI NIGOM 10:7 ပူးပေါင်းရင်းမြစ်များ

NITRITI 21:20

Lene Allah nyohou Ismael ba, noni bindig nut lene bong-bong wai ei iggum ndigsi ei Paran. Mimbrek-mimbrek lene noni nok no di ngim igkei.

SAMUEL GI NICAN 7:3

Lene Natan buhup “Andigpoi e, nna ba ayai mun bit leu angon kanti lewo tuhan mpu na di Andigpoi.”

AYUB 31:25

Dingon jei sut ndigban kin mitiei di dinyeng tut nya bi sren.

NEHEI LEUSI 4:8

Lene tuhan pai binoni “Gino iba ingon com nani bi ba, mindur di ando biyok bibie dima tot ingonti bi lene mindur gi nican dini mibindei ba, iba ingon com nani yo.

NIBA NINGON SRIP HUKTI 9:10

Ma ata abou ei ade midyai nyati sri lewo tungwatu nya igyai midyai cem ikan-kan nyen cem ingon dor niti cem ingon ki cem ei minu nimai nya ide bu bi. Ba, mporo ador ug ei sirima.

YESAYA 7:14

Nogindini tuhan Nonti mindo bindo di bitto mem je. Sop gwam nitta pilei gom di nghop tu misrek tut nipmot leu api jem ninyeng Imanuel.

MATIUS 1:23

“Sop gwam nitta pilei gom minghop rin ba, misrek tut munggwom nipinai gom leu api tungwatu nya mijem ninyeng Imanuel.” (Imanuel leu nihyet Ibrani gi ibijem bipia “Allah gwam bit nyeni”.)

MATIUS 28:20

Ma jingginau yok leu binhyepo ibit mun di dicuk je tut nya hagom. Ma jiyok ngon kep bipia midingat rin bit je kikau ug bipek njap ningwig honti.”

LUKAS 2:12

Ba, mun di ndo bindo tut dipaisi dini rinok gini. Mporo jimbut bijittau kep ningwoi-ngwoi dima bijingat lo, no iba ban binggai di ikes tut ei brua nsi ei a.”

YOHANES 6:14

Tirigi tungwatu ningot ndig dima yok ingat mindur di Yesus bibon lene ipai biyam “Jit jit, No dini ne Nabi di ingon ya mem di mikwei ei dihyeisi dini pima ri.”

NINDAT KEP TUHAN NICUKTI NYA 20:1

“Tirigino jinjei siceu bijihwen jide siceu nya, lene ma jidigit tut ide kroba pran kin ide kuda di mang-mang kin ide tentara di ikon pran kan nya di imangti dor njiriek jimangti au. Lewo jide tuhan Allah di kwek jeni leu minu Mesir mimpu je.

IBRANI 13:5

Suar jimbres jenti leu sisar niba noho rok mitieisi. Ma jingon cut hon jimati di jo bije tu. Lewo Allah pai “Dimbres Da leu jeni bidikes je ei bi sren.”

YOSUA 1:5

Yosua e, bit bon ade siceu hi hwen na bibindei ba, acut bak yoni kikau ug bipek ade njap ningwig honti kan bi. Lewo midingat rin bit na bit leu nok gi po dingat rin bit Musa pima ba, midikes na bihigom ei bi sren.

YOSUA 1:9

Ma ayok ngon kep Ditde nicuk nati pima leu binhyepo angon nddong ba, abrim angkek! Ma attin tut ba, angon pus tut au. Lewo Da di tuhan dinok ade Allah ba, midingat rin bit na bidem ambutti nya hagom.”

NIJAM NIKEI NYA 6:12

Lene tuhan de malaikati dima tau kep Gideon ei sirima bipai bak “Acem! Nani ne pinai pilei di mimbri kui angkek bibor tug hon tuhan di ningat rin bit na.”

NIJAM NIKEI NYA 9:33

Njap tekti di hyep tirigi mpia pri lene ma jicut kros igkep minu ndig dini ba, jihwen hak ug. Gino Gaal ya tut nide tentara nya ba, ihwou hwen jeni lene gima bon nituti di kei mem gima jihwen noni hak ug.”

SAMUEL GI NIGOM 2:34

Apmot bat cin di Hofni kin Pinehas yahacem mitug ndei nimai noyam mem njap gom ngat ba, gima ne bindo tut bipia dihyet dini hagom ne nijit ri.

SAMUEL GI NIGOM 20:13

Ne gino noni bungwam mem gima yai nimai bina lo, dipai sut bina bidibindei ba, angwes ngun bi lene ma Allah yai nimai bida hak drek dip. Handei kon ba, Allah misindem tut na bit leu nok Noni sindem tut dicig.

SAMUEL GI NIGOM 3:19

Lene tuhan ningat rin bit Samuel kikau bindig lene bindei ba, mun di tibim ei Samuel nuhui him nya pek kep dem igbit nipaisi dima.