SAMUEL GI NIGOM 10:20 - ALLAH NIHYET MEM TUNGWATU NYA

²⁰ Lene Samuel hig bibikwop keret dima yok bikwei ya ei Allah Noho bei sindam leu api Allah ndo keret Benyamin.

SAMUEL GI NIGOM 10:20 ပူးပေါင်းရင်းမြစ်များ

SAMUEL GI NIGOM 14:41

Lene Saul ngat nadi bipai “Nye di mben Israel nyende Allah e, nggon rino abuhup dihyet njap di ammani bi i? Allah e, ma abuhup dihyet tug hon tig permata di kwes-kwau dini. Gino dani e, he Yonatan rino ningon mui e, lene ma abuhup tug hon Urim. Ne gino nyende limwa nya hi ningon mui lene ma abuhup tug hon Tumim.” Lene tuhan nibuhupti ndo tut Yonatan kin Saul. Gima rino ide limwa nya yahagom ingon ngun.

SAMUEL GI NIGOM 10:19

Dinyeng tak kep je ba, diteu je leu mun di cut igkep je kin mun di buhun tak je bijingwes ngun tu. Noro tini bu lene jikou sut Da ba, jisuar jide nibou ndig gom. Nna ba dice tut jingon kanti dima. Gima rino ma jahagom jikwas yam bit leu nok jide keret kin jide pung di jintun him nya cem leu api jikwei ya ei tuhan Noho bei.’ ”

SAMUEL GI NIGOM 10:21

Lene Samuel nduk bibikwop nibou igbei nsi nya di intun Benyamin him yahagom bikwei ya bibie leu api Allah ndo nibou igbei nsi di ninyeng Matri bitut nide limwa nya. Lene pinai nya di itig mbier tut Matri ikwei ya bibie leu api Allah ndo Saul di Kish nipmot. Lene nide bat nya inggok ser Saul noro ningat rin srig ikieti bi.

SAMUEL GI NIGOM 14:38

Lene Saul nduk nibou di igya kui noni yahagom kwei bipai “Jikwei ba, inggok tut sisar di ibon mem njap di ammani ug e.

SAMUEL GI NICAN 3:19

Lene Abner mbrap bit keret Benyamin cem leu lene ug ei Hebron bipai sut mun di keret Benyamin kin limwa Israel nindigsi nya ice tut yam tu dima bak Daud.

YUNUS 1:7

Leu api kiten kibar kin Yunus ikui ug ei kibar dip bingat lo, timiei kibar nsi nya ipai biyam “Jikwei ba, iko bibinggok tut no di bindei dino sigau yem nye hak nontini dini ug e.” Tirigi iko bibinggok tut tu lene jo nibreisi mem yok bipia Yunus rino bindei dino sigau yem yok a.

NINDAT KEP TUHAN NICUKTI NYA 33:12

Lene noni pai sut keret Benyamin bipai, “tuhan ningon ngakei keret Benyamin biya srak ko hagau yok bidem njap jei ba, Noni ningat rin bibong ei ikieti.”