SAMUEL GI NIGOM 10:11 - ALLAH NIHYET MEM TUNGWATU NYA

¹¹ Tirigi yo di ikan tut noni kin niyai kepti nya ingat mun dima yok lene ihig yam “Mindei rindei Kish nipmot i? Noni luei ningonti binok no di nabi e?”

SAMUEL GI NIGOM 10:11 ပူးပေါင်းရင်းမြစ်များ

YOHANES 7:15

Nibou mben Yahudi nya inga leu nindig bibor bihig yam ser “Nggon rino No dini ningon ki nok i? Noni coi pikor hi bi sren.”

SAMUEL GI NIGOM 19:24

Lene noni cem juk nide sinsun leu api ba ningat ngu bipri-pri nyen ba, mbos-hi-mbos bu ei Samuel noho bei leu api bong tut ningat nguti ei dihyei ninjek dip kikau mem mmun-njap gom. (Niyai munti dima bindei ba, tungwatu nya sindi ihig ser yam “Saul cem no di nabi e?” Gima ne nihyet nibiti ninda dima nitriti ri.)

KISAH 9:21

Yo di imiap Saulus nihyet yahagom inggap leu tut ba, ihig yam “No dini bindei ba, yo di ikuk yok bak Yesus ei minu ndig Yerusalem igyai nimai bi e? Apo noni kwei ei sirini bipi bikat yo dima bibuwak yok hanyen ug ei imam nindig nya yoho bei bi e?”

KISAH 4:13

Nikei Puig Yahudi Nya inggap leu tut Petrus kin Yohanes di iji ngkiem nok gima. Ikan tut bipia yo cin dini igyai inyeng bicoi pikor cem bi. Lene jo nibreisi mem Nikei Puig Yahudi Nya bipia yo cin dini ne yo di igya kui Yesus ri.

KISAH 3:10

Lene ibingat bipia noni ne no di nuhui mbum di bong ser Tuhan De Ig sur Dimbou Hui Di Kei Bibor ri. Yahagom inggap leu tut mindur di pek kep mem noni.

AMOS 7:14

Amos buhup “Dani ne no di nabi di ditri tut dihyet rin lo, diyok dingon mem gima dibiyai dimuhup bi. Dani ne no di gembala kin no di nyohou biei ara cem ri.

AMOS 7:15

Noro tuhan yai da leu ditde midyai nok gembala leu api cuk da leu binhyepo duug tri tut nihyet bak Nide limwa di mben Israel.