SAMUEL GI NIGOM 1:19 - ALLAH NIHYET MEM TUNGWATU NYA

¹⁹ Njap di hyep bu lene Elkana nya ikiju mem ha yausi ba, ikuk yok bak tuhan mbigom kin bu leu api ingkwei hanyen ug ei minu ndig Rama. Jei bi lene Elkana kin Hana igyem njita tut yam apino tuhan buhup Hana nihyet po ngat nadi pima.

SAMUEL GI NIGOM 1:19 ပူးပေါင်းရင်းမြစ်များ

NITRITI 21:1

Lene tuhan njei mun di kei bak Sara bit leu nok noni preu sut ei mem noni nipou su.

NITRITI 30:22

Lene Allah ningon prion ser Rahel bi. Gima rino Noni buhup nide nadi bibindei ba, noni nghop.

NITRITI 4:1

Lene Adam nitnem yoni igyem njita tut yam apino jei bi lene nitnem tta buhun. Jei bi lene Hawa gwam tut nipinai leu api pai “Diyai dimunggwom nipinai tug hon nisindemti di tuhan yai bida.” Leu api jem ninyeng Kain.

NITRITI 8:1

Noro Allah yok ngon kep Nuh bitut mindhe-ndhe di ingat rin bit noni ei kibar nsi. Gima rino Noni bindei ba, hou kui minyei ngwa dip bibindei minyei sindi sri hanyen.

NIBOU NDIG NYA GI NICAN 4:17

Ari bingwam nidipti bu ei bed di nok gi pima lene noni yai nipmot gom bit leu nok Elisa nipreu ei mem noti.

MAZMUR 119:147

Dikiju mem njap tekti bidahara mem gima ampu da. Diba dingon com Ade nipreu ei mem dati.

MAZMUR 136:23

Mpe dino ide siceu nya ibindei timek nye lene Noni bbwe ser nye bi. Nide ningon ngakeisi jo ninghig-niker.

MAZMUR 25:7

Akos ser ditde sisar kin ditunggweisi nya di dibon habiei leu dipilei kwei su nya. Ayok ngon kep da lewo Nani ne Na di angon ngakei Ade limwa nya rin ba, asingat bibor.

MAZMUR 5:3

Ditde Nibou Ndig kin ditde Allah e, amiap kep dihyet di dahara Nati dini ba, ampu da.

MAZMUR 55:17

Noro dahara tuhan Allah kwei mpu da. Noni miteu da bidingwes ngun.

MARKUS 1:35

Njap di hyep bu lene Yesus kiju mem hayausi leu api hei leu ig bei buug ndam mpia nintiti leu binhyepo ngat nadi biNongkom.

LUKAS 23:42

Lene noni pai “Yesus e, ayok ngon kep da tirigi akwei hanyen nok Nibou Ndig!”

YOSUA 18:25

Kin minu ndig simnaibrimigtai gi bram bu di bitut minu mien di jo ttai nya cem. Minu ndig dini yok rino Gibeon kin Rama kin Beerot kin Mizpa kin Kefira kin Moza kin Rekem kin Yirpeel kin Tarala kin Zela kin Elef kin Yebus (Yebus ninyeng hi Yerusalem) kin Gibea kin Kiryat-Yearim. Gini ne dihyei hanjop nsi nya di bikwop keret Benyamin ninsi de gom-gom itug ndei ba, inyeng tak kep ri.

SAMUEL GI NIGOM 1:1

Mpe di gom lene Elkana bong ei minu ndig Rama ei nungug him di keret Efraim nya ide lewo noni ntun keret Efraim him. Nicig ninyeng Yeroham lene nignyon ninyeng Elihu. Noni ne Tohu nide bat ba, nimbier kim Zuf ninsi de nya.

SAMUEL GI NIGOM 1:11

Lene noni preu ei bipai “tuhan Di Sindem Bibor e, ma ayok ngon kep da lewo dinok Ade awak ri! Ma angig ayai kep dingon di buhun biborti. Ma angon prion ser da ba, akes da ei au. Gino ayai dipmot gom bida lene mididimig noni ei mem Na kikau ug bipek niyaijo ningwig honti. Lene dipreu ei mem Na bipia midikos nibou nta bi sren.”

SAMUEL GI NIGOM 15:34

Lene Samuel ngkwei hanyen ug ei minu ndig Rama ba, Nibou Ndig Saul ngkwei hanyen ug ei nide ig ei Gibea.

SAMUEL GI NIGOM 16:13

Haninyai Samuel hit ampou tut mini zaitun pima bisiber ei Daud nibou nggram him bou nikindig bat nya igyai him. Mpe dima lene tuhan Ninnei sindem tut noni ba, ningat rin bit noni kikau. Lene Samuel ngkwei hanyen ug ei minu ndig Rama.

SAMUEL GI NIGOM 19:18

Gima rino Daud ningwes ngun buug ngat Samuel ei minu ndig Rama bindat kep Saul nibibon noti hagom bak. Lene yahacem yuug ei Nayot bibong ei sirima.

SAMUEL GI NIGOM 2:11

Lene Elkana nya ingkwei hanyen ug ei minu ndig Rama. Noro Samuel di Hana nipmot no bong ei Silo ba, ya kui imam Eli biyai midyai mem tuhan.

SAMUEL GI NIGOM 25:1

Mpe di gom bu lene Samuel niyaijo ngwig hon leu api mben Israel yahagom induk yam bipim kep ba, ingon ngguk tut noni nindig bibor. Lene itig ei nide biyati ei minu ndig Rama. Gima leu lene Daud ug ei iggum ndigsi Paran.

SAMUEL GI NIGOM 7:17

Bikwop mpe di noni yai midyai dima bingwig lene ngkwei hanyen ug ei nide ig ei minu ndig Rama bigwam nok nikei ei mpia dima bu. Lene noni dingug tig bijo-jo yam dip nok nimbar hum dok mem Allah ei minu ndig Rama.

SAMUEL GI NIGOM 8:4

Lene nibou mben Israel yahagom imbus yam ei leu api yuug ngat Samuel ei minu ndig Rama,

SAMUEL GI NIGOM 9:26

leu api noni bong ei sirima mem mmun dima. Njap bigyokti lene Samuel kui ug ei ig bou ninjek dip lene win Saul bipai binoni “Akiju bidikes na ba, ambut ug ri.” Lene Saul kiju ba, yahacem imbut leu ig bei dima.