SAMUEL GI NIGOM 1:12 - ALLAH NIHYET MEM TUNGWATU NYA

¹² Lene Hana huk nadi wer ninno ba, Eli tou kep nuhui tirigino nuhui bingmai-bingmai gwai.

SAMUEL GI NIGOM 1:12 ပူးပေါင်းရင်းမြစ်များ

LUKAS 18:1

Gima ngwig lene Yesus ba nihyet nibiti nindati bingginau yo di ibit Noni leu binhyepo yuhuk nadi kikau lene ma ingon nghen leu au.

EFESUS 6:18

Ma jiyai mun dini yok hagom ba, jibingat nadi bak Allah leu binhyepo Noni mpu je. Ma jiba jiyai ngkiemti kin jingon cut leu bisi bingat nadi bidem nituti kin nikwesti hagom bit leu nok Allah Ninnei nibie tut jeti. Mpe dino jimut jiyai ne ma juhuk nadi mem jisut bat yo di Kresten yahagom.

KOLOSE 4:2

Ma jita jibou ei naditi lo, jiyai nggrop buhun au. Ma jipai sigyo bak Allah.

TESALONIKA GI NIGOM 5:17

Ma jingat nadi bidem nituti hagom bijingon cut leu nadi au.

YAKOBUS 5:16

Gima rino ma jipai jit jide sisar brei biyam leu api jingat nadi tindei yam leu binhyepo Allah bindei ba, jikei hanyen. Nadi di tibim ei no di ningon sren nuhui him sindem bibor.

SAMUEL GI NIGOM 1:11

Lene noni preu ei bipai “tuhan Di Sindem Bibor e, ma ayok ngon kep da lewo dinok Ade awak ri! Ma angig ayai kep dingon di buhun biborti. Ma angon prion ser da ba, akes da ei au. Gino ayai dipmot gom bida lene mididimig noni ei mem Na kikau ug bipek niyaijo ningwig honti. Lene dipreu ei mem Na bipia midikos nibou nta bi sren.”

SAMUEL GI NIGOM 1:13

Lewo Hana ngat nadi ei ningonti. Nuhui bingmai-bingmai gwai noro nihyet tibim ei nuhui him bi. Apino Eli kan bigya ba anggur ningei pu noni.