SAMUEL GI NIGOM 1:11 - ALLAH NIHYET MEM TUNGWATU NYA

¹¹ Lene noni preu ei bipai “tuhan Di Sindem Bibor e, ma ayok ngon kep da lewo dinok Ade awak ri! Ma angig ayai kep dingon di buhun biborti. Ma angon prion ser da ba, akes da ei au. Gino ayai dipmot gom bida lene mididimig noni ei mem Na kikau ug bipek niyaijo ningwig honti. Lene dipreu ei mem Na bipia midikos nibou nta bi sren.”

SAMUEL GI NIGOM 1:11 ပူးပေါင်းရင်းမြစ်များ

NITRITI 28:20

Lene noni heng bipai “Gino na di tuhan anyohou da ba, aya ser da kak dimbutti dini ba, ayai njita kin sinsun hi bida,

NITRITI 29:32

Gima rino Lea tta buhun bigwam tut nipmot lene kan “tuhan ngat igbit singon di buhun tu apino hon kep ammani kui sijjep miningon ngakei sa.” Gima rino jem nipmot ninyeng Ruben.

NITRITI 30:22

Lene Allah ningon prion ser Rahel bi. Gima rino Noni buhup nide nadi bibindei ba, noni nghop.

NITRITI 8:1

Noro Allah yok ngon kep Nuh bitut mindhe-ndhe di ingat rin bit noni ei kibar nsi. Gima rino Noni bindei ba, hou kui minyei ngwa dip bibindei minyei sindi sri hanyen.

SAMUEL GI NICAN 16:12

Mpaba tuhan mingig niyai kep mun di buhun di cut igkep da dini leu api miyai gi kei bida biluei nide nimbriom dati dima e?”

MAZMUR 25:18

Aba angon bisrip huk mun di buhun tak da kin ditde siceu nya di ihwen bit da. Lene akos ser ditde sisar nya hagom.

NEHEI LEUSI 4:31

Apino yahagom iba ingon com Musa Harun nya ighyet. Tirigi imiap tut bipia tuhan yok ngon kep mben Israel bingat mun di buhun tak yok hagom bou niyai him lene ikuk yok binggei sut Noni.

NIPINGOK NINGONTI 31:2

Dimunggwom na e, nani ne dingon kieti rin ba, ditde nisrek tut nati ne nibuhup ditde naditi ri. Midipai mindei bina i?

NIBA NINGON SRIP HUKTI 5:4

Gino apreu ei mem bi ne gima kei dor njiriek gino apreu ei mem leu api ayai mun bipek kep apreu eisi dima bi a.

IMAM NYA IDE MIDYAI 27:2

mem mben Israel. Gino jidimig tungwagom pijum hak ei mem tuhan drek dip neheng di buhun lene dem mem gima jiba mitiei perak bipek no dima hanyen leu tuhan,

MBEN ISRAEL IMBUT-MBUT NYEN 21:2

Lene mben Israel ipreu ei mem tuhan tug hon neheng bipai “Gino Na di tuhan asindem tut nye leu binhyepo ninjei binibindei cut tentara pima yok lene minico kep yok kin ide limwa nya bitut ide minu ndig nya hagom bitimek bingwig.”

MBEN ISRAEL IMBUT-MBUT NYEN 6:11

Suar imam dima bui ha dima ningut gom bindig kep hum nok mun di ibui bibam mem nibon midut nibiyai nikos ser sisarti. Lene noni bui bibam gi hi dima mem nibon midut nindig ha titut kep hum. Tug hon nisinati dima lene imam bon midut nipiap no dima bipwoi hanyen. Ei njap dima cem suar bet nibou nta pijum ei mem tuhan hanyen.

MBEN ISRAEL IMBUT-MBUT NYEN 6:5

Tirigi noni nggre kin nimpung nazir tug hon neheng pima lene ma kos nibou nta leu ba, kak nibou nta cem au. Ma noni bet nibou nta kin nuhui nta ei mem nijam dima ba, jei ug. Lewo neheng pima ngot kep noni kikau bibou nijam di dimig niyaijoti pijum ei mem tuhan ngwig ug e.

MBEN ISRAEL IMBUT-MBUT NYEN 6:8

tuhan ninyeng tak kep no dima niyaijoti pijum mem nijam titut di noni nggre kin nimpung nazir pima.

NIJAM NIKEI NYA 11:30

Yefta preu ei bak tuhan “Gino asindem tut da ba, dibindei timek mben Amon leu ba,

NIJAM NIKEI NYA 13:5

Niabiati asrek tut apmot lene ma akos nibou nta au. Lewo tuhan dimig apmot ei mem Nonti ba, noni micoi bit nimpung nazir habiei leu nipmem ninghopti. Noni mikinyon ei midyai dino teu mben Israel bingwes ngun leu mben Filistin indati.”

SAMUEL GI NIGOM 1:10

Lene Hana ningon buhun bibor hanyen bu apino pim ba, niyai nggwei kibor tirigi noni ngat nadi bak tuhan.

SAMUEL GI NIGOM 1:12

Lene Hana huk nadi wer ninno ba, Eli tou kep nuhui tirigino nuhui bingmai-bingmai gwai.

SAMUEL GI NIGOM 1:19

Njap di hyep bu lene Elkana nya ikiju mem ha yausi ba, ikuk yok bak tuhan mbigom kin bu leu api ingkwei hanyen ug ei minu ndig Rama. Jei bi lene Elkana kin Hana igyem njita tut yam apino tuhan buhup Hana nihyet po ngat nadi pima.

SAMUEL GI NIGOM 1:22

Noro Hana gi bit yok bi lewo pai bak nijjep “Niabiati tirigi dipmot kes do bidut bu bi lene midibuwak noni ug ei tuhan De Prak Meng nsi. Noni mibong ei sirima kikau bipek niyaijo ningwig honti.”

SAMUEL GI NIGOM 1:27

Dahara Tuhan leu binhyepo Noni bindei ba, disrek tut dipmot dini lene Noni buhup dihyet bit leu nok dahara Noni tu.

SAMUEL GI NIGOM 1:28

Gima rino dikwei ba, didimig dipmot ei mem gima yai kep Tuhan de midyai nya bijem niceu bit tuhan kikau ug bipek niyaijo ningwig honti.” Hana pai nok rino yahagom ikuk yok bak tuhan ei mpia dima.

SAMUEL GI NIGOM 2:20

Bikwop mpe dima lene Eli ngat nadi tindei mun di kei mem Elkana kin Hana leu lene pai bak Elkana “Handei kon ba, tuhan mibindei ba, atnem miyai amunggwom bat nya hi kin bu bina biya luei Samuel di jidimig ei mem Noni pima nohoti.” Gima ngwig lene Elkana nya ingkwei hanyen ug ei itimieisi,