SAMUEL GI NIGOM 1:10 - ALLAH NIHYET MEM TUNGWATU NYA

¹⁰ Lene Hana ningon buhun bibor hanyen bu apino pim ba, niyai nggwei kibor tirigi noni ngat nadi bak tuhan.

SAMUEL GI NIGOM 1:10 ပူးပေါင်းရင်းမြစ်များ

NITRITI 30:1

Noro Rahel pijet ba, gwam tut nimunggwom hi bak Yakub bigyo. Gima rino wok nikindig ba, nso tut bak Yakub bipai “Abindei ba, digwam tut dimunggwom! Gi bi lene dimai ug ri!”

NITRITI 50:10

Tirigi ikwei krau gumihyep di tungwatu nya ibui gandum ngan eisi ei Goren-Haatad ei Yordan nyai nite dima ug lene ipim kui jei sut nimai. Lene Yusuf bon midut ningon ngguk ei mpia dima kikau mem mmun-njap muhwindacan.

SAMUEL GI NICAN 13:36

Pai nok bikes nihyet leu lene Daud nipmot bat nya icoi kwei ei ig bei. Leu api ipim ba, Daud kin nide awak nya cem iba ingon di ngguk bibor bipim.

SAMUEL GI NICAN 17:8

Jikan tut bipia acig di Daud kin nide tentara nya iba mimbri di kui ingkek bikon pran sindem bibor. Yoni idem kep nok mindhe beruang niwek di sindi bep nipmot lo, hi mbrai leu noni. Acig nok tentara di ningon ki ba, bong bit nide limwa nya mem mmun bi.

NIBOU NDIG NYA GI NICAN 20:3

“tuhan e, ma ayok ngon kep bipia diba dingon gom kin dingon sren biyai midyai nok awak mem Na kikau. Dibrim dingkek ba, dita dibou ei gima dibit angon kanti kikau.” Pai nok leu api ba ningon di ngguk bibor bipim nggruet.

AYUB 10:1

Dingon kou sut diyaijoti ba, diyaijoti dini biyai ningon him wei bida cem. Gima rino midilua sok bak Allah drek dip dingon mpo-mpamti.

AYUB 7:11

Gima rino bit bon duhui ngkek sindur kan bi! Bit bon doom kep dingon ngguk biborti kin dingon mpoti kan bi. Suar dahap diji bidimbot kep tut nimpo-mpamti di jo ei dingon bei.

AYUB 9:18

Noni sindui sut bidihi dinnei poi mien cem bi. Noro bindei ba, diyaijoti mpung tut mun di mpo-mpam mang bibor.

MAZMUR 50:15

Mpe di juum mun di buhun tak je lene ma jahara Da leu api midikwek je leu mun di ngot kep je nya apino mijikon dinyeng.

MAZMUR 91:15

Tirigi yahara Da lene dibuhup ighyet. Tirigi mun di buhun cut igkep yok lene Dingat rin bit yok biditeu yok bingwes ngun ba, dikon inyeng cem.”

NIPINGOK NINGONTI 14:10

Niyai ningon lleisi kin ningon buhunti jo ei tungwagom ningon bei lene bit bon yo di hiter ippiet gima kan bi.

YESAYA 38:15

Misipai mindei i? Gini ne tuhan nibon munti ri. Ningon di nggukti tak kep sa ba, sigibong kan bi.

YESAYA 54:6

Mben Israel e, jinok sop wak cam di ningon buhun bibor drek dip nijjep di kou noni. Noro Allah hig na hanyen ndam Noni bipai,

YEREMIA 13:17

Gino jikou sut nimiap kep dihyetti ne midipim mmuti. Diba ningon di ngguk bibor bipim tut jide ningon jeisi dima. Diyai nggwei mikibor drek dip siceu nya di ikat tuhan de limwa nya bikri yok ug ei ingkiaisi.

YEREMIA 22:10

Je di timiei Yehuda nya e, ma jingon ngguk tut Nibou Ndig Yosia nimaisi au. Noro ma jipim tut nipmot Yoahas he. Lewo siceu nya ikat Yoahas biyuug sut ug ei ningkiaisi tu. Noni mingkwei hanyen kwei bingat nitimieisi bou niyai him bu bi sren.

NIBWOS-BWOS NYENTI 3:15

Noni yai mun di mpo bibor bida ba, diyem gima kibon kep njita bididut gima kibon kep minyei o!

LUKAS 22:44

Yesus ningon bei buhun bibor bita nibou ei naditi ba, nahanggwap di mbilen nok ninggrom bitinim ug ei dihyeisi.]

IBRANI 5:7

Tirigi Yesus ningat rin ei dihyeisi dini lene Noni ba nihyet nindig bibor kin niyai nggwei di kibor bingat nadi bak Allah di sindem mem gima nyohou Noni leu binhyepo mai bi. Allah ngig nitingou mem nihyet lewo Yesus ba ningon di gom bikuk No bak Allah.

NIJAM NIKEI NYA 21:2

Gima rino yoni ingkwei hanyen ug ei minu ndig Betel ba, iba ingon di ngguk bigwam ei tuhan Noho bei kikau ug bipek mmun kep. Ipim ba, ibahara Noni,

SRAT RUT 1:20

Leu api Naomi buhup “Ma jindat kep dinyeng Naomi bu au (gi ndo bipia no di ningon llei). Noro ma jindat kep dinyeng Mara (gi ndo bipia no di ningon mpo). Dipai nok lewo Allah Di Sindem Bibor bibon da kinei.

SAMUEL GI NIGOM 1:11

Lene noni preu ei bipai “tuhan Di Sindem Bibor e, ma ayok ngon kep da lewo dinok Ade awak ri! Ma angig ayai kep dingon di buhun biborti. Ma angon prion ser da ba, akes da ei au. Gino ayai dipmot gom bida lene mididimig noni ei mem Na kikau ug bipek niyaijo ningwig honti. Lene dipreu ei mem Na bipia midikos nibou nta bi sren.”

SAMUEL GI NIGOM 1:9

Mpe di gom niabiati tirigi Elkana nya yahagom igyem njita kui tuhan De Prak Meng bingwig su lene Hana kiju biya. Ei mpe dima Eli no gwam kui ig hyei gom simiak dimbou heisi ei prak meng pimati.