SAMUEL GI NIGOM 1:1 - ALLAH NIHYET MEM TUNGWATU NYA

¹ Mpe di gom lene Elkana bong ei minu ndig Rama ei nungug him di keret Efraim nya ide lewo noni ntun keret Efraim him. Nicig ninyeng Yeroham lene nignyon ninyeng Elihu. Noni ne Tohu nide bat ba, nimbier kim Zuf ninsi de nya.

SAMUEL GI NIGOM 1:1 ပူးပေါင်းရင်းမြစ်များ

NIBOU NDIG NYA GI NIGOM 11:26

Tungwagom bu di ham nimbuk kep Nibou Ndig Salomo ninyeng Yerobeam di ya kui nibou ndig. Nicig ninyeng Nebat bibong ei Zereda ei hanjop Efraim lo, nipmem ne sop kibom Zerua.

NIBOHON MBEN ISRAEL GI NIGOM 6:22

Kehat de nintun him di bram yam pijum hak nya inyeng rino Aminadab kin Korah kin Asir kin Elkana kin Ebyasaf kin Asir kin Tahat kin Uriel kin Uzia kin Saul.

NIBOHON MBEN ISRAEL GI NIGOM 6:33

Yo di indo midyai biyok dima ide pung di intun him hak rinok gini. Heman di Yoel nipmot nggre kin Kehat ninsi de ba, noni nok nibou tut nimpung gi nigom di ipai doia. Nide pung pijum hak bijuk kikau bipek Yakub inyeng rino Heman kin Yoel kin Samuel,

NIBOHON MBEN ISRAEL GI NIGOM 6:34

kin Elkana kin Yeroham kin Eliel kin Toah kin Zuf kin Elkana kin Mahat kin Amasai kin Elkana kin Yoel kin Azarya kin Zefanya kin Tahat kin Asir kin Ebyasaf kin Korah kin Yizhar kin Kehat kin Lewi kin Yakub.

MATIUS 27:57

Yusuf di nyeng bibor kwei leu minu mien Arimatea mem mmunti. No dini ningon jo kep Yesus.

YOSUA 24:33

Mpe dima cem Eleazar di Harun nipmot mai ba, itig ei Gibea ei nungug him ei keret Efraim de hanjop nsi. Pinehas di Eleazar nipmot ba nokep Gibea nipou su.

NIJAM NIKEI NYA 12:5

Tentara Gilead di ikon pran dima ijuk bigya ser mpia di isigon kep Minyei Yordanti nya ei nite dini kwei. Igya ser nok gima leu binhyepo ikat tentara timiei Efraim di inang bisigon nya. Mpe di tentara timiei Efraim gom kwei hara yok mem gima isindui sut ba, sigon minyei buug dihip ei nite dima ug biningwes ngun lene tentara Gilead ihig ser noni “Apo atimiei leu Efraim e?” Lene gino buhup biyok “Dintun keret Efraim him bi,”

NIJAM NIKEI NYA 17:1

Mpe dima lene pinai gom di ninyeng Mikha ningat rin ba, bong ei nungug him ei keret Efraim ide dihyei hanjop nsi.

NIJAM NIKEI NYA 19:1

Mpe di po mben Israel ibon ide nibou ndig hi bigyo pima lene tungwagom di ntun keret Lewi him bong ei nungug him ei keret Efraim de dihyei hanjop nsi. Mpe di gom lene noni ug buwak sop timiei Betlehem ei keret Yehuda de dihyei hanjop nsi gom nok nitnem mien.

NIJAM NIKEI NYA 4:5

Debora gwam nok nikei ei dui ninjem gom nitriti bit leu nok niyai kepti. Dui ninjem gom dima jo ei minu ndig Rama kin minu ndig Betel nikieti ei keret Efraim de hanjop nsi ei nungug him. Lene mben Israel yuug cem kikep Debora leu binhyepo mpu yok tut ide munhyet ba, kos tut hagom nok gi igbit.

SRAT RUT 1:2

No dima ninyeng Elimelekh lene nitnem ninyeng Naomi ba, nipmot bat cin inyeng rino Mahlon kin Kilyon. Yoni itig mbier tut mben Efrata. Ibong ei minu Moab wer mimbrek tu lene,

SRAT RUT 4:22

Lene Obed yai nipmot Isai lene Isai yai nipmot Daud.

SAMUEL GI NIGOM 1:19

Njap di hyep bu lene Elkana nya ikiju mem ha yausi ba, ikuk yok bak tuhan mbigom kin bu leu api ingkwei hanyen ug ei minu ndig Rama. Jei bi lene Elkana kin Hana igyem njita tut yam apino tuhan buhup Hana nihyet po ngat nadi pima.

SAMUEL GI NIGOM 17:12

Daud nicig ninyeng Isai lene Isai tig mbier tut keret Efrata bibong ei Betlehem ei hanjop keret Yehuda ide. Noni yai nipmot bat nya ibou muhwindaningai. Tirigi Saul ninyeng tak kep mben Israel lene Isai nok andig-ndau leu su.

SAMUEL GI NIGOM 2:11

Lene Elkana nya ingkwei hanyen ug ei minu ndig Rama. Noro Samuel di Hana nipmot no bong ei Silo ba, ya kui imam Eli biyai midyai mem tuhan.

SAMUEL GI NIGOM 7:17

Bikwop mpe di noni yai midyai dima bingwig lene ngkwei hanyen ug ei nide ig ei minu ndig Rama bigwam nok nikei ei mpia dima bu. Lene noni dingug tig bijo-jo yam dip nok nimbar hum dok mem Allah ei minu ndig Rama.

SAMUEL GI NIGOM 9:4

Lene yo cin dima imbut bidem nungug him ei hanjop keret Efraim ide kin hanjop Salisa cem lo, ingat keledai pima bi. Lene imbut kikau ug ei hanjop keret Benyamin ide cem noro ingat ide keledai hi bi.

SAMUEL GI NIGOM 9:5

Lene imbut kikau ug bipek hanjop Zuf leu api Saul pai bak awak pima “Nna ba singkwei hon minu dini lewo mbigom dicig mikrau ningon tut keledai nya bu bi noro mikrau ningon tut sa bu.”