SAMUEL GI NICAN 8:6 - ALLAH NIHYET MEM TUNGWATU NYA

⁶ Leu api Daud hok prak meng yati di nok tentara nibousi di igya coi nya ei ide minu ndig nya ba, ninyeng tak kep yok. Lene igo kep belasten bak noni. tuhan bindei ba, Daud bindei timek nide siceu nya mem nituti di noni ug kon pran bit yok hagom.

SAMUEL GI NICAN 8:6 ပူးပေါင်းရင်းမြစ်များ

SAMUEL GI NICAN 10:19

Tirigi nibou ndig nya di Hadadezer ninyeng tak kep yok pima ingat lo, tentara Israel ibindei timek yok tu lene yahara mem leu binhyepo ikrau yam nda ser. Leu api mben Israel inyeng tak kep yok. Hon kep gima kui lene tentara Siria ibrim ingkek bimpu tentara Amon bu bi.

SAMUEL GI NICAN 3:18

Ba, gini ne nituti di kei bibor mem jeni ri. Ma jiyok ngon kep bipia tuhan preu ei mem Daud bipia Noni miba Daud biteu Nide limwa mben Israel leu mben Filistin kin siceu nindigsi nya inda nsi.”

SAMUEL GI NICAN 5:10

Noni kum ei nide nisindemti bijo ninno bijo kikau lewo tuhan Di Sindem Bibor mpu noni nindig bibor.

SAMUEL GI NICAN 7:9

Dingat rin bit nani bidem ambutti nya hagom ba, dihwen ade siceu nya bingwig ei aho bei cem tu. Midibindei ba, anyeng jei bibor noyam kin nibou ndig di inyeng jei nindigsi nya bidem dihyeisi dini hagom.

SAMUEL GI NICAN 8:14

Daud hok prak meng yati di nok tentara nibousi di igya coi nya bidem Edom nisurti-nipekti leu api ninyeng tak kep mben Edom yahagom. tuhan bindei ba, Daud bindei timek nide siceu nya mem nituti di noni ug kon pran bit yok hagom.

SAMUEL GI NICAN 8:2

Lene noni hwen mben Moab cem ba, bindei timek yok. Noni cuk yok ba, ibong kimus ei dihyeiti leu api yai nimai bak ibou can lene njiriek tungwagom leu api yai nimai bak ibou can kin bu lene njiriek tungwagom bu nok gima kikau ug bipek nipekti. Gima rino mben Moab icut bak Daud lene nindigsi nya igo kep belasten bak noni.

SAMUEL GI NICAN 8:7

Daud nya ipos Hadadezer de tentara nya ide mun di ibipukep ser tibor ninggwenti nya di iba mas bibon hagom lene ittei biyuug sut ug ei minu ndig Yerusalem.

NIBOU NDIG NYA GI NIGOM 4:21

Bikwop ig bei gom-gom ima ide miai ba anggur kin miai biei ara nghousi. Salomo de limwa nya bidem hanjop Yehuda kin minu Israel nisurti-nipekti di ibong ei hanjop Dan kikau ug bipek kin minu ndig Bersyeba yahagom ibong kei igwam kei mem nijam di Salomo niyaijo yo. Lewo nibou ndig di ibong ei Minyei Efrat nite dini kwei bei mpia nicutti yahagom ibou cut bak noni. Nok gima cem mben di ibong ei minu di jo ttai Salomo de ninyeng tak kepti nya yahagom ihig isut bit noni. Salomo ninyeng tak kep dihyei ei Minyei Efrat nite dini kwei ei bei mpia nicutti ei Tifsah di jo Minyei Efrat nyai kikau ug ei nite mpia nicutti bipek kin minu ndig Gaza ei hanjop minu Filistin kikau ug bipek kin minu niya kwas yamti ei minu Mesir. Mben nya di ibong ei minu dima yahagom ibou cut bak Salomo ba, igo kep belasten bak noni. Njita di Salomo nya isuar bikwop njap-njap rino tepun di ndung-diem liter sribu muhwi kin tepun nitu liter sribu simnai kin sapi nihyen ei ig kandanti ningut simnai lene sapi nihyen bas ei ngoi dumti ningut nyatungwagom kin domba ningut sribu gom bitut rusa nitu kin rusa kijang kin rusa menjangan kin ha ninyengti hagom.

NIBOU NDIG NYA GI NICAN 1:1

Tirigi Ahab di nok nibou ndig mem mben Israel mai leu su lene mben Moab ikiek imig jou tut mben Israel bikon pran bit yok.

NIBOU NDIG NYA GI NICAN 14:28

Nipui mun tut Nibou Ndig Yerobeam Nican niyai munti nya kin mimbri di kui ningkek kin nikon pranti bipos minu ndig Damsyik kin Hamat leu minu Yehuda leu binhyepo mben Israel igyati hanyen dima hagom jo ei srat Nibohon Nibou Ndig Mben Israel Nyati.

NIBOU NDIG NYA GI NICAN 18:7

Gima rino tuhan mpu no kikau apino noni ngat ningat di kei bidem nide midyai di yai nya hagom. Hizkia kiek nimig jou tut nibou ndig mem mben Asyur ba, kou sut gima kon ninyeng cem.

NIBOU NDIG NYA GI NICAN 3:4

Ei nijam dima ne Mesa di nok nibou ndig mem mben Moab hyen kep nide domba nya. Noni ba domba pmot ningut sribu sratus gom kin ninta leu domba nikre ningut sribu sratus gom bigo belasten bak nibou ndig mben Israel bikwop ari bingwam kikau.

NIBOHON MBEN ISRAEL GI NIGOM 18:13

Noni bikes nide tentara nya ba, yohok ide prak meng yati mem gima ibiya ser Edom nisurti-nipekti. Lene mben Edom inok Nibou Ndig Daud de limwa nya bu. tuhan bindei ba, Daud hwen nide siceu nya bidem nikon pranti nya hagom bingwig.

NIBOHON MBEN ISRAEL GI NICAN 17:2

Noni kes nide tentara nya ba, igya bidem minu ndig di bon tentara nibousi di igya coi nya ei minu Yehuda hagom ba, igya bidem minu ndig ngot ei Yehuda nisai nya hagom ba, igya bidem minu ndig ngot di nicig coi di yai biyati nya ei hanjop keret Efraim cem hagom.

MAZMUR 140:7

tuhan e, dipai bina “Nani ne ditde Allah rin. Angig atingou mem dihyet di dahara hwou biNa.

MAZMUR 60:10

Noro minu Moab ne bokor di dipiap dimig eisi ri. Dimbos-hi-mbos tut gino dibindei timek mben Filistea. Dicom Ditde srop bak mben Edom nok mun di bindo bipia dinyeng tut minu dima.”

NIPINGOK NINGONTI 21:31

Mbro nok gino kuda pran nya hagom dem mem gima tentara di ibri nya ibikon pran lo, tuhan Nongkom bindei ba, ibindei timek ide siceu nya.

SAMUEL GI NIGOM 13:3

Lene Yonatan nya ihwen tentara Filistin ei Geba ba, igyai nimai bak ide nibou pran apino ninghapti tibim kikau bidem minu Filistin nisurti-nipekti. Lene Saul cuk tungwatu nya leu binhyepo imbut bidem mben Ibrani ide minu hagom ba, imiep ide pun mbrei nya bibinduk tungwatu nya yahagom binjei bikon pran.

SAMUEL GI NIGOM 14:1

Mpe di gom Yonatan pai bak pinai pilei gom dittei kep nide minggwen nya “Akwei ba, suug cem kep mben Filistin ei ide prak meng yati.” Pai nok noro ndo ningon kanti bak nicig bi.

SAMUEL GI NIGOM 14:15

Lene gima yai nidigit bak mben Filistin di ingat rin ei ide prak meng yati kin gi hi di ingat rin ei ngoi dumti nya. Mben Filistin bidem dihyei dima nisurti-nipekti kin yo di igya dikti nya kin nimpung di igya kep bihwen tungwatu bipos ndigban nya leu yok cem ittin bibor. Njap dima cem dihyei ugwa-kwei bibindei ba, tungwatu nya yahagom ingon tai-tai bou nindig bibor.

SAMUEL GI NIGOM 14:6

Lene Yonatan pai bak pinai pilei pima “Akwei ba, suug ei mben Filistin ide prak meng yati. Yoni ikuk yok bak Allah bi. Mpaba tuhan mimpu sa lewo Noni sindem mem gima bindei ba, side siceu nya micut tug hon tentara di imang bibor kin tentara di ibou poi he cem.”