SAMUEL GI NICAN 7:23 - ALLAH NIHYET MEM TUNGWATU NYA

²³ Ngkiai nya ei dihyeisi dini noyam kin Israel bi. Lewo ateu mben Israel leu awak leu binhyepo abibon yok ba, inok Ade limwa nya. Mun di sindem bibor kin mun di mindur di abibon mem yok bindei ba, tungwatu nya itri tut bidem dihyei nisurti-nipekti tu. Ajji ngkiai nya bitut ide kwar nya bingwig sindam tirigi Ade limwa nya icoi ug ei ide minu bikon pran bit yok tu.

SAMUEL GI NICAN 7:23 ပူးပေါင်းရင်းမြစ်များ

SAMUEL GI NICAN 7:24

Na di tuhan abindei ba, mben Israel inok Ade limwa nya bijo ninno bijo kikau ba, Nanti anok ide Allah.

NIBOHON MBEN ISRAEL GI NIGOM 17:21

Mben nindigsi di ingat rin ei dihyei nisurti-nipekti hi di noyam kin nye di mben Israel bi. Mben Israel ne mben gom ngat di akwek yok leu gi yuubon yok nok awak leu binhyepo inok Nanti Ade limwa nya. Nibon mun di nindig biborti nya kin gi mindur bibor nya di abon mem yok hagom bindei ba, anyeng di jei kieng kep dihyeisi dini hagom. Akwek Ade limwa nya leu minu Mesir leu api ajji mben ngkiai leu itimieisi ei mpe di po Ade limwa nya injei siceu mem gima ikon pran bit yok.

NEHEMIA 1:10

tuhan e, nyeni ne Ade awak kin Ade limwa nya ri. Nipou ne ateu nye biningwes ngun tug hon Ade nisindemti di nindig bibor di nok mindur bibor cem.

MAZMUR 106:22

Nide nibon munti nya ei minu dima bibon ninggap leusi bibor. Niyai munti nya ei Muk Lipig bindei ba, inga leu.

MAZMUR 111:9

Noni kwek Nide limwa nya leu awak lene ba nipreu ninghig-niker bipreu ei mem yok. Noni ne tuhan di kwes-kwau ba, sindem bibor cem ri!

MAZMUR 145:6

Tungwatu nya misimbot kep biyam tut ayai munti di sindem bibor nya. Dani cem miditri tut anyeng jeisi.

MAZMUR 147:20

Noni bibon ngkiai nya hi nok gima bi sren. Yo dima ikan tut Nide niggai serti nya bi. Ma inggei sut tuhan!

MAZMUR 40:5

Yo di iba ingon com tuhan ingon nggei-hi-nggei. Lewo iba yoho rok kwar binjei bit yo di ikuk yok bak kwar nya bi.

MAZMUR 44:3

Nanti rino ajji ngkiai nya leu itimieisi leu api ayai ide dihyei di inda rom dima bak Ade limwa nya apino ibong ser minu dima. Abindei ba, mben ngkiai hiter nya yuum mun di buhun noro asindui sut Ade limwa nya ba, idigek kep mpia.

MAZMUR 65:5

Yo di adimig yok ei su nya ingon llei bibor lewo abuwak yok bibong kikau kep Ade Ig. Nyeni nijoi sut mun di kei di anjei bak nye ei Ade Ig di kwes-kwau di abong ser dima.

MAZMUR 66:3

Jipai bak Allah “Abon munti bibon ninggap leusi nijit-jau a! Ade nisindem biborti mipbor ngat. Gima rino Ade siceu nya iba ingwak bikik dihyei ba, idigit tut Na bibor.

NEHEI LEUSI 12:12

Lewo midiya bidem minu Mesir nisurti-nipekti mem mmun dima bidiyai nimai bak munggwom pinai mighumbou nya bidem ide ig bei hagom kin mindhe-ndhe nipmot bou nya hagom. Ba, midikes hukum ei mben Mesir ide kwar nya hagom dip tug hon nisinati dima. Lewo Dani ne tuhan ri.

NEHEI LEUSI 33:16

Gino abit nye bi lene ngkiai nya mikan tut gino ajoi sut dani kin ditde limwa dini yok bi. Gino angat rin ei nyeni nikieti lene yo dima mikan tut bipia nyeni ter leu mben nindigsi bidem dihyei nisurti-nipekti hagom.”

NEHEI LEUSI 6:7

Midibuwak je ug ei minu po dipreu ei mem Abraham kin Ishak kin Yakub yoni tug hon neheng pima leu api midindo dihyei dima bije leu binhyepo jinyeng tak kep hagom lewo Dani ne tuhan ri.”

NEHEI LEUSI 9:15

Gino dikes hukum ei yok dip tug hon ninggwen di buhun bibor lene ningat ne yahagom imai bingwig su.

NEHEI LEUSI 9:16

Noro disindui sut noni biniyaijo leu binhyepo dindo Ditde nisindemti binoni apino tungwatu nya mitri tut dinyeng di jei kikau ug bipek minu nohon keti.

YEREMIA 32:20

Nipou yo ne abon mindur kin mun di bibon ninggap leusi nya ei minu Mesir. Abon nok gima kikau kwei bipek ammani kep ei mben Israel kin ngkiai nya ikieti apino anyeng di jei bibor tibim ug ei dihyei nisurti-nipekti.

YEREMIA 32:21

Aba Ade nisindemti di nindig bibor bibuwak mben Israel ba, yehei leu minu Mesir. Abon mindur kin mun di bibon ninggap leusi nya tug hon bindo di biyai ningon di ttin bibor bak ide siceu nya.

YEHEZKIEL 20:9

Lo, digiyai nok ditin eisi mem yok dima bi. Leu binhyepo mben Mesir di ibong ei minu di Ditde limwa nya ibong eisi dima ighyet kinei sut dinyeng bi. Lewo dipai bak Ditde limwa nya ei mben Mesir dima yahagom yoho bei bipia midibuwak yok biyehei leu minu Mesir.

MBEN ISRAEL IMBUT-MBUT NYEN 6:27

Lene tuhan binut bu bipai “Gino imam nya indat kep dinyeng gau mben Israel tirigi ingat nadi tindei mun di kei mem yok lene midinjei mun di kei bak yoni.”

EFESUS 1:6

Jikwei ba, inggei sut Allah di ninyeng jei drek dip nisingat tut nyeti di Noni njei bak nyeni tug hon Nipmot di Noni ningon him ngi-ngat!

NINDAT KEP TUHAN NICUKTI NYA 10:21

Ma jinggei sut Noni lewo Noni ne tuhan di nok jide Allah ri. Noni bibon mun di mindur nindig bibor kin mun di bindei ba, jinga leu Noni tut mem je bou jiyai him tu.

NINDAT KEP TUHAN NICUKTI NYA 15:15

Ma jiyok ngon kep bipia nipou yo lene jeni cem jinok awak ei minu Mesir leu api jide tuhan Allah kwek je. Gima rino diyai nicukti dini bije.

NINDAT KEP TUHAN NICUKTI NYA 33:29

Je di mben Israel e, ma jingon llei bibor! tuhan teu je tu. Mben nindigsi ei dihyeisi dini hi noyam kin jeni bi. Lewo tuhan Nongkom rinok jide simeda kin jide mun di jibipukep ser tibor ninggwenti nya. Noni miya srak ko hagau je leu api jide siceu nya micut bije. Yoni mikwei kuk yok ei jimig him ba, miyahara ser je noro mijico kep yok bingwig hak ug.”

NINDAT KEP TUHAN NICUKTI NYA 9:26

Lene dingat nadi tindei je bidipai “tuhan Di Ninyeng Jei Bibor e, ma acok tut Ade limwa nya po ateu yok bingwes ngun ba, abuwak yok kwei leu minu Mesir tug hon Ade nisindemti di nindig bibor pima au.

TITUS 2:14

Noni kes niyaisi ei mem nye biteu nye leu sisar ninyeng hagom leu api biyai ingon di kwes kin Noni cem inok Nide limwa di ijem iceu bit Nongkom he cem ba, ibrim ingkek mem igyai munti di kei bibor nya.

YOSUA 7:9

Mben Kanaan kin yo di nindigsi nya ei minu dini mimiap tut nyeni ninghapti leu api migyon ttai nye bigyai nimai bak nahagom hak ug! Leu api abon mindei mem gima abicuon Anyeng Di Jei i?”

PETRUS GI NIGOM 2:9

Noro Allah dimig je nok Nide mben nya kin Nide imam nya di igyai midyai mem ide Nibou Ndig di Allah kin Nide mben di ingon kwes nya kin Nide limwa nya cem. Allah dimig je bihig je kwei leu nidinditi bijicoi ei Nide nipigati di sieng-siau kei leu binhyepo jitri tut Nide midyai di mindur nya.

NINGAT-HI-NGAT NYA 5:9

Yo dima ipai doia di nijep bu “Nangkom dem mem gima ayai srat kijum dima ba, acug biei nggrai leu. Lewo hi bindei ba, amai nipou su apino aba amaisi bipek tungwatu nya leu bikwop keret nya kin minu nya kin nihyet nya kin mben nya hagom ei dihyeisi dini bak Allah.