SAMUEL GI NICAN 7:22 - ALLAH NIHYET MEM TUNGWATU NYA

²² tuhan Allah Di Anyeng Jei Bibor e, asindem bibor! Nangkom ne Allah ri! Tungwatu nya noyam kin Nani bi. Nikan tut gini lewo nimiap tut hagom nipou kwei bipek ammani kep tu.

SAMUEL GI NICAN 7:22 ပူးပေါင်းရင်းမြစ်များ

SAMUEL GI NICAN 22:32

Lewo tuhan Nongkom he rino Allah. Nongkom he rino ya srak ko hagau nye.

NIBOU NDIG NYA GI NIGOM 8:23

lene ngat nadi bipai “tuhan di nok mben Israel ide Allah e, hi nok Nani ningat rin ei gwamti kin dihyeisi dini bi! Tirigi ade limwa nya ingon gom tut Nani ba, iba ingon di gom bibit ahyet lene ayai mun bit leu nok apreu ei mem yokti hagom ba, angon ngakei yok cem.

NIBOHON MBEN ISRAEL GI NIGOM 16:25

Lewo tuhan ne Andigpoi Di Ninyeng Jei rin ba, suar tungwatu nya yahagom inggei sut Noni. Je di tungwatu nya jahagom e, ma jittin tut Noni dor njiriek jide kwar di jikuk je bak nya.

NIBOHON MBEN ISRAEL GI NICAN 2:5

Nyende Allah di nikuk nye bak ne Allah di nindig bibor dor njiriek mun di tungwatu nya ikuk yok bak. Gima rino tuhan De Ig di dijoi sut dingot dima ne ig di nindig bibor.

MAZMUR 135:5

Lewo dikan tut bipia tuhan nindig bibor ba, ninyeng jei bibor dor njiriek kwar di ngkiai nya ikuk yok bak hagom.

MAZMUR 145:3

tuhan ninyeng jei bibor. Gima rino ma tungwatu nya inggei sut Noni nindig bibor. Bit bon nye di tungwatu ingon dorti tut ninyeng jeisi kan bi.

MAZMUR 44:1

Nimpung Korah ide doia ningginausi mem no di bie tut doia nimpung.

MAZMUR 48:1

Nimpung Korah ide doia.

MAZMUR 86:10

Lewo Nangkom he rino Allah ba, aba mimbri di kui angkek bibon mindur nya.

MAZMUR 86:8

tuhan e, kwar nya hi di noyam kin Nani bi. Hi di yai kep mun di ayai kep nya ningat rin bi.

MAZMUR 89:6

tuhan e, mbusyamei nya ei gwamti iba doia bikiek Ade midyai di mindur nya ba, ninnei di ikwes-kwau nya iba doia bikiek angon gomti.

MAZMUR 89:8

Ninnei di ikwes-kwau nya di igya bikrop ttai Na ikon anyeng ba, inghuisi mpig sut Na.

MAZMUR 96:4

tuhan ninyeng jei bibor. Gima rino ma inggei sut Noni nindig bibor bikon ninyeng ei nai dor njiriek kwar nya inyenga.

NEHEI LEUSI 10:2

Lene apui sut notou diba mben Mesir bikek tug hon mindur dini yok bak amunggwom bat nya kin agnyon bat nya. Ba, jahagom mijikan tut bipia Dani ne tuhan ri.”

NEHEI LEUSI 15:11

Bit bon ibinai sut Nani kin kwar di tungwatu nya ikuk yok bak nya kan bi. Lewo Nangkom rino tuhan Di Kei Bibor Kei ba, Nangkom Akwes-Kwau Kei. Tou risindem mem gima bon mindur kin bindo nya noyam kin gi tuhan bon pima i?

NEHEI LEUSI 8:10

Lene Firaun buhup “Ma angat nadi tindei da mem njap di hyep.” Lene Musa pai binoni “Midiyai hagom bit leu nok na di Andigpoi acuk dati. Lene mijo nibreisi mem na di Andigpoi bipia tuhan di nok nyende Allah sindem bibor dor njiriek kwar di jikuk je bak ei dihyeisi dini nya.

NEHEI LEUSI 8:6

Gima rino Harun su nide tom bijo nai minyei ngwa dip nya apino ugwaham nya ikiju leu minyei jou bikieng kep minu Mesir nisurti-nipekti hagom.

NEHEI LEUSI 9:14

Lewo mindur di dibon nogindini mibindei ba, hukum micut igkep yo di igya kui noni kin nide limwa nya he bi. Noro micut igkep noni cem leu binhyepo jo nibreisi mem noni bipia tungwa hi noyam kin Da ei dihyeisi dini bi.

YESAYA 40:18

Gima rino aba Allah binai kin tou i? Akan huk Noni noyam kin tou i?

YESAYA 40:25

Gima rino abisrip huk Allah Di Kwes-Kwau ba, Noni noyam kin tou i? Abinai Noni kin tou i?

YESAYA 45:18

tuhan di pai tes mpia-bbed him Nongkom ngat he rino tuhan! Nongkom pai tes dihyeisi dini binddong kei cem jo nijoti cem. Noni pai tes dihyeisi dini kinei binok mpia nintiti bi noro nok nibreisi mem tungwatu nya bibong kei bigwam kei eisi. Noni pai “Dangkom he rino tuhan ba, tuhan hiter ningat rin bi.

YESAYA 45:22

Je di tungwatu dihyeisi dini e, ma jingkwei hanyen ndam Da leu binhyepo diteu je bijingwes ngun! Dangkom ngat he rino Allah ba, allah hiter ningat rin bi.

YESAYA 45:5

Dani ne tuhan ri. Allah hiter ningat rin bi. Dangkom ngat he rino Allah. Mbro nok gino akan tut Da haigtu bi lo, dibindei ba, akrau ade minggwen nya nok gi dem mem na.

YEHEZKIEL 36:22

Gima rino ma atri tut Da di tuhan Di Dinyeng Jei Bibor dihyet di disok ei na dip bak mben Israel di nibimbiti pai ‘Midiyai mun nyeng gom lo, mun dima nok bindo mem je di mben Israel bi noro nok mun di bindo tut dinyeng di kwes-kwau di jibimangkrei bijico kep bidem jingkiaisi hagom tu.

YEHEZKIEL 36:32

Je di mben Israel e, ma jiyok ngon kep bipia jenti rino jibindei di dibon mun dini yok hagom bi. Suar jimmai sut jenti ba, jiba jingon bisrip huk jenti nok nikinei-kinau nya drek dip jiyai munti nya. Da di tuhan Di Dinyeng Jei Bibor disimbot dat tu.’ ”

DANIEL 2:45

Andigpoi e, angat bou ayai him bipia tig ndig di rim kwei leu pimbien bou cut bitot kwar ngkimom nitu kin ngkimom-tembaga kin igtuyap kin perak kin mas bi e? Allah di ninyeng jei bibor ndo mun di micut igkep dihyeisi dini ei nidipti bu brei bina di Andigpoi. Dindat hagom bit leu nok amumpriemti pima leu api dicoi ei ade mumpriem ningat cemti bidipai igbit hagom bina tu.”

MIKHA 7:18

tuhan e, Allah hi ter noyam kin Nani bi. Akos ser Ade limwa di ingwes ngun leu ingkiaisi nya ide sisar. Angon sibui sut yok kikau kan bi. Noro ajoi sut ando Ade ningon ngakeisi di ug hon nohonti bi bak nyeni.

NINDAT KEP TUHAN NICUKTI NYA 3:24

tuhan Di Ninyeng Jei e, dikan tut bipia gi ando bida dini ne sindi nimbie him leu abon munti di nindig bibor nya ba, mindur cem rin yo. Bit bon kwar di tungwatu nya ikuk yok bak ei mpia-bbed him kin dihyeisi dini bibon mindur di nindig bibor nok abibon bi ba, hi noyam kin Nani kan bi.

NINDAT KEP TUHAN NICUKTI NYA 32:39

Jingat i! Dani ne Allah Di Nijit ri. Allah hiter hi bi lewo Dangkom ngat he rino Allah. Dihwen tungwatu nya ba, imai. Diwin nimai hanyen bidibindei ba, tungwatu nya ibok leu api ibokti dima jut hanyen ba, bit bon hi bigen ser diyai munti nya kan bi.

NINDAT KEP TUHAN NICUKTI NYA 4:35

Allah ndo mun dini yok hagom brei bije nok mun di bindo bipia Nongkom ne Allah rin lene kwar di tungwatu nya ikuk yok bak hi ningat rin bi.

NINDAT KEP TUHAN NICUKTI NYA 4:39

Gima rino njap di ammani ma jiyok ngon kep lene ma jingon prion ser tuhan di nok Allah di ninyeng tak kep mpia-bbed him kin dihyeisi dini cem au. Lewo Allah hiter hi ningat rin bi.

SAMUEL GI NIGOM 2:2

Tungwatu dihyeisi dini hi di ningon kwes-kwau nok tuhan bi! Nongkom ya srak ko hagau nye.