SAMUEL GI NICAN 7:16 - ALLAH NIHYET MEM TUNGWATU NYA

¹⁶ Mporo ma anok pung mem nintun him di bram yamti imang bibor ba, anyeng di tak kep ade limwa nya sindem bibor cem bijo ninno bijo kikau. Ade nintun him di bram yam minok nibou ndig nya biya luei ahoti bram yam bijo ninno bijo kikau.”

SAMUEL GI NICAN 7:16 ပူးပေါင်းရင်းမြစ်များ

NITRITI 49:10

Yehuda mikrau nibou ndig de tom ei nindati ba, nide nintun him yamti di bram yam nya inyeng tak kep ide limwa nya bijo ninno. Mben nya migo belasten binoni bikuk yok ba, iba ingwak bikik mpia ei noho bei.

SAMUEL GI NICAN 22:51

Allah sindem tut Nide nibou ndig di Nonti kon ninyeng leu binhyepo bindei cut siceu nya bicut bibor ug. Ningon ngakei No di Noni dimig ei su kikau. No dima ne Daud kin nide nintun him di bram yamti bijo ninno bijo kikau ri.

SAMUEL GI NICAN 7:13

Noni rima mingot ig gom mem Da. Lene midibindei ba, yo di intun noni him minok nibou ndig nya bigya luei nohoti bram yam bijo ninno bijo kikau.

SAMUEL GI NICAN 7:17

Lene Natan tri tut nihyet dima hagom bak Daud bit leu nok Allah nicuk noti.

NIBOU NDIG NYA GI NIGOM 2:4

Gino abit tuhan nihyet lene Noni miyai hagom bit leu nok Noni preu ei mem da tut ditde nintun him yamti di bram yam nya. Gino iba ingon gom bibit tuhan nihyet lene inyeng mitak kep mben Israel bram yam kikau.

NIBOU NDIG NYA GI NIGOM 9:5

midiyai hagom bit leu nok gi dipreu ei mem acig Daud pima. Nide nintun him yamti di bram yam nya mporo inyeng mitak kep mben Israel bram yam bijo ninno bijo kikau.

NIBOU NDIG NYA GI NICAN 19:34

Midicuon ser minu dini niyaisi bidiya ser jide siceu nya cem. Tug hon nisinati dima lene tungwatu nya mikuk yok biDa. Mun po dipreu ei mem Ditde awak di Daud pima mipek kep mem je.”

NIBOU NDIG NYA GI NICAN 8:19

Noro tuhan kou sut gima bindei sar timiei Yehuda nya lewo Noni preu ei mem Nide awak di Daud nipou su bipia yo di intun noni him mikui bigwam nok nibou ndig sindam kikau.

NIBOHON MBEN ISRAEL GI NICAN 6:16

Apreu ei mem dicig Daud tu bipia gino nide nintun him yamti di bram yam nya ibit Ade nicuk yokti mungkun kei noyam kin Daud lene yo di intun noni him mikui bigwam nok nibou ndig bigya luei nohoti sindam ba, inyeng mitak kep mben Israel bijo ninno bijo kikau. tuhan Allah mben Israel e, nogindini handei kon ba, ayai igbit Ade nipreu ei mem dicig Daud di nok Ade awak pima hagom hak ug.

AYUB 36:7

Noni nyohou ngig niyai kep yo di ingon gom nya lene bindei ba, inyeng tak kep limwa nya noyam kin nibou ndig nya cem leu api tungwatu nya inggei sut yok bijo ninno bijo kikau.

MAZMUR 45:6

Tibor ade di nggwen tibim ade siceu nya ingonti bikus nite hi leu ba, ngkiai nya icut ug ei amig him.

MAZMUR 72:5

Ma asindui sut noni kin yo di intun noni him nya ba, inyeng tak kep Ade limwa nya kikau bibou mpia njap kin bed mmun com ninjeng bu bi ug e.

MAZMUR 89:4

Na di tuhan apai “Dipreu ei mem Nibou Ndig Daud ba, diba neheng bipreu ei mem ditde awak di didimig ei su,

YESAYA 9:6

Ninyeng mitak kep limwa nya nok nibou ndig di ntun Daud him ba, sindem bibor. Nide limwa nya mingon kwes kin yam kikau. Nide nicukti di nijit nya kin ningon sren-srausi minok cou nipmem mem ninyeng di tak kep nogindini cem bijo ninno bijo kikau cem. tuhan Di Sindem Bibor yai nibou tut niyai munti dima yok hagom.

YESAYA 9:7

tuhan simbot dat tut hukum di Noni mikes ei mben Israel dip tu.

YEREMIA 17:25

Gino jibindei mbut Ditde nicuk jeti dima yok hagom mungkun kei lene nibou ndig nya kin yo di igya kui yok nya noyam kin Daud ba, icoi kak dimbou pmem nya kwei ei minu ndig Yerusalem. Mpe dima lene yoni migya tut timiei Yehuda kin timiei minu ndig Yerusalem nya bikrau kroba di kuda kri bimbut tut yok kwei ba, minu ndig Yerusalem mpung tut tungwatu nya kin ighyet di bong yam dip.

YEREMIA 33:17

Da di tuhan dipreu ei bipia tungwagom di ntun Daud him mikui nok nibou ndig mem minu Israel bikwop nok bijo kikau.

YEHEZKIEL 37:25

Yoni kin ide nintun him di bram yam nya mibong ser itimieisi di diyai bak Ditde awak di Yakub kin idigup bat-idigai bat nya di ibong ser nipou su bijo ninno bijo kikau. Nibou ndig di noyam kin Ditde awak di Daud ninyeng mitak kep yok kikau.

DANIEL 2:44

Ei nijam dino nibou ndig cin dima inyeng tak kep lene Allah ei gwamti mita Nonti ninyeng tak kepti di bit bon ug hon nohonti kan bi. Bit bon nibou ndig dihyeisi dini bitut ide tentara yahagom cem ibindei ba, Allah ninyeng tak kepti cut bak yoni kan bi. Noro ninyeng tak kepti dima mibindei timek nibou ndig bitut ide tentara pima yok yahagom ba, isar bingwig.

DANIEL 7:14

No di niyaijo kikau yai ninyeng di jei kin nisindemti binoni noyam kin nibou ndig. Apino bikwop timiei minu nya kin mben nya kin gi imbrap ighyet hiter nya yahagom ikuk yok bak. Nide nisindemti jo ninno bijo kikau ba, ninyeng tak kepti ug hon nohonti bi sren cem.

MATIUS 16:18

Gima rino dipai bina di Petrus bipia nani ne tig di nddong kei ri. Midita Ditde mbusyamei ei tig di nok cou nipmem dip rin ba, bit bon Bilis kin nide limwa nya ibindei cut mbusyamei dima kan bi.

YOHANES 12:34

Tungwatu ningot ndig dima ipai biNoni “Bit leu nok gi ipas ei ide Puig Yahudi niggai serti nibokti ne Nibou Ndig di teu tungwatu nya biyai niyaijo nijep biyok niyaijo kikau. Nggon rino apai bipia tungwatu nya ikon Munggwom Tungwatu Nipmot ei nnai leu dihyei ninjek dip i? Tou rino Munggwom Tungwatu Nipmot dima i?”

IBRANI 1:8

Noro Noni pai sut Nipmot “Nani ne Allah rin ba, Ade ninyeng tak kepti mijo kikau buug hon nohonti bi ba, aba angon di sren binyeng tak kep Ade limwa nya.

NINGAT-HI-NGAT NYA 11:15

Tirigi malaikati gi nimuhwindacan miep nide pun mbrei lene nihyet di nindig bibor nya kui yam ei gwamti bipai “Nogindini ide Allah kin Nide Nibou Ndig di teu tungwatu nya biyai niyaijo biyok dima igyai nisindemti ba, inyeng tak kep dihyeisi dini hagom kikau buug hon nohonti bi o!”

SAMUEL GI NIGOM 25:28

Nnaba abbwe ser ade awak di dani ditunggweisi. tuhan mikon na di Andigpoi kin ade nintun him di bram yam nya ba, inok nibou ndig gau mben Israel sindam mem nijam di na di Andigpoi akon pran mem tuhan ba, na di Andigpoi ma abon mun di kinei tirigi ayaijo ei dihyeisi dini bi.