SAMUEL GI NICAN 7:15 - ALLAH NIHYET MEM TUNGWATU NYA

¹⁵ Midinjei mun di kei bak noni bit leu nok gi dipreu ei mem yo di intun nani him. Midinghek tut noni bi. Noro dinghek tut Saul bididip tut ninyeng leu binhyepo aya luei nohoti nok nibou ndig bu.

SAMUEL GI NICAN 7:15 ပူးပေါင်းရင်းမြစ်များ

SAMUEL GI NIGOM 15:23

Lewo nibit nihyet bi pima kinei ba, noyam kin nibon midut nikrau kep nihyet di dut lene nikon nonti kinei bibor noyam kin nikuk nok bak kwar cem. Allah kou sut gima anok nibou ndig lewo angkek ndok tut Nide nicuk nati.”

MAZMUR 89:28

Lene midijem ninyeng bipia dipmot mighumbou ba, nibou ndig di ninyeng jei dor njiriek nibou ndig dihyeisi dini hagom cem.

SAMUEL GI NIGOM 15:28

Lene Samuel pai binoni “Allah rik anyeng di tak kep ade limwa nya bingwig leu na mem njap di ammani leu api yai bak no di ningon sren dor njiriek na di Andigpoi tu.

YESAYA 9:7

tuhan simbot dat tut hukum di Noni mikes ei mben Israel dip tu.

NIBOU NDIG NYA GI NIGOM 11:13

Midipos nide ninyeng tak kepti dima titut yam leu noni bi. Noro midibet mben Israel ide keret nyeng gom ngat mem apmot dima ba, ninyeng mitak kep drek dip gi diyok ngon kep Ditde awak di Daud kin minu ndig Yerusalem di dikon nok Ditde minu ndig pima.”

SAMUEL GI NICAN 7:14

Midibon Danti bidinok nicig lene noni minok dipmot. Gino noni bit dihyet bi lene midibui noni drek dip bit leu nok no di pinai bui nipmot.

SAMUEL GI NIGOM 16:14

Jei bi lene tuhan Ninnei kes Saul ei leu api tuhan pinak ninnei rom gom di kwei hwen bit noni.

YESAYA 37:35

Mporo diya srak ko hagau minu ndig Yerusalem bidinyohou tug hon dinyeng di jei drek dip Ditde gi preu di dipreu ei mem Ditde awak di nibou ndig Daud tu.”

MAZMUR 89:34

Noro midingon ngakei Daud bidingon gom tut noni bijo ninno bijo kikau.

SAMUEL GI NICAN 7:16

Mporo ma anok pung mem nintun him di bram yamti imang bibor ba, anyeng di tak kep ade limwa nya sindem bibor cem bijo ninno bijo kikau. Ade nintun him di bram yam minok nibou ndig nya biya luei ahoti bram yam bijo ninno bijo kikau.”

YESAYA 55:3

Ditde limwa jen, ma jintu kep dihyet bijikwei bit Da leu api midiyai niyaijo nijit bije. Midipreu ei mem je bidiyai ningon ngakeisi kin ningon gomti bijo ninno bijo kikau bije bit leu nok dipreu ei mem Daudti.

SAMUEL GI NIGOM 19:24

Lene noni cem juk nide sinsun leu api ba ningat ngu bipri-pri nyen ba, mbos-hi-mbos bu ei Samuel noho bei leu api bong tut ningat nguti ei dihyei ninjek dip kikau mem mmun-njap gom. (Niyai munti dima bindei ba, tungwatu nya sindi ihig ser yam “Saul cem no di nabi e?” Gima ne nihyet nibiti ninda dima nitriti ri.)

MAZMUR 89:33

lene midikes hukum ei yok dip drek dip ide sisar nya. Midikes mun di buhun ei yok dip drek dip ide nitunggweisi nya ri.

MAZMUR 89:49

Tou yai niyaijo kikau bimai bi sren i? Notou tungwagom cuon niyaisi bikriau jui nsi i?

SAMUEL GI NIGOM 15:26

Lene Samuel buhup “Midibit na di Andigpoi bi! Angkek ndok tut Allah nicuk nati. Gima rino Noni kou sut gima na di Andigpoi anok nibou ndig mem mben Israel.”

MAZMUR 89:31

Ne gino nintun him noni nya ibit Ditde nipingok yokti bi ba, ibimangkrei Ditde nicukti nya cem,