SAMUEL GI NICAN 6:7 - ALLAH NIHYET MEM TUNGWATU NYA

⁷ Lene tuhan Allah ningon sibui sut noni tut nide nipigau hanjopti bingget brua dima apino yai nimai binoni kros simiak Brua Gi Preu.

SAMUEL GI NICAN 6:7 ပူးပေါင်းရင်းမြစ်များ

SAMUEL GI NIGOM 6:19

Noro timiei Bet-Semes ibou ningot muhwindacan yuug ngig igyai kep mun di jo ei Brua Gi Preu dimati. Gima rino tuhan kes hukum nimai ei yahagom dip. Apino timiei Bet-Semes nya ingon ngguk tut hukum nindig bibor di tuhan bindei di cut igkep yok dima.

NIBOHON MBEN ISRAEL GI NIGOM 15:13

Nipou yo tirigi tungwatu nya ittei brua pima lene jiya tut nye ei mpia ttou nsi dima bijittei bi. Apino ide tuhan Allah kes hukum ei nyeni dip lewo ikuk nye bak Noni dem igbit ningon kanti bi.”

NIBOHON MBEN ISRAEL GI NIGOM 13:10

Hammi tirigi noni yai nok rino tuhan gga Uza hak lewo niyai munti dima dem kep nok ningkek ndok tut tuhan. Leu api tuhan yai nimai bak noni hak ei nikrau bruati dima. Hon njap dima kwei lene ijem mpia dima ninyeng Peres-Uza. Lene Daud gga tut gi tuhan bindei di Uza mai hak nok gima.

NIBOHON MBEN ISRAEL GI NIGOM 15:2

Lene noni tri tut “Yo di intun keret Lewi him he rima ittei tuhan De Brua Gi Preu dima lewo tuhan Allah dimig yok ei habiei mem midyai dima ba, igyai midyai mem Noni nok Nide awak di ingon gom bijo ninno bijo kikau.”

MBEN ISRAEL IMBUT-MBUT NYEN 4:15

Tirigi jam dem mem jilet jide prak meng nya bijipri leu mpia ttou nsi gom lene suar Harun kin nipmot bat nya icoi ug ei Ditde Prak Meng nsi ba, iba minyahas binggai ndigban hagom kin nimbumbati hagom ei sirima. Gima leu ug api Kehat nide bat nya ikwei mem gima ittei ba, yuug sut. Noro ma ingget mun di kwes-kwau dima yok au. Gino ingget mun nyeng gom lene imai drek dip. Gima ne Kehat nide bat nya ide midyai di igyai ei mpe dino jilet Ditde Prak Meng bijimbut tut ri.

SAMUEL GI NIGOM 25:38

Ug ei njap simnai bu lene tuhan bindei ba, ninggwenti pima hwen Nabal ningon him hanyen bimai kep.

SAMUEL GI NICAN 6:8

Gima rino hon kep njap dima kui ne tungwatu nya ijem mpia ttou nsi gom dima ninyeng Peres-Uza. Lene Daud ningon sibui sut gino tuhan yai nimai bak Uza drek dip niyai munti dima.

MBEN ISRAEL IMBUT-MBUT NYEN 1:51

Gino jipri leu mpia ttou nsi gom lene suar pinai di intun keret Lewi him dima rima ilet Ditde Prak Meng. Leu api bikwop mpe di juug hok prak meng hanyen ei mpia ttou nsi gi nijep bu lene yoni rima yohok hanyen a. Ter leu yoni lene tungwa tou rino dideu Prak Meng dima lene mitug ndei hukum nimai drek dip.