SAMUEL GI NICAN 6:16 - ALLAH NIHYET MEM TUNGWATU NYA

¹⁶ Tirigi sindi ittei Brua dima bicoi kwei ei minu dima lene Mikhal po Saul nipmisop pima ya ei kendera mihyeti bingat lo, Nibou Ndig Daud pri-pri nyen bibinggei sut tuhan lene Mikhal ningon pus tut noni nindig bibor.

SAMUEL GI NICAN 6:16 ပူးပေါင်းရင်းမြစ်များ

KORINTUS GI NIGOM 2:14

Bit bon no di yai Allah Ninnei ei ningonti bi dima yai mun di kei nya di kwei leu Allah Ninnei kan bi. Lewo ningon dorti tut bi ba, mun di kei dima bon ninyeng mem noni bi. Bit bon noni kan tut mun di kei nya nibok kan bi bibou noni yai Allah Ninnei ei ningonti nipou ug e.

NIBOHON MBEN ISRAEL GI NIGOM 15:29

Tirigi ittei brua dima ba, sindi ibicoi minu ndig lene Saul nipmisop Mikhal su no kendera mihyeti bingat Nibou Ndig Daud di bien-bien nyen leu api ba ningon di nggei-hi-nggei bingon-mingon cem. Apino Mikhal koi nuhwap tut noni.

MAZMUR 69:7

tuhan Di Sindem Bibor e, ma asindui sut ba, nimmai kui yo di iba ingon com Nani au. Na di mben Israel ide Allah e, ma asindui sut ba, dihyet tigut yo di ikuk yok biNani au!

KISAH 2:13

Noro ibou poi iba ighyet bicig yo di ingon jo kep nya bipai “Yo dini idut mun di pu yok!”

SAMUEL GI NICAN 3:14

Nok gima cem sok nihyet bak Isyboset bipai “Andigpoi e, ma angkwei ditnem Mikhal hanyen kwei bida. Lewo diba mben Filistin ingkek kulup nimangti sratus gom bipek noni tu.”

YESAYA 53:3

Nyeni ighyet kinei sut noni biyoom nye leu noni. Noni yai niwei kin nidut biborti. Tungwatu nya iba ingha bak noni ba, nyeni cem ingon llei sut noni bi.

SAMUEL GI NICAN 5:7

Noro Daud sindem mem gima hwen yok leu ba, yai ide minu ndig Sion biyati leu api bong ei sirima. Leu gima rino tungwatu nya ijem minu dima ninyeng Daud De Minu Ndig.

SAMUEL GI NICAN 6:15

Gima rino noni kin mben Israel nindigsi nya yahagom iba nimbos-hi-mbos kin nimiep pun mbreisi nya bimbut tut Brua Gi Preu ug ei minu ndig Yerusalem.

SAMUEL GI NICAN 6:20

Tirigi Daud cem ngkwei hanyen ug ei nide ig nibou ndig bipigo nide bat nya lene Mikhal hei um noni lene ba Daud bikek bipai “Njap di ammani nibou ndig Israel bon ninyeng jei bibor! Noni juk sinsun haigtu bi bou awak sop nya igyai him bibindei ba, sop di igyai midyai ei nide ig dima yok ikan bigya noni ne no di nintin kiek ri!”

SAMUEL GI NIGOM 18:17

Mpe dima lene Saul kos tut bipia Daud mitug ndei nimai tug hon nikon pran bit mben Filistinti lene suar Saul nonti yai nimai binoni bi. Gima rino noni pai bak Daud “Midindo dipmisop mighumbou Merab bina nok atnem gino ata abou ei nikon pranti mem tuhan.”

SAMUEL GI NIGOM 18:20

Mpe dima lene Mikhal di Saul nipmisop nipumiap bungwam kep Daud nindig bibor. Tirigi Saul kan tut gima tu lene ce tut.

MAZMUR 123:3

Angondut nye. tuhan e, angondut nye. Lewo tungwatu nya ighyet wer mpiahi tut nye bijo ninno tu.