SAMUEL GI NICAN 6:14 - ALLAH NIHYET MEM TUNGWATU NYA

¹⁴ Lene noni pri-pri nyen sindem bibor bibinggei sut tuhan. Mpe dima lene noni juk nide sinsun ser nonti bi noro kri sre linen nicun he kep nintig boua.

SAMUEL GI NICAN 6:14 ပူးပေါင်းရင်းမြစ်များ

SAMUEL GI NIGOM 2:18

Mpe dima lene Samuel mahan bigyo lo, yai kep midyai nok awak mem tuhan. Noni juk sinsun nibon midut di nijei di iba minyahas linen binap.

NEHEI LEUSI 15:20

Lene Miryam di nok nabi sop di Harun nikwohop pima ug yai nide mun di nggileng ba, nisut bat sop nindigsi nya yahagom impig ide mun di nggileng nya bit noni bipri-pri nyen.

MAZMUR 150:4

Ma jipri-pri nyen bijiba mun di nggileng di jimpig-mpig nyen nibimbi binggei sut Noni. Ma jiba nggong nya kin porei nya nibimbi binggei sut Noni.

MAZMUR 149:3

Ma jiba nibien-bien nyenti kin doia bikon ninyenga. Ma jiba nggong brei kin mun di nggileng bikon ninyenga!

NIJAM NIKEI NYA 11:34

Tirigi Yefta ngkwei hanyen kwei ei Mizpa lene nipmisop misop gwam nitta pilei kwei ya um noni bingon-mingon ba, bibui mun di nggileng cem. Noni ne Yefta nipmisop di nimig gom ngat ri.

KOLOSE 3:23

Ma jiba jingon di llei bibor biyai kep midyai tereu jinok awak mem Tuhan. Lewo jiyai kep midyai dima mem tungwatu he bi.

MAZMUR 30:11

tuhan e, amiap kep dihyet ba, angondut dani cem leu api ampu da o!”

SAMUEL GI NIGOM 2:28

Didimig nide keret leu keret mben Israel nindigsi nya hagom ei leu binhyepo igyai kep midyai nok imam mem Da ba, igya kui nimbar hum dok ba, indig kep biei nggrai di ui-gwang kei ba, ijuk sinsun efod gi bindo tut dingon kanti cem. Lene disindui sut yok bigyai mikwau ninghui ninggriet gom leu bikwop mindhe di tungwatu nya ijem kwei mem nibon midut nindig kep hum ei nimbar hum dokti hagom.

LUKAS 15:25

Mpe dima lene nipmot mighumbou yai midyai ei miai ngwoisi. Tirigi noni ngkwei hanyen bikwei ei dideu nide ig lene miap lo, ipai doia ba, ibien-bien nyen cem.

NIBA NINGON SRIP HUKTI 9:10

Ma ata abou ei ade midyai nyati sri lewo tungwatu nya igyai midyai cem ikan-kan nyen cem ingon dor niti cem ingon ki cem ei minu nimai nya ide bu bi. Ba, mporo ador ug ei sirima.

NIBOHON MBEN ISRAEL GI NIGOM 15:27

Mpe dima lene Daud juk sinsun ndok di jei di iba minghas di nggriu-nggrop kei bibon. Lene yo di iba musik bipai doia kin Kenanya di nok nibou mem yok kin Lewi nya di ittei Brua Gi Preu dima cem ijuk sinsun di noyam kin gi Daud juk. Daud juk sinsun nisrak di ninyeng efod cem.

SAMUEL GI NIGOM 22:18

Gima rino Saul cuk Doeg “Akes hukum nimai ei yok dip haninyai hak ug.” Lene Doeg brim no bitot imam dima yok ningwig a. Ba, imam di idem mem gima ijuk sinsun efod dima ibou ningot muhwindaningai ba, muhwi yahagom igyai nimai ei njap dima.

NIJAM NIKEI NYA 21:21

jiyai ngkiem. Tirigi sop gwam nitta pilei di leu Silo nya itau kwei ba, ibien-bien nyen bingon mingon ei nibon midut kikepti mem tuhan dima lene suar bikwop jigom-gom jikiju leu jiku je eisi dima bijikat sop gwam nitta pilei gom bijinang tut kikau ug ei keret Benyamin de dihyei hanjop nsi bijijem nok jitnem.

NINDAT KEP TUHAN NICUKTI NYA 6:5

Ma jiba jingonti titut kin jinnei titut kin jide nisindemti titut bingon ngakei tuhan di nok jide Allah.

NEHEI LEUSI 19:6

Midipigig sut je mem Danti leu api jahagom mijiyai kep midyai noyam kin midyai di imam nya igyai kep.”

NEHEI LEUSI 15:21

Lene Miryam kon doia mem yahagom imiap bipai, “Jikwei ba, yahagom ipai doia bibinggei sut tuhan lewo Noni bindei timek mben Mesir bihigom tu. Noni com kuda nya kin yo di ibri kuda nya yahagom ug ei minyeiti tu.”

SAMUEL GI NICAN 6:15

Gima rino noni kin mben Israel nindigsi nya yahagom iba nimbos-hi-mbos kin nimiep pun mbreisi nya bimbut tut Brua Gi Preu ug ei minu ndig Yerusalem.

SAMUEL GI NICAN 6:20

Tirigi Daud cem ngkwei hanyen ug ei nide ig nibou ndig bipigo nide bat nya lene Mikhal hei um noni lene ba Daud bikek bipai “Njap di ammani nibou ndig Israel bon ninyeng jei bibor! Noni juk sinsun haigtu bi bou awak sop nya igyai him bibindei ba, sop di igyai midyai ei nide ig dima yok ikan bigya noni ne no di nintin kiek ri!”

MAZMUR 87:7

Yo dima ipri-pri nyen bipai doia “Sion ne mpia di nijem nok nitimieisi ri.”

YEHEZKIEL 46:10

Suar nibou ndig coi ug ei tuhan De Ig mem nijam di limwa nya icoi kwei ba, ngkwei hanyen mem nijam di yoni ingkwei.