SAMUEL GI NICAN 5:7 - ALLAH NIHYET MEM TUNGWATU NYA

⁷ Noro Daud sindem mem gima hwen yok leu ba, yai ide minu ndig Sion biyati leu api bong ei sirima. Leu gima rino tungwatu nya ijem minu dima ninyeng Daud De Minu Ndig.

SAMUEL GI NICAN 5:7 ပူးပေါင်းရင်းမြစ်များ

NIBOU NDIG NYA GI NIGOM 2:10

Lene Daud mai ba, itig ei Minu Ndig Daud.

SAMUEL GI NICAN 6:16

Tirigi sindi ittei Brua dima bicoi kwei ei minu dima lene Mikhal po Saul nipmisop pima ya ei kendera mihyeti bingat lo, Nibou Ndig Daud pri-pri nyen bibinggei sut tuhan lene Mikhal ningon pus tut noni nindig bibor.

SAMUEL GI NICAN 6:12

Lene Nibou Ndig Daud miap tut bipia tuhan njei mun di kei bak Obed-Edom bitut nide ig bei nsi nya kin mun di noni nyeng tut nya hagom drek dip Brua Gi Preu dima. Gima rino noni ug ei Obed-Edom de ig lene ba nimbos-hi-mbos bikon Brua Gi Preu dima buug sut hanyen ug ei minu ndig Yerusalem.

NINGAT-HI-NGAT NYA 14:1

Gima ngwig leu lene dingat lo, Domba Pmot ug ya ei nungug Sion ba, Nide limwa nya ibou sribu sratus gom ningot bitai ba, bitai di igya bit Noni igyai Domba Pmot ninyeng kin Nicig ninyeng ei ingwakti tu.

IBRANI 12:22

Noro tut jeni ne jikwei ya hon nungug Sion kin Allah Di Niyaijo De minu ndig di Yerusalem nijep ei gwamti bitut malaikati nya ibou sribu-ribu tu.

ROMA 9:33

Allah Nihyet pai sut tig dima, “Jingat i! Diprion tig mma ei Sion ba, tig dima mibindei tungwatu nya indrat. Tig nindig dima mibindei tungwatu nya ikinoi. Noro no di ba ningon com No dima ningon pus tut drek dip bi.”

MIKHA 4:2

bipai cuk yam “Jikwei ba, ikui ug ei tuhan de nungug tou kin Allah mben Israel De Ig cem! Noni mingginau nye tut ningon kanti mem nye leu api ikak puig di Noni tin mem nye lewo tuhan nipingok tungwatu nyati tibim kwei leu minu ndig Yerusalem ba, Noni ya ei mbigdip Sion bimbrap bit Nide limwa nya.”

YESAYA 59:20

tuhan pai bak Nide limwa nya “Midihwou ei minu ndig Yerusalem leu binhyepo diteu je di jittin ser jide sisar tu nya jahagom bijingwes ngun.

YESAYA 12:6

Timiei Sion jen e, ma jimbos-hi-mbos ba, jiba jingon di nggei-hi-nggei bipai doia. Ningat ne Allah Israel di kwes ninyeng jei ba, Noni ningat rin ei jikieti.”

MAZMUR 132:13

tuhan dimig Sion ei bindo minu ndig dima nok mpia di Noni bong ser.

MAZMUR 87:2

Ningon ngakei minu ndig Yerusalem nindig bibor dor njiriek minu ndig nindigsi nya ei minu Israel.

MAZMUR 51:18

Ajoi sut midut nibui mindhe tut ninggrom bi. Gino dibon midut nindig mindhe titut kep humti ne ajoi sut gima cem bi.

MAZMUR 48:12

Abindei ba, limwa Sion kin timiei Yehuda nya iba ingon di nggei-hi-nggei bimbos-hi-mbos hak ug. Lewo aba angon di sren-srau bimbus ingonti ba, akos tut angon kanti mem yok cem.

MAZMUR 9:11

tuhan e, yo di ikan tut Nani iba ingon com Nani lene akes yo di ikuk yok biNani ei bi.

MAZMUR 2:6

Lewo Noni pai “Dita ditde nibou ndig ei Sion ba, gima ne Ditde nungung tou di didimig bikwes-kwau ei su.”

NIBOHON MBEN ISRAEL GI NICAN 24:16

Lene itig ei nibou ndig nya ijui dip ei Daud De Minu Ndig ba, ibiyok ngon kep niba nipap biyai midyaisi mem Allah kin tuhan De Ig kin limwa mben Israel cem.

NIBOHON MBEN ISRAEL GI NICAN 5:2

Gima ngwig leu lene Nibou Ndig Salomo nduk nibou mem keret nya kin nibou mem mben Israel insi de nya ba, yahagom idem yam ei minu ndig Yerusalem mem gima ikon tuhan de Brua Gi Preu leu Sion dino Daud De Minu Ndig ug ei tuhan De Ig.

NIBOU NDIG NYA GI NIGOM 8:1

Tirigi hagom put tu lene Nibou Ndig Salomo nduk mben Israel ide nibou keret nya kin nibou mbier nya yahagom ba, ikwei ngat noni ei minu ndig Yerusalem leu binhyepo ikon tuhan De Brua Gi Preu leu Sion po Daud De Minu Ndig pima buug sut ug ei tuhan De Ig.

NIBOU NDIG NYA GI NIGOM 3:1

Mpe dima lene Salomo bindei ba, mben Mesir kin mben Israel ingon kwes kin yam tug hon gima noni wak nibou ndig mben Mesir nipmisop nok nitnem. Lene Salomo buwak nitnem dima kwei bibong ei Minu Daud kikau bibou noni ngot nide ig nibou ndig nijep bu kin tuhan De Ig kin ngug tig di bikrop ttai minu ndig Yerusalem biput ug e.

SAMUEL GI NICAN 6:10

Gima rino noni kos tut bipia mimbut tut Brua Gi Preu dima kikau ug ei minu ndig Yerusalem bigyo. Leu api noni kriek tut Brua Gi Preu ug ei Obed-Edom di nitimieisi leu Gat nide ig.

SAMUEL GI NICAN 5:9

Niabiati Daud yai mpia dima leu yok biyati tu lene noni bong ser bijem ninyeng “Daud De Minu.” Lene noni kinyon ei niwin minu ndig dimati hammi mpia di iji kep nipou su ei nungug nikiou bei mpia nipriti.

SAMUEL GI NICAN 5:8

Tirigi sindi ihwen yok lene Daud hig ser nide tentara nya “No di ningon mpo tut mben Yebus dem kep nok danti dingon mpo tut yokti ningat rin srig jikieti e? Ningon mpo tut yokti dem mem gima hwen yok e? Gi nok lene ma noni coi kak dihyei nyem di ide minyei biam kak bimbut kikau ba, bihwen yo di igyai tu kin yo di ipriker pima.” (Leu gima rino tungwatu nya indat kep nipaisi “Ma yo di igyai tu kin yo di ipriker icoi ug ei tuhan De Ig au.”)

NIBOU NDIG NYA GI NIGOM 9:24

Salomo bindei ba, yo dima iji kep njuisi gom di jo ei tuhan De Ig nite bei mpia nibiho niabiati nitnem di nibou ndig mben Mesir nipmisop pima pri leu minu ndig Daud bibong ei nide ig nindig di Salomo ngot mem noni tu.

YEREMIA 21:13

Leu api tuhan pai bak minu ndig Yerusalem “He minu ndig Yerusalem e, ajoti anai dor njiriek briep bou him di jo ttai na nisurti-nipekti. Adem kep mbigdip tig di kui bijo anai ei briep bou him. Noro midihwen bit na. Atri tut bipia hi dima coi bihwen na kan bi. Hi dima njei ade tentara nibousi nya bibindei cut kan bi.

MAZMUR 48:3

Mbigdip di Allah de dima kei-kau ba, ninyeng rino Sion. Nibou ndig di ninyeng jei bibor de minu ndig dima ne biyai tungwatu dihyeisi dini hagom ingon nggei-hi-nggei.