SAMUEL GI NICAN 3:3 - ALLAH NIHYET MEM TUNGWATU NYA

³ Kileab di nipmem rino Abigail leu Karmel di nijjep Nabal mai leu pima. Absalom di nipmem rino Maakha di Nibou Ndig Talmai leu Gesur nipmisop.

SAMUEL GI NICAN 3:3 ပူးပေါင်းရင်းမြစ်များ

SAMUEL GI NICAN 13:1

Absalom di Daud nipmot bon nikwohop Tamar di sop gwam nitta pilei di ubbu. Mpe dima lene Daud nipmot Amnon di Daud nitnem gi hiter srek tut ningon pri kep Tamar nindig bibor ba,

SAMUEL GI NICAN 14:23

Lene noni kiju biya leu api ug ei Gesur leu binhyepo ug ngat Absalom bibuwak noni hanyen kwei ei minu ndig Yerusalem.

SAMUEL GI NICAN 14:24

Noro nibou ndig sok kep noni ser nhyema Absalom mikwei bong ei ig nibou ndig de au. Bipai “Dikou sut gi dingat ningat bou diyai him.” Gima rino Absalom bong ser nide ig bikwei ngat nibou ndig bi.

SAMUEL GI NICAN 14:32

Lene Absalom buhup “Tirigi po dihig na mem gima akwei ngat da pima lene akwei ngat da bi. Dipi bidicuk na ba, aug ngat nibou ndig leu binhyepo ahig ser noni bipia nggon rino noni hig da kwei leu Gesur bidibong ei sirini i? Nna ba midibong kikau ei Gesur hak ug.” Lene Absalom binut bu “Dijoi sut diya ei nibou ndig noho bei. Gima rino ma aya hacan mem da. Ba, gino nibou ndig kos tut bipia dingon mui yo lene nnaba ditin ei mem ditug ndei nimai hak ug.”

SAMUEL GI NICAN 15:7

Ari bingwam nitindur bitai bu lene Absalom pai bak Nibou Ndig Daud “Andigpoi e, ma asindui sut ba, duug ei Hebron leu binhyepo diyai mun igbit leu nok dipreu ei mem tuhanti.

SAMUEL GI NICAN 15:8

Tirigi dibong ei Gesur ei hanjop Siria pima lene dipreu ei mem tuhan bipia gino Noni sindui sut ba, dingkwei hanyen ei minu ndig Yerusalem lene midikuk da bak bidinggei sut Noni ei Hebron.”

SAMUEL GI NICAN 18:33

Nibou ndig miap nihyet lene ningon ngguk nindig bibor. Noni kui ug ei nghim nsi di jo nai dimbou hui pima lene pim kui jei sut biniyai nggwei kibor nindig bibor. Tirigi noni kui lin lene pim ba, bikiek-kiek nyen bipai “Ayo dipmot ndia ug o! Dipmot Absalom o! Absalom dipmot ndia ug o! Gi kei rima danti dimai luei ahoti o! Dipmot Absalom dipmot ndia ug o!”

SAMUEL GI NICAN 2:2

Gima rino Daud buwak nitnem cin di Ahinoam sop timiei Yizreel kin Abigail sop timiei Karmel di kibom po nijjep Nabal mai leu pima.

NIBOU NDIG NYA GI NIGOM 1:6

Noni mpig bou kep nonti ningon kanti noro nicig Daud ningon buhun tut noni tut nide mun di yai tunggwei nya bi sren. Noni ubbu ngat ba, ya luei Absalom di Daud nipmot mighumbou di mai su pima nohoti cem.

NIBOU NDIG NYA GI NIGOM 2:15

Lene Adonia buhup “Amei e, akan tut bipia ningat ne suar dani rima diya luei dicig nohoti nok nibou ndig. Ba, mben Israel yahagom ingon ya mem gima nipou su. Noro mun dima gipek kep mem da nok gima bi ba, dikinjoi ya luei dicig nohoti binok nibou ndig bit leu tuhan ningon kanti mem noni.

NIBOHON MBEN ISRAEL GI NIGOM 3:1

Daud nipmot bat di isrek ei Hebron di ipas kep inyeng bit leu ide njap di isrekti inyeng rino Amon di nipmem ne Ahinoam di sop Yizreel kin Daniel di nipmem ne Abigail di sop Karmel kin Absalom di nipmem ne Maakha di nibou ndig Gesur nipmisop kin Adonia di nipmem ninyeng Hagit kin Sefaca di nipmem ninyeng Abital kin Yitream di nipmem ninyeng Egla.

NINDAT KEP TUHAN NICUKTI NYA 3:14

Yair di ntun keret Manasye him pek nide hanjop nsi ei Argob leu minu Basan de minu niya kwas yamti kikau ug bipek kin Gesur kin Maakha ide minu niya kwas yamti. Noni ba minu mien dima yok bijem nonti ninyeng apino tungwatu nya ikan tut minu mien dima ne Yair de rin kikau kwei bipek ammani kep.)

YOSUA 13:13

Noro mben Israel ijji timiei minu ndig Gesur kin Maakha binang leu ide hanjop nsi dima bi. Ba, no ibong srig mben Israel ikieti kikau kwei bipek ammani kep yo.

SAMUEL GI NIGOM 25:42

Leu api tin ei nide ndigban nya haninyai lene bri bigwam ei nide keledai dip. Lene nide sop awak ibou muhwi di inyohou noni cem ibit yo di Daud cuk yok kwei nya leu api Abigail ug nok Daud nitnem.

SAMUEL GI NIGOM 27:8

Ei nijam di jei dima lene Daud ya tut nide tentara nya ba, icut igkep mben Gesur kin mben Girzi kin mben Amalek bihwen yok ningwig a. Mben dima yok ibong timiei mimbrek ngan ei dihyei hanjop nsi dima tu. Daud hwen ide minu ndig nya kikau ug ei Sur kikau bipek minu Mesir cem.