SAMUEL GI NICAN 24:1 - ALLAH NIHYET MEM TUNGWATU NYA

¹ Mpe di gom bu ne tuhan gga mben Israel apino Noni bindei ba, mun di buhun bibor cut igkep yok drek dip Daud ningon kanti. Nok rino tuhan pai binoni “Apas kep tentara Israel kin Yehuda nya inyeng ba, akwop imangti.”

SAMUEL GI NICAN 24:1 ပူးပေါင်းရင်းမြစ်များ

NIBOHON MBEN ISRAEL GI NIGOM 21:1

Jei bi lene Bilis joi sut bindei ba, mun di buhun micut igkep mben Israel. Gima rino pingok ei Daud ningonti leu binhyepo pas kep nide limwa nya inyeng bikan tut imangti.

KISAH 4:28

Idem yam leu binhyepo igyai mun di hagom bit leu nok akos tutti nipou su tut mun di micut igkep Noni. Ba, akos tut mun di mipek kep nya hagom tug hon Ade nisindemti kin angon kanti.

YEHEZKIEL 20:25

Niabiati bu lene diyai niggai serti di kei bi kin nicukti di bit bon yai niyaijo biyok kan bi nya biyok.

YEHEZKIEL 14:9

Gino nabi gom cut ei niris noniti leu api buhup tunggwei ne Dani rino diris nabi dima. Da di tuhan Di Dinyeng Jei Bibor midicom noni leu mben Israel ikieti.

SAMUEL GI NICAN 16:10

Noro nibou ndig pai bak Abisai kin nikindig Yoab nya “Nok ug e. Ma jingon kui mem gi jiyai hukum bak au. Jisindui sut ba, noni mbriom da hak. Leu gino tuhan bie tut noni nok lene tou ridem mem gima hig ser Noni tut i?”

SAMUEL GI NICAN 12:11

Diba neheng bipai bipia midibindei ba, mun di buhun bibor micut igkep na tug hon igom leu ade ig bei nsi nya. Mun dima mijo brei bina tirigi dipos atnem bat nya leu na leu binhyepo diyai yoni bak hiter bu apino noni miyem njita tut yok brei bou tungwatu nya yahagom igyai him.

SAMUEL GI NIGOM 26:19

Andigpoi e, ma angig atingou mem dihyet dini ug e. Gino tuhan rino cuk na di Andigpoi mem gima ahwen bit da lene Noni mibindei cut nigga dati dima tug hon mindhe di dibui bidindig ei nimbar hum dokti hak ug. Noro gino tungwatu nya rino icuk na di Andigpoi mem gima ahwen bit da lene nna ba tuhan misigion yo dima! Lewo igyai munti dima huk ade awak di dani leu tuhan de dihyei apino bitig dino dipri kwei ei dingkiaisi dini bidikuk da bak kwar ngkiai nya ide.

NEHEI LEUSI 7:3

Noro midibindei ba, Firaun ningkek ndok ahyet. Mbro nok gino dikes mindur di buhun bibor ei mben Mesir dip lo, noni mimiap ahyet bibit kan bi.

NITRITI 50:20

Mbro nok gino jiyok jingon gom mem gima jimbuk tut da pima lo, Allah bindei jide mun di mbuk dima bie ug ei mun di kei biborti. Leu binhyepo Noni binyohou tungwatu nya imang bibor bimai bi tug hon mun di cut igkep da.

NITRITI 45:5

Ma jingon ku je ba, jidigit tut gi po jitri da nok awak pima bu au. Lewo ningat ne Allah buwak da bibie kwei ei mpia dini leu binhyepo dinyohou tungwatu nya imang bibor ser nhyepo imai inggum bi.

TESALONIKA GI NICAN 2:11

Gima rino Allah mibindei mbut nisindemti ninyeng gom di bindei ba, ikrau tunggwei puig di nijit apino iba ingon com nihyet di nitrowai.

IMAM NYA IDE MIDYAI 10:6

Lene Musa pai bak Harun kin nipmot bat cin di Eleazar Itamar nya “Ma jibou jo hak ba, jirik jide sinsun rok him cem nok bindo bipia jingon ngguk tut nimai au. Gino jisrep tut dicuk jeti dini lene mijimai hak leu api tuhan ningon misibui sut nye di mben Israel yahagom ri. Noro nna ba mben Israel nindigsi nya ingon ngguk tut bipim kep yo cin di tuhan de hum yem yok dini.

MBEN ISRAEL IMBUT-MBUT NYEN 1:19

bit leu tuhan nicukti. Musa yai gini yok hagom ei iggum ndigsi Sinai.

NIBOHON MBEN ISRAEL GI NIGOM 7:2

Tola yai nipmot bat nya ibou muhwindagom ba, inyeng rino Uzi kin Refaya kin Yeriel kin Yahmai kin Yibsam kin Samuel. Yo dini rino inok nibou mem nimpung ig bei nsi di intun Tola ninsi de nya him ba, inok tentara di mimbri kui ingkek nya. Ei nijam nibou ndig Daud lene ide nintun him di bram yam nya imangti ibou sribu ningot can can ba, sratus muhwindagom.

NIJAM NIKEI NYA 2:14

Gima rino tuhan ningon sibui sut yok nindig bibor ba, sindui sut ngkiai di imbuk bibor nya bihwen yok bipos ndigban nya bingwig leu yok. Noni sindui sut mben Israel ide siceu di ibong ttai yok igya kep bihwen yok bijo ninno apino bit bon mben Israel ikon pran bigya ngkiem kan bi.

NIJAM NIKEI NYA 2:20

Mpe dima lene tuhan ningon sibui sut yok ba, simbot dat bipai “Dicuk yo dini idigup bat-idigai bat nya nipou su leu binhyepo igyok ngon kep mun di dipreu ei mem yok. Noro yo dini ingkwei leu nipreu eisi pima leu api ibit dihyet bu bi.

NIBOU NDIG NYA GI NICAN 3:6

Gima rino Nibou Ndig Yoram bipbur bimbut leu Samaria ba, ug hig nide tentara nya yahagom kwei ba, injei siceu.

NIBOHON MBEN ISRAEL GI NIGOM 7:40

Gima ne Asyer de nintun him di bram yam nya ri. Yo dini yahagom inok nibou ig bei nsi nya ba, inok pinjoi ndig di mimbri kui ingkek. Lene inok nibou di inyeng jei cem. Ipas kep pinai nya ibou sribu ningot can muhwindagom di intun Asyer him inyeng ei daptarti nok pinai di itin ei mem ikon pran.

NIBOHON MBEN ISRAEL GI NICAN 32:25

Noro noni gijem sigyo hanyen bak tuhan tut ginjei mun di kei bak dima bi lewo ningon jei. Gima rino tuhan ningon sibui sut timiei Yehuda kin Yerusalem nya.