SAMUEL GI NICAN 20:1 - ALLAH NIHYET MEM TUNGWATU NYA

¹ Seba di yok nisinsiou ei mben Israelti no bong ei minu ndig Gilgal. Seba dima ne Bikri nipmot rin ba, ntun keret Benyamin him. Mpe di tentara nya injei ttai Daud bikwei sut lene Seba miep pun mbrei leu api tri tut “Nyeni imbier kim Daud bi ba, nggon rima injei bit noni i? Mben Israel jen, jikwei ba, nyeni ingkwei hanyen ug ei itimiesi!”

SAMUEL GI NICAN 20:1 ပူးပေါင်းရင်းမြစ်များ

NIBOU NDIG NYA GI NIGOM 12:16

Tirigi Rehabeam de limwa nya imiap tut bipia noni buhup ighyet bit leu ingon kanti bi lene iba ighyet nindig bibor hara “Nikou sut Daud kin yo di intun noni him o! Ingondut nye nipou kikau kwei bipek ammani kep bi sren o! Je di mben Israel e, jikwei ba, imbut ri o! Nnaba Rehabeam mibiang niyai munti nibuhunti hak ug o!” Gima rino mben Israel ingkwei hanyen ug ei itimieisi.

NIBOHON MBEN ISRAEL GI NICAN 10:16

Tirigi keret mben Israel ikan tut bipia noni buhup ighyet bit leu ingon kanti bi lene iba ighyet nindig bibor bahara “Nikou sut Daud kin yo di intun noni him! Yoni ingondut nye nipou kikau kwei bipek ammani kep bi sren! Je di limwa mben Israel e, jikwei ba, imbut ri! Ma Rehabeam nyohou dimig ningon kanti nya mem nonti!” Lene keret mben Israel ingkwei hanyen ug ei ide ig.

NINDAT KEP TUHAN NICUKTI NYA 13:13

tut jide mben di yaham imbuk igkei ibou poi di ibindei srawir timiei minu ndig dima tug hon gi ikuk yok bak nung di nipou jikan tut bi nya.

LUKAS 19:27

Nogindini ma jikat ditde siceu nya di ikou sut gima dinyeng tak kep yok kwei leu api jikimukep yahagom bou diyai him hak ug!’ ”

LUKAS 19:14

Noro timiei di leu nitimieisi ingon mpo tut noni. Gima rino isok ighyet ei ibou poi di ibram noni dip bram bipai ‘Nikou sut gima no dini ninyeng tak kep nye a.’

NIPINGOK NINGONTI 26:21

Biei hum kin hum mbom bindei ba, hum njeng kikau. Nok gima cem tut no di liriem hiter tug hon nihyet di ket hum ei tungwatu ingonti.

NIPINGOK NINGONTI 25:8

Ma angon sror tut munhyet ba, attei ug ei nikei noho bei au. Leu gino niabiati jo nibreisi bipia nani rino atunggwei sut lene mindei rima abon bu i?

MAZMUR 34:19

tuhan ningat rin simiak yo di ingon kinei nya. Noni teu yo di ingon cut bihigom leu su nya bingwes ngun.

MAZMUR 17:13

tuhan e, akiju! Ahwen ditde siceu nya ba, acut yok. Aba Ade singau simeda biteu da bidingwes ngun leu yo di isibut di imbuk tut da nya.

NIBOHON MBEN ISRAEL GI NICAN 10:6

Lene Rehabeam ug mbrap bit andigpoi nya po ipingok kep nicig Salomo ningonti pima leu binhyepo ipingok ningonti bihig ser yok “Notou dibuhup yo dima ighyet i? Notou jipingok dingonti tut i?”

SAMUEL GI NICAN 23:6

Noro yo di igwam ei tuhan ninghim idem kep nok cibou nggwen di tungwatu nya icom bihigom. Bit bon iba inda krau ninggwenti dima kan bi.

SAMUEL GI NICAN 15:10

Noro noni sok nihyet bak keret Israel nindigsi nya bipai biyok “Tirigi jimiap pun mbrei tibim lene ma jahagom jimbos-hi-mbos bijipai ‘Absalom ne nibou ndig mem mben Israel ei Hebron ri!’ ”

SAMUEL GI NIGOM 30:22

Noro Daud de tentara di ibit di yuug hwen siceu pima yok bihi isibut ba, bihi idrui bou ngwak cem bisrep bipai “Yo dima ibit nye kikau bi. Gima rino yoni mitug ndei mun nyeng hi leu ndigban ngot ndig di nipos kwei pima bi. Ma itug ndei imunggwom bat-itnem bat nya he bimbut tut yok hak.”

SAMUEL GI NIGOM 2:12

Mpe dima lene Eli nipmot bat cin igyai munti nya kinei bibor. Ingkek ndok tut tuhan ningon kanti ba,

NIJAM NIKEI NYA 19:22

Noro tirigi igwam ba, ingon nggei-hi-nggei lene pinai timiei minu ndig dima di icut tut yam igkei nya ikwei binjei ttai ig dima. Itug-tug nyen dimbou lene ibipai bak andig-ndau ndima “Akes no di pinai di acigit kui ade ig dima kwei binye lewo nijoi sut niyem njita tut noni!”

NIJAM NIKEI NYA 3:27

Haninyai tirigi ug krau nungug him Efraim lene noni miep pun mbrei gom bibijem mben Israel kwei mem gima ikon pran. Tirigi yahagom idem yam tu lene Ehud bie tut yok ba, ijuk kwei leu nungug him dima.

YOHANES 13:8

Lene Petrus srep “Tuhan e, ma apiap dimig bi sren!” Noro Yesus buhup “Gino dipiap amig bi lene bit bon ambier kim Da bi.”

NITRITI 46:21

Kin Benyamin bitut nipmot bat di inyeng rino Bela kin Bekher kin Asybel kin Gera kin Naaman kin Ehi kin Ros kin Mupim kin Hupim kin Ared.

SAMUEL GI NIGOM 13:2

lene noni mbus mben Israel ibou sribu ningai keyam ei bikwas yok ei nimpung can. Ibou sribu can igya kui noni ei Mikhmas kin nungug him ei minu ndig Betel lene ibou sribu gom igya kui nipmot Yonatan. Leu api Saul cuk Yonatan kin nide limwa nya ug ei Gibea ei hanjop Benyamin. Gima ngwig lene noni kes tungwatu nindigsi nya ba, ingkwei hanyen ug ei ide minu nya.

SAMUEL GI NICAN 16:7

Ba, Simei heng ser Daud bipai “Aug bihigom! Aug bihigom! Ahwen nimbiam ba, ambuk bibor cem!

SAMUEL GI NICAN 18:17

Lene nide limwa nya icug Absalom ningut binjei ug ei jui nsi di jut bibor ei bigbehei pima leu api idingug tig mang bibor bijo-jo yam dip ser nuhuigya. Lene tentara Israel pima yok yahagom inang bingkwei hanyen ug ei itimieisi.

SAMUEL GI NICAN 20:2

Tri tut nok rino tentara Israel ikiju bikes Daud ei lene injei bit Seba. Noro keret Yehuda ingon gom tut Daud ba, injei bit noni leu api ijo leu Minyei Yordan nyai kikau ug ei minu ndig Yerusalem.

SAMUEL GI NICAN 20:22

Leu api ug ba ningon di ki-kut binggok puig bak timiei minu ndig dima. Leu api yo dima irop Seba nitibou leu lene ittei bicom bak Yoab ei ngug tig nisai ma kwei. Leu api Yoab miep pun mbrei binduk nide tentara nya ba, ikus leu minu ndig dima lene ingkwei hanyen ba, tungwagom-gom ug ei nide ig. Lene Yoab cem ngkwei hanyen ug ei minu ndig Yerusalem ba, ug bingat nibou ndig Daud.

NIBOU NDIG NYA GI NIGOM 21:10

Lene ma jikes jihyet bak yo di imbuk nya ibou poi leu binhyepo ipai kep noni drek dip gi nihyet wer mpiahi tut Allah kin nibou ndig. Lene ma jikri noni ug ei minu ndig nisai bijiba tig biyai nimai bak drek dip nihyet di wer mpiahi dima.”

SRAT RUT 2:3

Gima rino Rut ug ei beisi bibram awak nya di ikos gandum nya ba, mbus gi hi di yoni iba igyai ngat ei nya he. Noni ug ei nikos gandumti ei beisi gom di niceu rino Boas po tig mbier tut Elimelekh nide.

SAMUEL GI NICAN 16:11

Daud pai bak Abisai kin nibou nya di igya kui noni yahagom “Dipmot bungwam mem gima yai nimai bida. Nggon rino jinga leu sut no di ntun Benyamin him dini nimbriom dati i? tuhan cuk noni bipia mbriom da. Ma jisindui sut noni ba, mbriom da hak ug.

MARKUS 3:24

Gino mben hi ikwas yam ei nimpung can ba, ikon pran bit yam lene yoni imai bingwig hak ug ri.