SAMUEL GI NICAN 2:5 - ALLAH NIHYET MEM TUNGWATU NYA

⁵ Gima rino noni sok nihyet bak yo dima bipai biyok “Handei kon ba, tuhan minjei mun di kei bak jeni drek dip gi po jindo jingon di gom tut jide nibou ndig tug hon gi jitig ningut pima.

SAMUEL GI NICAN 2:5 ပူးပေါင်းရင်းမြစ်များ

NITRITI 14:19

Lene noni njei mun di kei bak Abram bipai bak “Nna ba Allah Di Ninyeng Jei Bibor di pai tes mpia-bbed him kin dihyeisi dini njei mun di kei bak Abram!

NITRITI 14:22

Lene Abram buhup “Deheng bitug hon tuhan di nok Allah Di Ninyeng Jei Bibor di pai tes mpia-bbed him kin dihyeisi dini ninyeng bipia,

SAMUEL GI NICAN 15:20

Akwei bong timiei bit nye mem nijam di jei bi. Gi mbun dibidip huk na leu binhyepo abong-bong nyen bit da kan bi. Lewo dikan tut minu di dinang ug eisi hi bi. Nna ba angkwei hanyen ba, abuwak asut bat di ade mben nya bibit na. Handei kon ba, tuhan ngondut je ba, ningon gom tut je.”

SAMUEL GI NICAN 21:12

noni ug ket Saul Yonatan nya injum leu timiei minu ndig Yabes ei Gilead. (Yo dima yuug pos injum leu minu ndig Bet-San de biyati di mben Filistin yahak Saul Yonatan nya ingut eisi tirigi po ibindei timek yok ei mbigdip Gilboa tu pima.)

MAZMUR 115:15

Ma tuhan di pai tes mpia-bbed him kin dihyeisi dini njei mun di kei bak jeni!

YOSUA 2:14

Lene yo cin pima ibuhup “Nipreu ei mem na bipia tirigi tuhan yai minu dini binye lene minibibon je nok gi kei gino ambot kep tut nyeni nikweisi dini bak hiter bi. Ne gino nibit nipreu ei mem nati dini bi lene ma tuhan sigion nye hak ug.”

NIJAM NIKEI NYA 21:8

Lene igyok igyai kep keret mben Israel leu binhyepo ibingat bipia keret gom di kwei mpu yok ei Mizpa nipou pima bi. Leu api ingat lo, timiei Yabes ei hanjop Gilead hi di kwei mpu yok ei Mizpa bi.

SRAT RUT 1:8

Noro tirigi yuug ei puig sinon lene Naomi pai bak nignyot bat cin “Ma jingkwei hanyen bijibong bit jipmem bat nya. Handei kon ba, tuhan misingat tut je dem kep nok gi po jisingat tut da kin yo po imai su pima.

SRAT RUT 2:20

Lene Naomi pai bak Rut “No dima ne side bat di suar brim ningkek mem gima nyohou sa ri. Handei kon ba, tuhan di ningon ngkwei leu mun di Noni preu ei mem yo di igyaijo kin yo di imai su nya bi sren miyai gi kei binoni.”

SRAT RUT 3:10

Lene Boas buhup “Nnaba tuhan minjei mun di kei bak nani lewo gino ibinai ayai munti dini kin mun di abibon bak agnyot lene ayai munti di nogindini bindo tut ade ningon ngakeisi di nindig bibor dor njiriek bu. Mbro nok gino bon nituti mem gima ajem ajjep bit pinai pilei di nyeng hi e, he no di nuhui mbum hi e lo, ayai nok gima bi.

SAMUEL GI NIGOM 11:1

Bed gom bu lene Nahas di nibou ndig mben Amon njei siceu tut nide tentara ug ei minu ndig Yabesh ei hanjop Gilead. Lene igyon ttai minu dima. Leu api pinai di ibong ei Yabesh ipai bak Nahas “Gino akwam minggwen bit nye ser lene minice tut anyeng tak kep nye.”

SAMUEL GI NIGOM 11:9

Lene Saul nya ipai bak yo di ikwei leu Yabesh pima “Ma jipai bak mben Yabesh bipia njap di hyep nipou tirigi mpia huk pijum bigyo lene mijingwes ngun.” Tirigi yo dima ingkwei hanyen bitri tut nihyet dima bak mben Yabesh lene yahagom ingon nggan-triot kei.

SAMUEL GI NIGOM 15:13

Gima rino Samuel bram Saul bahatap noni leu api Saul pigo noni bipai “Samuel e, handei kon ba, Allah minjei mun di kei bak nani! Dibit Allah nicuk dati tu.”

SAMUEL GI NIGOM 23:21

Lene Saul buhup “Handei kon ba, tuhan njei mun di kei bak jeni lewo jingon nggriu sut da.

SAMUEL GI NIGOM 24:19

Mbro nok gino tuhan kes da ei andati ei njap di ammani tu pima lo, ayai nimai bida bi lene ayai munti dima ndo brei bida bipia angon kwes kin da.