SAMUEL GI NICAN 2:4 - ALLAH NIHYET MEM TUNGWATU NYA

⁴ Lene keret Yehuda nya induk yam kwei ei Hebron leu api ita Daud nok nibou ndig mem yok. Mpe dima lene noni miap tut mben Yabesh ei Gilead itig Saul ningut.

SAMUEL GI NICAN 2:4 ပူးပေါင်းရင်းမြစ်များ

SAMUEL GI NICAN 19:11

Lene Nibou Ndig Daud miap tut mben Israel isimbot kep biyamti dima. Gima rino noni sok nihyet ei Imam Zadok kin Imam Abyatar dip bak nibou keret Yehuda nya bihig ser yok “Nggon rino jibon jenti nok yo di igya nohon keti mem gima jikwei buwak nibou ndig hanyen ug ei nide ig nibou ndig i?

SAMUEL GI NICAN 19:42

Lene Yehuda nya ibuhup “Niyai nok gima lewo nibou ndig tig mbier tut nye. Nggon rino niyai munti dima bindei ba, jiwok nye i? Nibou ndig ba njita bingondut nye bikwas mun nyeng gom tut nye cem bi.”

SAMUEL GI NICAN 2:11

Noni bong ei Hebron lene ninyeng tak kep keret Yehuda mem nijam ari bingwam muhwindacan.

SAMUEL GI NICAN 2:7

Suar jingon ngkiem ba, mimbri kui jingkek! Jide nibou ndig Saul mai leu je tu lo, keret Yehuda ita da bidinok nibou ndig mem yok tu.”

SAMUEL GI NICAN 21:11

Tirigi itri tut Rizpa niyai munti dima bak Daud lene,

SAMUEL GI NICAN 21:12

noni ug ket Saul Yonatan nya injum leu timiei minu ndig Yabes ei Gilead. (Yo dima yuug pos injum leu minu ndig Bet-San de biyati di mben Filistin yahak Saul Yonatan nya ingut eisi tirigi po ibindei timek yok ei mbigdip Gilboa tu pima.)

SAMUEL GI NICAN 5:17

Tirigi mben Filistin imiap tut gima mben Israel ita Daud nok ide nibou ndig tu lene ikos tut bipia minduk yam kwei bikat noni. Noro Daud miap tut ingon kanti dini leu api ku no ei tentara nibousi di igya coi.

SAMUEL GI NICAN 5:3

Lene Daud kin nibou mben Israel yahagom ipreu ei biyam ei tuhan niyai him leu api nibou nya ita Daud nok nibou ndig mem mben Israel cem yahagom.

SAMUEL GI NICAN 5:5

Ninyeng tak kep keret Yehuda ei Hebron mem ari bingwam muhwindacan biniken lene ninyeng tak kep mben Israel kin Yehuda yahagom ei minu ndig Yerusalem mem ari bingwam ningot ningai ba, ningai biniken bu.

NIBOU NDIG NYA GI NICAN 11:12

Gima leu lene Yoyada buwak Yoas behei sut leu api kes topi nibou ndig ei nibou nggram him ba, kes srat Allah Nicukti Nya cem bak. Lene yahagom ikon Yoas kui bigwam nok nibou ndig bitri tut noni bidem limwa nya yahagom. Lene yahagom ittem inda ba, ibimbos-hi-mbos bipai “Na di nibou ndig e, ma ayaijo ninno!”

NIBOHON MBEN ISRAEL GI NIGOM 10:11

Tirigi timiei Yabesh di ibong ei Gilead ikan tut notou mben Filistin ibibon Saul ningut lene,

NIBOHON MBEN ISRAEL GI NIGOM 11:3

Gima rino Daud kiju di bon gi preu bit nibou mben Israel leu api ita noni binok nibou ndig mben Israel dem igbit tuhan nipreu ei tug hon Samuelti nipou su.

NIBOHON MBEN ISRAEL GI NIGOM 12:23

Tirigi Daud ningat rin ei Hebron lene tentara di mimbri kui ingkek nya imang ibicom yam bit noni ba, yahati tut leu binhyepo noni kui bigwam nok nibou ndig biya luei Saul nohoti dem igbit tuhan nipreu eisi. Tentara dima yok imangti rinok gini, keret Yehuda de nintun himti ibou sribu muhwindagom ba, sratus muhwindaningai. Yo dini itti kin Daud tut ide mun di ibipukep tibor ninggwenti di isu ser yok kin ide micim, kin keret Simeon de nintun himti ibou sribu muhwindacan ba, sratus gom di mimbri kui ingkek nya, kin keret Lewi de nintun himti ibou sribu bitai ba, sratus muhwindagom. Yo dini ne Yoyada de tentara nya di ibie tut yo di intun Harun him ibou sribu ningai ba, sratus muhwindacan bitut Zadok di pinjoi pilei gom di mimbri kui ningkek kin nide bat nya ibou ningot can ba, can lene yahagom inok nibou ig bei nsi, kin keret Benyamin de nintun himti (keret di Nibou Ndig Saul ntun him) ibou sribu ningai. Keret Benyamin nindigsi nya iba ingon di gom bahati tut Saul kikau, kin keret Efraim de nintun himti ibou sribu ningot can ba, sratus muhwindaningai. Bikwop yo dini yahagom inyeng jei ei yonti ide bat nya ikieti, kin keret Manasye de nintun himti di ibong Minyei Yordan nite bei mpia nicutti ibou sribu simnaimuhwidip brimigtehiningai ba, nibou nya idimig yo dini ei mem gima ikon Daud kui bigwam nok nibou ndig, nibou nya ibou sratus can di keret Isakhar de nintun himti injei sut ide limwa nya yahagom. Nibou dini yok ingon ki tut gi ikos tut mun di suar mben Israel ibon ei nitutti di dem kei nya. Keret Zebulon de nintun himti ibou sribu ningot muhwi di ikrau minggwen nyeng hagom kan ba, itin ei mem gima ikon pran ba, yo dini ne yo di ingon gom rin ba, nindigsi nya iba ingon com yok cem, kin keret Naftali de nintun himti nibou nya ibou sribu gom di igya tut ide tentara nya ibou sribu ningot ningai muhwindacan di ikrau mun di ibipukep ser tibor nggwen di isu ser yok kin micim bidem yok kei nya, kin keret Dan de nintun himti ibou sribu ningot can muhwindaningai ba, sratus muhwindagom di mimbri kui ingkek nya, kin keret Asyer de nintun himti ibou sribu ningot bitai di itin ei mem gima ikon pran. Keret di ibong Minyei Yordan nite bei mpia nipriti nya di Ruben kin Gad kin Manasye nite hi yahagom sok yam ibou sribu sratus gom ningot can di iba minggwen nyeng hagom bikon pran igkei nya ri.

SAMUEL GI NIGOM 16:13

Haninyai Samuel hit ampou tut mini zaitun pima bisiber ei Daud nibou nggram him bou nikindig bat nya igyai him. Mpe dima lene tuhan Ninnei sindem tut noni ba, ningat rin bit noni kikau. Lene Samuel ngkwei hanyen ug ei minu ndig Rama.