SAMUEL GI NICAN 18:3 - ALLAH NIHYET MEM TUNGWATU NYA

³ Noro ibuhup “Andigpoi e, ma abit nye au. Gino nye di tentara nicut bak yoni ba, ninang leu yok cem nimang nitug ndei nimai cem lo, ide siceu nya mingon cut hon bi lewo ikos tut bipia migyai nimai bak na di Andigpoi lewo abon anyeng bou yo dima igyai him ba, nangkom noyam kin nye di tentara nibou sribu simnai. Nna ba atum angon ei minu ndig. Gino nisuar mun di nibikon pran hi kin bu lene apinak gima hwou binye.”

SAMUEL GI NICAN 18:3 ပူးပေါင်းရင်းမြစ်များ

SAMUEL GI NICAN 10:11

Lene Yoab pai bak nikijoi “Gino dihwen tentara Siria lo, ide nisindemti om kep da lene ma akwei mpu da. Nok gima cem gino ahwen tentara Amon nya lo, ide nisindemti om kep na lene midihwou mpu na.

SAMUEL GI NICAN 17:2

Midicut igkep noni tirigi ninghuisi wei ba, ningon buhun yo leu api midibindei bidigit tut. Lene nide limwa nya yahagom minang bingwig leu noni. Midiyai nimai bak nibou ndig nongkom.

SAMUEL GI NICAN 21:17

Noro Abisai di Zeruya nipmot kwei mpu Daud bitot tentara anjan dima biyai nimai bak. Gima leu lene Daud de tentara nya ibidip huk noni leu binhyepo preu ei mem yok bipia mibit yok tirigi yuug kon pran bu bi. Ipai bak “Na di Anyeng Jei e, nani ne nibou ndig di mben Israel yahagom iba ingon com ri. Nikou sut gima Na di Anyeng Jei asar leu nye a.”

NIBOU NDIG NYA GI NIGOM 22:31

Lo bi lene nibou ndig mben Siria pingok ei nide nibou tentara ibou ningot ningai ba, can di ikui ide kroba pran kan nya ingonti leu binhyepo ihwen hiter bi noro ma igyai nimai bak nibou ndig mben Israel nongkom he.

NIBWOS-BWOS NYENTI 4:20

Ikat tuhan de nibou ndig di Nonti dimig ei su ba, no dima ne no di nyeni niba ningon com nok no di mibindei ba, nibong kei nigwam kei ba, no di minyohou nye leu siceu di ihwen bit nye inda nsi cem rin o!

ZAKHARIA 13:7

tuhan Di Ninyeng Jei Bibor pai “Singau simeda e, ma akiju ba, ahwen gembala di yai midyai mem Da! Ayai nimai bak leu api ide domba nya mintek gimahap. Dihwen Ditde limwa nya ba,

SAMUEL GI NIGOM 18:7

Tirigi ipri-pri nyen lene ipai doia nok gini “Saul yai nimai bak nide siceu nya ibou sribu-ribu gom noro Daud yai nimai bak nide siceu nya ibou sribu-ribu simnai.”