SAMUEL GI NICAN 17:11 - ALLAH NIHYET MEM TUNGWATU NYA

¹¹ Andigpoi e, ditde nipingok angonti rinok gini. Anduk ade limwa di mben Israel yahagom kwei leu dihyei nisurti-nipekti. Imangti midem kep iggum di jo muk nipimat nimangti. Lene ma na di Andigpoi abie tut yo di ikon pran.

SAMUEL GI NICAN 17:11 ပူးပေါင်းရင်းမြစ်များ

NITRITI 22:17

Gima rino midinjei mun di kei nindig bibor bak nani ba, dibindei ba, ade nintun him yamti di bram yam nya imangti dem ham mpia-bbed him kin iggum ei muk nipimat cem nimangti. Yoni migya kep bihwen ide siceu nya yahagom bitimek.

MAZMUR 9:16

Ngkiai nya di ikan tut Nani bi nya icut ug ei jui di yonti itig eiti ba, ico bon di yonti indin eiti bisrou yok.

NIJAM NIKEI NYA 20:1

Leu api mben Israel di ibong ei Dan nite bei mpia nijjai kikau bipek kin Bersyeba nite bei mpia nibiho kikau bipek kin Gilead nite bei mpia nipriti yahagom idem yam bit leu nijem yok kweisi dima. Yahagom idem yam ba, ibicom yam nok gom ei tuhan Noho bei ei Mizpa.

YOSUA 11:4

Leu api nibou ndig dima yok injei sut ide tentara nya di imang bibor ba, imangti noyam kin iggum ndung ei muk nipimat kwei. Ide kuda kin kroba pran cem mang bibor.

NIBOU NDIG NYA GI NIGOM 20:10

“Nyende nibou ndig mipinak nide tentara nya imangti nok gi dem mem gima ibindei sar ade minu ndig dini kwei. Imangti dima nok gi dem mem iba inda he bikon minu ndig nindung-diemti hagom ba, intek tut hak. Nibou Ndig heng bitug hon kwar nya inyeng bipia suar kwar dima yok ikes hukum ei noni dip bigyai nimai bak cem hak gino noni yai mun dima bipek kep nehengti dima bi.”

NIBOU NDIG NYA GI NIGOM 4:20

Mben Israel kin Yehuda nya imangti dem kep iggum ei muk nipimat nimangti. Ide njita di igyem kin mun ningei di idut dem mem yok ba, yahagom ibong kei igwam kei.

SAMUEL GI NICAN 24:2

Lene Daud pai bak Yoab di nibou tentara “Aya tut nibou tentara di igya kui na nya ba, juug bijiya bidem minu nisurti-nipekti nya lene apas kep ditde limwa nya yahagom inyeng.” Noni cuk nok leu binhyepo kan tut imangti.

SAMUEL GI NICAN 12:28

Nogindini anduk ade tentara nikenti nya ba, aba yo bicom yam leu api anjei sut yok kwei leu binhyepo sihwen timiei minu ndig dima ba, icut bisa kep. Gino ayai igbit dingon kanti dima lene gi mbun hi mipai sut bipia dangkom rino dibie tut tentara nya di dihwen yok leu di diyai di diyati bi.”

NITRITI 13:16

Midibindei ba, ade nintun him yamti di bram yam nya mporo midigek kep mpia. Ningat ne bit bon tungwatu nya ikwop dihyei ndung nimangti kan bi. Bit bon ikwop yo di intun nani him imangti kan bi.

NITRITI 21:14

Njapti kui lene Abraham yai njita kin aigmui mindhe ngkek tut minyei di joti cem mem igyem kak puig sinon bak Hagar leu api kon Ismael ei Hagar ninghim lene cuk sop dima buug hak. Lene Hagar mbut-mbut wai ei iggum ndigsi gom ei Bersyeba.

SAMUEL GI NIGOM 3:20

Gima rino mben Israel bidem minu dima nisurti-nipekti hagom ikan tut bipia Samuel ne tuhan de nabi ri.

SAMUEL GI NIGOM 13:5

Lene tentara Filistin cem induk yam ei mem gima ikon pran bit mben Israel. Ide kroba pran nimangti sribu ningot ningai lene ide tentara di ibri kuda kan imangti ibou sribu muhwindagom lene ide tentara nindigsi nya imangti dor njiriek iggum di jo muk pimat nimangti. Yahagom ikwei hok ide prak meng yati ei Mikhmas di jo dideu Bet-Awen bei mpia nipriti.