SAMUEL GI NICAN 15:8 - ALLAH NIHYET MEM TUNGWATU NYA

⁸ Tirigi dibong ei Gesur ei hanjop Siria pima lene dipreu ei mem tuhan bipia gino Noni sindui sut ba, dingkwei hanyen ei minu ndig Yerusalem lene midikuk da bak bidinggei sut Noni ei Hebron.”

SAMUEL GI NICAN 15:8 ပူးပေါင်းရင်းမြစ်များ

SAMUEL GI NIGOM 1:11

Lene noni preu ei bipai “tuhan Di Sindem Bibor e, ma ayok ngon kep da lewo dinok Ade awak ri! Ma angig ayai kep dingon di buhun biborti. Ma angon prion ser da ba, akes da ei au. Gino ayai dipmot gom bida lene mididimig noni ei mem Na kikau ug bipek niyaijo ningwig honti. Lene dipreu ei mem Na bipia midikos nibou nta bi sren.”

YEREMIA 42:20

bipia jibon mun tunggwei nindig tu. Jahara da leu binhyepo dingat nadi bak ide tuhan Allah mem jeni. Lene jipreu ei mem gima jibit mun nyeng hagom di tuhan pai bije.

YESAYA 28:15

Jingon jei sut jenti drek dip gi jikwam minggwen bit nimai ba, jeni kin minu nimai nya ide jipreu kep yam tu e? Jiba jingon com bipia tirigi mun di buhun kwei lene mikriau je lewo jikan bipia jide niris ei tungwatu nyati rinok mpia di jinang coi e?

NIBA NINGON SRIP HUKTI 5:4

Gino apreu ei mem bi ne gima kei dor njiriek gino apreu ei mem leu api ayai mun bipek kep apreu eisi dima bi a.

MAZMUR 56:12

Diba dingon com Noni apino digittin tut tungwatu nya bi. Lewo isindem mem ibibon da kinei kan bi.

SAMUEL GI NICAN 14:32

Lene Absalom buhup “Tirigi po dihig na mem gima akwei ngat da pima lene akwei ngat da bi. Dipi bidicuk na ba, aug ngat nibou ndig leu binhyepo ahig ser noni bipia nggon rino noni hig da kwei leu Gesur bidibong ei sirini i? Nna ba midibong kikau ei Gesur hak ug.” Lene Absalom binut bu “Dijoi sut diya ei nibou ndig noho bei. Gima rino ma aya hacan mem da. Ba, gino nibou ndig kos tut bipia dingon mui yo lene nnaba ditin ei mem ditug ndei nimai hak ug.”

SAMUEL GI NICAN 14:23

Lene noni kiju biya leu api ug ei Gesur leu binhyepo ug ngat Absalom bibuwak noni hanyen kwei ei minu ndig Yerusalem.

SAMUEL GI NIGOM 16:2

Noro Samuel hig ser “Ui! Notou diyai nok gima i? Gino Saul miap tut lene noni mikes nimai ei da dip ug ri!” Lene tuhan buhup “Ma ajem sapi nipmot bo gom leu api apai ba, abitot hagau bipia abon midut nindig mindhe gom bak Dani ei sirima.

YOSUA 24:15

Gino jikou sut gi jikuk je bak Noni lene ma njap di ammani jikos tut no di jikuk je bak. Mijikuk je bak nung nya di jidigup bat-jidigai bat nya ikuk yok bak ei Mesopotamia pima e, he jikuk je bak nung di timiei mben Amori ei minu di jibong eisi dini ikuk yok bak nya e? Noro tut dani kin dide bat nya nahagom minikuk nye bak tuhan Nongkom.”

SAMUEL GI NICAN 3:3

Kileab di nipmem rino Abigail leu Karmel di nijjep Nabal mai leu pima. Absalom di nipmem rino Maakha di Nibou Ndig Talmai leu Gesur nipmisop.

SAMUEL GI NICAN 15:9

Lene nibou ndig ce bipai “Angon jo nyahan ba, aug hak ug.” Gima rino Absalom ug ei Hebron.