SAMUEL GI NICAN 13:23 - ALLAH NIHYET MEM TUNGWATU NYA

²³ Ari bingwam can ser tu lene Absalom bon pesta kep nikos domba ninta leusi ei Baal-Hazor dideu minu ndig Efraim lene nduk nicig di nibou ndig dima nipmot bat nindigsi nya yahagom kwei.

SAMUEL GI NICAN 13:23 ပူးပေါင်းရင်းမြစ်များ

SAMUEL GI NIGOM 25:4

Tirigi Daud po bong ei iggum ndigsi pima miap tut Nabal di yai midyai dima

NIBOHON MBEN ISRAEL GI NICAN 26:10

Bitut ig di bon ninggre di jo-jo yam dip anai mem gima ibiya ser iggum ndigsi cem. Noni bon bak minyei ngot ei iggum ndigsi dima lewo nide mindhe-ndhe nimuhup tu nya mang bibor. Ba, mindhe-ndhe dima yok bihi no ya ke yam ei nungug tou nya lene bihi no ya ke yam ei mbang briep nite bei mpia nicutti. Lene Uzia ba limwa nya imang bibor biyai miai biei anggur nghousi ei nungug tou nya lene ba yok biyai miai nya bidem dihyei nnumti nya hagom lewo noni ngat ningwes ei midyai niyai miaiti.

NIBOU NDIG NYA GI NICAN 3:4

Ei nijam dima ne Mesa di nok nibou ndig mem mben Moab hyen kep nide domba nya. Noni ba domba pmot ningut sribu sratus gom kin ninta leu domba nikre ningut sribu sratus gom bigo belasten bak nibou ndig mben Israel bikwop ari bingwam kikau.

NIBOU NDIG NYA GI NIGOM 1:25

Njap di ammani noni ug bon midut bibui sapi nikre kin domba nya kin sapi pmot di nehen pap mang bibor bindig kep hum tu. Noni nduk apmot bat nindigsi nya kin Yoab di nibou pran kin Imam Abyatar yahagom bibon midut bit noni. Nogindini yahagom igyem pesta ba, igyai nillei lene imbos-hi-mbos cem bitri tut ‘Adonia e, ma ayaijo ninno!’

NIBOU NDIG NYA GI NIGOM 1:19

Noni bon midut bibui sapi nikre kin domba nya kin sapi pmot di nehen pap mang bibor bindig kep hum leu api nduk apmot bat nindigsi nya kin Imam Abyatar kin Yoab di nibou pran yahagom kwei ba, ibon midut bit noni. Noro noni nduk apmot di Salomo cem bibit yok bi.

NIBOU NDIG NYA GI NIGOM 1:9

Njap poi ser lene Adonia bon midut bibui domba kin sapi nikre kin sapi pmot di nehen pap nya bindig kep hum ei mpia ttou nsi gom di ninyeng Tig Wou dideu minyei bousi En-Rogel. Lene noni nduk Nibou Ndig Daud nipmot bat nindigsi nya kin nibou Yehuda nya di igya kui nibou ndig yahagom kwei ba, ibon midut bit noni.

SAMUEL GI NIGOM 25:36

Tirigi Abigail ngkwei hanyen lene ngat lo, Nabal bon pesta nindig bibor ei nide ig ba, pesta dima noyam kin nibou ndig de pesta. Pes pu noni ba, nibou ngwakti sibui lene yai nillei cem. Gima rino nitnem pui mun bak bi kikau bipek njap di hyep bu.

SAMUEL GI NIGOM 25:7

Noni miap tut bipia no aya kep domba ade nya di akos inta leu a. Nna ba akan kep bipia nyeni niwaisi gembala ade nya di inyohou domba ei nyende minu bi. Nok gima cem mun di gembala dima yok inyohou kep nya mem nijam di ingat rin ei Karmel hi di pror bi.

SAMUEL GI NIGOM 25:2

Mpe dima lene Nabal di pinai gom leu Kaleb ninsi de ningat rin ei minu ndig Maon. Nabal de dihyei di hyen kep mindhe-ndhe nya eisi no jo dideu minu ndig Karmel. Noni nyeng bibor ba, hyen domba ningut sribu ningai kin kambir ningut sribu gom. Nabal nitnem Abigail ningon ki ba, sop ubbu cem. Noro Nabal ne mbuk bibor ba, ningon prinder. Mpe di gom lene Nabal ya kep domba nide nya bikos inta leu ei Karmel.

SAMUEL GI NICAN 13:24

Lene ug ngat Nibou Ndig Daud bipai bak “Arig e, dibon pesta nikos domba ninta leusi ug ri. Gima rino Arig e, ma aya tut nibou nya di igya kui na ba, jihwou gwam tut da tut midut dima.”

NITRITI 31:19

Mpe dima lene Laban ug kos nide domba nya inta leu ba, ningat rin bi. Nijam dima bon nituti kei bibor mem Rahel ba, noni ug yai kwar di Laban ba ningon com nya leu ig bei buug sut.