SAMUEL GI NICAN 12:7 - ALLAH NIHYET MEM TUNGWATU NYA

⁷ Lene Natan pai bak Daud “Andigpoi e, nani ne no di nyeng pima ri! tuhan di nok mben Israel ide Allah pai bina ‘Dita nani ba, anok nibou ndig mem mben Israel lene diteu nani ba, angwes ngun leu Saul nindati tu.

SAMUEL GI NICAN 12:7 ပူးပေါင်းရင်းမြစ်များ

SAMUEL GI NICAN 14:13

Lene sop dima pai “Tug hon na di Andigpoi ambrapti dima lene apai jit bipia na di Andigpoi ayai mun tunggwei tu. Lewo na di Andigpoi asindui sut ba, apmot ngkwei hanyen leu ninang ug ei ningkiaisi dima bi. Nggon rino na di Andigpoi abon mun tunggwei sut Allah de limwa nya nok gima i?

SAMUEL GI NICAN 22:1

Tirigi tuhan teu Daud biningwes ngun leu Saul kin nide siceu nindigsi nya cem inda nsi lene Daud pai doia dini bibinggei sut tuhan. [

SAMUEL GI NICAN 22:49

lene teu da bidingwes ngun leu ditde siceu di iba nitok bida nya. tuhan e, asindem tut da leu binhyepo dibindei timek ditde siceu nya ba, anyohou da leu yo di imbuk tut tungwatu nya kindi-kindok cem.

SAMUEL GI NICAN 7:8

Gima rino apai bak Ditde awak Daud “Da di tuhan Di Sindem Bibor dihig nani kwei leu ade domba nya di anyohou ei susti leu api dita nani ba, anyeng tak kep Ditde limwa di mben Israel.

NIBOU NDIG NYA GI NIGOM 14:7

Angkwei hanyen ba, apai sut bak Yerobeam bipia tuhan Allah mben Israel pai ‘Didimig na di Yerobeam leu limwa Israel ikieti bidikon nani nok no di ninyeng tak kep Ditde limwa Israel tu.

NIBOU NDIG NYA GI NIGOM 18:18

Noro Elia buhup “Dani rino dibindei di minu Israel hagom kinei bibor bi! Na di Andigpoi kin acig jeni rijibindei di minu Israel hagom kinei tirigi jikuk je bak kwar Baal bijibit tuhan nicuk jeti nya bi.

NIBOU NDIG NYA GI NIGOM 20:40

Jei bi ne dibou ngwak sibui sut mun nyeng hiter leu api no dima kiju binang hak leu da biningwes ngun.” Lene nibou ndig buhup “Nanti rino abindei ba, hukum di buhun micut igkep na drek dip apino suar abiang ayai munti dima nibuhunti.”

NIBOU NDIG NYA GI NIGOM 20:42

Leu api nabi pai bak nibou ndig “tuhan pai bipia ‘No dicuk na bipia suar ayai nimai bak pima ne asindui sut ba, ningwes ngun tu. Gima rino suar aya luei nohoti ba, atug ndei nimai drek dip. Ade tentara nya yahagom misar bingwig drek dip gino isindui sut di ide siceu nya inang di ingwes ngun hak ug a.’ ”

MAZMUR 18:1

tuhan de awak di Daud pai doia dini bak tuhan ba, bikiek mpe di po tuhan kwek no leu Saul kin nide siceu nindigsi nya inda nsi pima. Doia dini mem no di bie tut nimpung doia.

YEREMIA 34:6

Leu api dipai sut tuhan nisokti dima bak Nibou Ndig Zedekia ei minu ndig Yerusalem,

DANIEL 4:22

Andigpoi e, biei di jei bibor bisindem bibor cem dima ne nani ri. Anyeng jeisi kum eisi kikau ug bipek kin mpia-bbed him. Ade ninyeng tak kepti mbut sindem bibor bikieng kep dihyeisi dini hagom tu.

MATIUS 14:14

Tirigi Yesus kinyon ei igpong nintig dip lene ngat tungwatu ningot ndig di idem yam ei dima lene ngondut yok lene bindei ba, yo di inggwen ikei hanyen.

SAMUEL GI NIGOM 13:13

Lene Samuel buhup “Andigpoi e, mun di ayai dima ne aba angon mbum biyai yo. Abit tuhan Allah nicuk nati bi. Gino abit nicuk nati pima nok igbit lene Noni misindui sut ade nintun him yamti di bram yam nya ba, igya luei ahoti binok nibou ndig mem mben Israel bijo ninno bijo kikau.

SAMUEL GI NIGOM 15:17

Lene Samuel pai binoni “Mbro nok gino na di Andigpoi akan bipia abon anyeng bi lo, nani ne nibou mem keret mben Israel hagom rin lewo Allah ta nani ba, anok nibou ndig.

SAMUEL GI NIGOM 16:13

Haninyai Samuel hit ampou tut mini zaitun pima bisiber ei Daud nibou nggram him bou nikindig bat nya igyai him. Mpe dima lene tuhan Ninnei sindem tut noni ba, ningat rin bit noni kikau. Lene Samuel ngkwei hanyen ug ei minu ndig Rama.

SAMUEL GI NIGOM 18:11

Lene Saul kan “Misidat Daud bipek kin dring hak ug. Gima rino noni ba micim bidat Daud mbican lo, Daud pri leu biningwes ngun.”

SAMUEL GI NIGOM 18:21

Lewo kan “Misindo Mikhal binoni nok nitnem leu binhyepo siba sipmisop bisrou noni leu api noni micut bak tentara Filistin bitug ndei nimai.” Lene noni pai nimbican bak Daud “Nogindini bon nituti mem dijem dipmang bit na.”

SAMUEL GI NIGOM 23:14

Gima leu lene Daud bong-bong nyen ei hak mihyeti ngot di jo ei nungug him dideu iggum ndigsi Zif. Saul huk-huk nyen Daud kikau noro tuhan gi kes noni ei nibou ndig Saul nindati bi.

SAMUEL GI NIGOM 23:7

Tirigi bihi ipai bak Saul bipia Daud ningat rini ei Kehila lene noni kan “Allah kes Daud ei sindati tu. Lewo noni ya bonti tirigi coi ug ei minu ndig di bon ngug tig kin dimbou pmem di ngkiem dima ninsi tu.”