SAMUEL GI NICAN 11:2 - ALLAH NIHYET MEM TUNGWATU NYA

² Njap gom ne Daud kiju leu nibong kep ninghuisiti leu api hei bikui ug ei ig ninjek dip mem mpia caisi. Tirigi noni ya-ya nyen ei sirima lene ngat sop gom di kek minyeiti. Sop dima ne sop di ubbu ngat ri.

SAMUEL GI NICAN 11:2 ပူးပေါင်းရင်းမြစ်များ

NITRITI 12:11

Noro tirigi ikwei pigau minu Mesir de minu niya kwas yamti lene Abram pai bak nitnem Sarai “Nani ne sop di ubbu ri.

NITRITI 3:6

Lene no di sop dima ngat lo, biei dima kei lene ningat kei mem gima yem lewo kan bipia gi kei bibor mem noni yai ningon di ki. Gima rino noni puk ningat hi biyem leu api kwas hi tut nijjep cem biyem.

NITRITI 34:2

Tirigi Sikhem ngat Dina nuubbuti bou niyai him lene noni kat bicut tut noni. Sikhem nicig ninyeng Hemor ba, Hemor ninyeng tak kep mben Hewi ei minu ndig dima.

NITRITI 39:6

Potifar ba ningon com Yusuf tut nide mun di nyeng tut nya hagom. Gima rino Potifar ningon ku no tut mun nyeng hi bi lo, pai sut nide njita di yem he. Tut Yusuf lene ninghuisi sindem ba, ppai bibor kei cem.

NITRITI 6:2

Lene timiei gwamti nya ibou poi ingat sop dima yok lo, sop di ubbu ningkom leu api iwak sop di ingon ngakei nya.

SAMUEL GI NICAN 13:1

Absalom di Daud nipmot bon nikwohop Tamar di sop gwam nitta pilei di ubbu. Mpe dima lene Daud nipmot Amnon di Daud nitnem gi hiter srek tut ningon pri kep Tamar nindig bibor ba,

SAMUEL GI NICAN 14:27

Noni yai nipmot bat nya ibou ningai kin nipmisop gom ngat di Tamar ba, noni ne sop di ubbu ngat ri.

SAMUEL GI NICAN 4:5

Nibou tentara di Rekhab kin Baana dima ikiju biyuug ei Isyboset de ig bikwei krau mem mpia huk pijum hammi tirigi Isyboset bong kep ninghuisi mem mpia huk pijumti dima.

SAMUEL GI NICAN 4:7

Ba, icoi kikau ug ei Isyboset de ninsi di bongti tirigi bong mai leu su lene idat noni bimai ei nibongti. Leu api irop nitibou leu lene ittei bimbut tut ba, ibiya kak Mbang Briep Yordan kikau mem mmun jei dima.

AYUB 31:1

Diba neheng bipreu ei bipia miditou kep sop gwam nitta pilei nya nggilun bidingon pri kep yok bi sren.

MAZMUR 119:37

Anyohou da leu binhyepo duhuk bram mun di mipror yon au. Abindei ba, diyaijo dem igbit angon kanti.

NIPINGOK NINGONTI 19:15

Nnaba asindui sut no di nghen bibong mai hak ug. Noro jei bi ne ninggum minos noni.

NIPINGOK NINGONTI 31:30

Niimaisi di kei ne iba ingon com bi lene nuubbuti mipror yon noro sop di bit tuhan nihyet ne suar ma tungwatu nya ikon ninyenga.

NIPINGOK NINGONTI 6:25

Ma asindui sut ide nuubbuti ba, biyai angon di pri kep yok au. Ma asindui sut ide nikek niyaisi ba, brim angon au.

NIPINGOK NINGONTI 7:8

No dima ya-ya nyen ei simpak nahau yamti mem mpia jinjuisi biya sur sop hi nide dimbou huigya.

YEREMIA 19:13

Ig hagom ei minu ndig Yerusalem kin nibou ndig minu Yehuda nya ide ig kin ig di tungwatu nya indig biei nggrai di ui-gwang kei bak ham mpia-bbed him nya eisi ba, ibon midut nisiber ba anggur ningei bak kwar nya cem ei ninjek dip nya apino map kui hagomti noyam kin map kui Tofet.”

MATIUS 10:27

Mun di dimbot kep bije ei nidinditi lene ma jitri tut hanyen brei bak tungwatu nya. Ba, mun di tibim nyahan ei jitingou nsi lene ma jitri tut hanyen ei simpak nahau yamti!

MATIUS 24:17

Ma no di kui bigwam ei ig bou njek cem juk hanyen kwei noro coi ug ei ig bei biyai nide ndigban au.

MATIUS 5:28

Noro tini bu ne dipai bije bipia no di ningon pri kep sop hi ba, ningon bisau sut gima cut tut noni lene no dima bon sisar nicut tut sopti ei ningonti ba, ningon mui su.

KISAH 10:9

Njapti kui tirigi yo dima imbut biyuug krau puig sinon dideu minu ndig Yope lene Petrus kui bigwam ei ig bou njek dip hu kwei mem mpia huk pijum leu binhyepo ngat nadi.

NINDAT KEP TUHAN NICUKTI NYA 22:8

Gino jingot ig lene ma jijang jang ser ig ninjek dip ninghas him nya leu binhyepo gino bihi icut leu ig ninjek dip dima ba, imai lene nibuhunti micut igkep je bi.

NINDAT KEP TUHAN NICUKTI NYA 5:21

Harin dima jingon pri kep mun nyeng hi di jisut nyeng tut a. Nok nide ig di bong niti kin nide dihyei kin nitnem kin awak nide nya kin nide mindhe-ndhe nihyen kep nya kin nide keledai nya cem hagom.’

PETRUS GI NIGOM 4:7

Son dideu njap ningwig honti tu. Gima rino ma joom kep jingonti ba, jiyai ngkiem cem leu binhyepo bon nituti mem gima jingat nadi.

YOHANES GI NIGOM 2:16

Lewo mun nyeng hagom di ntun dihyeisi dini him kwei leu Icig Allah bi. Mun dima ne ningut kanti di kinei kin mun di kinei di tungwatu nya ingat ingwes eisi kin ingon jei sut mun di mipror yon hagom ri.

SAMUEL GI NIGOM 9:25

Niabiati ijuk kwei leu mpia di ikuk yok bak tuhan eisi lene Samuel nya indo nghim gom mem Saul ei ig bou ninjek dip,