SAMUEL GI NICAN 11:1 - ALLAH NIHYET MEM TUNGWATU NYA

¹ Nibou ndig nya ikinyon ei nikon pranti bit ide siceu nya ngan-ngan ei bed di biang hou ningwigsi. Ari bingwam dima lene Daud cuk Yoab kin yo di igya kui noni kin nide tentara nya yahagom biyuug kon pran bit mben Amon. Tirigi tentara Amon icut bak yoni tu lene Yoab nya yuug ei minu ndig Raba bigyon ttai minu dima. Noro Daud gwam ei minu ndig Yerusalem.

SAMUEL GI NICAN 11:1 ပူးပေါင်းရင်းမြစ်များ

SAMUEL GI NICAN 10:14

Tirigi mben Amon ingat lo, tentara Siria nya inang leu siceu yoho bei tu lene yoni cem inang leu Abisai nya yoho bei ba, itti kep inghim dip hanyen ug ei minu ndig nsi. Tirigi Yoab bindei timek tentara Amon leu su lene ngkwei hanyen ug ei minu ndig Yerusalem.

NIBOU NDIG NYA GI NIGOM 20:22

Lene Nabi pima kwei ngat Ahab hanyen bu bipai bak “Ma akinyon ei nitin ei ade tentara nyati ba, isindem bibor lene abikos tut puig di mungkun kei nya cem. Lewo nibou ndig mben Siria mikwei hanyen bihwen je bu mem bed di biang hou ningwigsi ei ari bingwam di nidipti bu yo.”

NIBOU NDIG NYA GI NIGOM 20:26

Noni nduk nide tentara nya mem bed di biang hou ningwigsi ei ari bingwam di nidipti bu leu api njei sut yok ug ei minu ndig Afek leu binhyepo ya tut yok bihwen mben Israel.

NIBOHON MBEN ISRAEL GI NIGOM 20:1

Nijam gi gwam nijam hou gi nidipti bu tirigi nibou ndig nya injei siceu bikon kep pran bit ide nitok joti nya lene Yoab njei sut nide tentara nya ba, coi hanjop Amon bihwen yok leu api igyai minu ndig Amon bigyati. Mpe dima lene Nibou Ndig Daud gwam kikau ei minu ndig Yerusalem leu ba, bit Yoab nya bi. Yoab ya tut nide tentara nya ba, igyon siceu ttai minu ndig Raba. Leu api Yoab de tentara nya ihwen timiei nya bibindei ba, minu ndig dima timek hak cem.

NIBOHON MBEN ISRAEL GI NICAN 36:10

Ug cut ari bingwam nikwas yamti lene Nibou Ndig Nebukadnezar kri Yoyakhin ug ei minu Babel leu api noni sima ei sirima. Lene Nebukadnezar ya kep ndigban di nibok kak ei tuhan De Ig nya hanyen bu bicat leu api mbut tut krebou-krebai. Leu api noni kon Zedekia di Yoyakhin nipmum kui bigwam nok nibou ndig ba, ninyeng tak kep timiei Yehuda nya kin timiei minu ndig Yerusalem.

MAZMUR 60:9

Dinyeng tut hanjop Gilead kin Manasye ba, Efraim ne Ditde topi yeng ngkuong ri. Yehuda ne Ditde tom di ndo tut dinyeng tak kep limwa nyati ri.

NIBA NINGON SRIP HUKTI 3:8

nituti mem ingon ngakei yam kin nituti mem ingon mpo tut yam cem ba, nituti mem ikon pran kin nituti mem ibong kei igwam kei cem.

YEREMIA 49:2

Noro tto bou dem leu api midibindei timiei minu Amon de minu ndig pmem Raba ba, imiap pran nigwei di bong yo. Minu ndig dima mitti sinsiou ba, hum yem minu mien ngot di jo ttai nya hagom bingwig. Leu api mben Israel igyai dihyei di ide hanyen leu yo di nipou igyai di igyati pima inda nsi.

YEREMIA 49:3

Je di mben Hesybon e, ma jipim lewo minu ndig Ai timek tu! Sop timiei minu ndig pmem Raba jen e, ma jipim kui jei! Ma jijuk sinsun kron di bindo tut jingon di ngguk. Ma jiba jingon tai-tai bou bittei yam kui-juk nyen. Siceu mikat jide Kwar Milkom bitut nide imam nya kin yo di igya kui nibou ndig ninyeng tak kepti nya yahagom bicom yok ei ingkiaisi!

YEHEZKIEL 21:20

Puig gi nigom bie ug ei mben Amon ide minu ndig nibousi Raba lene puig gi can bie ug ei minu ndig Yerusalem di bon tentara nibousi di igya coi nya.

AMOS 1:14

Gima rino midipinak hum di cig-cai ug ei ngug tig di bikrop ttai minu ndig Raba leu api hum dima miyem ide tentara nibousi di igya coi nya cem. Mpe di tentara nya ighyet sra tut pran ne pran dima dem kep nok sigau di cut a.

ZAKHARIA 14:3

Leu api tuhan mikiju bikon pran bit mben dima yok noyam kin gi kon pran bit yok ei nijam gi nipou cem.

NINDAT KEP TUHAN NICUKTI NYA 3:11

Mben Refaim ningwigsi rino Nibou Ndig Og nongkom. Iba tig di nijeisi meter bitai ba, ninyanti meter gom biniken bibon nide brua nimai bit leu nai di ice tut yam tut tu. Brua dima ningat rin ei mben Amon ide minu ndig Raba kikau kwei bipek ammani kep.)

SAMUEL GI NIGOM 18:30

Bikwop mpe dino tentara Filistin mikwei kon pran bit mben Israel lene Daud bindei timek yok bingwig dor njiriek nibou tentara Israel nindigsi di ikon pran bit yok nya. Apino Daud ninyeng jei bibor.