SAMUEL GI NICAN 10:18 - ALLAH NIHYET MEM TUNGWATU NYA

¹⁸ Noro mben Israel ihwen yok ba, tentara Siria nya isujou leu yoho bei ug. Lene Daud ya tut nide tentara nya ba, ihwen tentara di ikrau kroba pran kan ibou sratus muhwindacan bimai ba, tentara di ikui kuda kan nya ibou sribu nyatungwacan cem imai. Siceu ide nibou pran Sobakh cem bok buhun apino mai ei pran dimati.

SAMUEL GI NICAN 10:18 ပူးပေါင်းရင်းမြစ်များ

NIBOHON MBEN ISRAEL GI NIGOM 19:18

Tentara Israel ihwen yok ba, tentara Siria nya isujou leu yoho bei ug. Lene Daud ya tut nide tentara nya ba, ihwen tentara di ikrau kroba pran kan ibou sratus muhwindacan bimai ba, tentara nindigsi ibou sribu nyatungwacan cem itug ndei nimai. Siceu ide nibou pran di ninyeng Sobakh cem mai ei pran dimati.

MAZMUR 46:11

Noni ba nihyet bikak yok bipai “Jikes hon bijikon pran bu au. Ma jingon jo kep bipia Dani ne Allah rin ba, ngkiai nya yahagom inggei sut da. Tungwatu dihyeisi dini hagom ikon dinyeng bijo nai.”

MAZMUR 18:38

Diyon igkep ditde siceu nya bidibindei timek yok. Doom da leu pran bi bibou diya kep yok bingwig ug e.

SAMUEL GI NICAN 8:4

Mpe dima lene Daud kat tentara di iba kuda di ibikon pran kan nya ibou sribu gom sratus muhwindacan kin tentara di imbut imig ibou sribu nyatungwagom cem. Leu api Daud cuk nide tentara nya ba, ikos kuda dima yok imig kien ninggiluk noro sindui sut kuda poi di nimangti dem mem gima ikri kroba pran ningat sratus gom bigya.

NIJAM NIKEI NYA 5:26

Lene noni krau paku nibohok prak meng nindig ningat gom ei ninda nite hi ba, krau apak gom ei ninda nite hi bu. Noni ba apak bibui Sisera nijap ba, nem-nnai leu api ba paku pima bipek nimbiam bou.

NIJAM NIKEI NYA 4:22

Tirigi Barak tau kwei binggok ser Sisera lene Yael hei leu prak meng buug um noni lene pai bak “Akwei bidindo no di anggok ser dima bina.” Gima rino Barak coi bit noni ug ei prak meng nsi bingat lo, Sisera mai ei nibongti ba, paku pima tibim nimbiam bouti kikau bindei dihyei.

NIJAM NIKEI NYA 4:2

Gima rino Noni sindui sut yok leu api icut bak Yabin di nibou ndig minu Kanaan di ninyeng tak kep ei Hazor. Nide nibou tentara ninyeng Sisera di bong ei Haroset-Hagoyim.

SAMUEL GI NICAN 10:17

Hammi tirigi Daud miap tut gima rino nduk tentara Israel yahagom bidem yam. Leu api injei bisigon Minyei Yordan biyuug dihip ei nite hi haninyai ba, yuug ei Helam. Mben Siria idimig ide tentara nya ei sirima leu api injei bicut igkep Daud de tentara nya.

NIBOU NDIG NYA GI NIGOM 11:24

Nibou Ndig Daud bindei timek Hadadezer dini nipou pini jug biyai nimai bak Hadadezer nisut bat di mben Siria nya cem tu. Mpe dima lene Rezon nang leu Hadadezer lene nduk nimpung niyok nisinsiou eisi cig nya ba, ibicom yam bit noni bindo noni nok nibou mem yok. Noni ya tut yok biyuug ei Damsyik lene ibibong cem ei minu ndig dima leu api nide limwa nya ikon noni binok nibou ndig di ninyeng tak kep mben Siria.

MAZMUR 68:2

Allah kiju lene bindei ntek gimahap Nide siceu nya. Yo di ikinei sut Noni inang leu Noho bei.