SAMUEL GI NICAN 10:12 - ALLAH NIHYET MEM TUNGWATU NYA

¹² Akwei ba, siba mimbri di kui singkek biya ngkiem! Sikon pran gau side mben Israel kin side Allah de minu ndig nya cem. Nna ba tuhan mibon mun bit leu Nonti ningon kanti hak ug.”

SAMUEL GI NICAN 10:12 ပူးပေါင်းရင်းမြစ်များ

SAMUEL GI NICAN 10:11

Lene Yoab pai bak nikijoi “Gino dihwen tentara Siria lo, ide nisindemti om kep da lene ma akwei mpu da. Nok gima cem gino ahwen tentara Amon nya lo, ide nisindemti om kep na lene midihwou mpu na.

SAMUEL GI NICAN 15:26

Ne gino Noni joi sut da bi lene handei kon ba, Noni bibon da bit leu ningon kanti hak ug.”

NIBOHON MBEN ISRAEL GI NIGOM 19:13

Akwei ba, siba mimbri di kui singkek biya ngkiem! Sikon pran gau side mben Israel kin side Allah de minu ndig nya cem. Handei kon ba, tuhan mibon mun bit leu Nonti ningon kanti hak ug.”

NIBOHON MBEN ISRAEL GI NICAN 32:7

“Ma mimbri kui jingkek ba, jingon nddong kei. Ma jidigit tut nibou ndig mben Asyur kin nide tentara nya au. Nisindemti di ningat rin bit nyeni nindig bibor dor njiriek nisindemti di ningat rin bit noni.

NEHEMIA 4:14

Tirigi dingat lo, limwa nya ingon bos-bos nyen lene dipai biyok kin ide nibou nya “Ma jittin tut ide siceu nya au. Jiyok ngon kep bipia Tuhan sindem bibor lene ma jibrim jingkek bijinyohou jisut bat timiei minu dini kin jimunggwom bat nya kin jitnem bat nya yahagom bitut ig jide nya cem hagom.”

NEHEMIA 4:8

Gima rino yahagom yuhum yam nsi ba, ipi bihwen minu ndig Yerusalem ba, ibinggek nye.

ESTER 4:16

“Anduk limwa Yahudi di ingat rin ei minu ndig pmem Susan dini yahagom bidem yam lene ma jingat nadi tindei da. Ma jiyem njita kin jidut ndia ngei bi ei ninsi njap nitindur ningai. Dani cem midiya tut ditde awak sop gwam nitta pilei di inyohou dani ba, niyem njita ba, nidut ndia ngei cem bi. Nyeni igyai nok gima nipou leu api duug ngat nibou ndig. Mbro nok gino ditunggwei sut nicuk nyeti pima lo, nna ug. Gino suar dimai drek dip ditunggweisi dima lene midimai hak ug.”

AYUB 1:21

lene pai “Tirigi dipmem gwam tut da ne dehei he. Mpe dino dimai lene midehei he. tuhan yai bida leu api Noni yai hagom bingwig hanyen leu da tu. Handei kon ba, tungwatu nya inggei sut ninyenga!”

MBEN ISRAEL IMBUT-MBUT NYEN 13:20

Ma jingon nddong ba, jita jibou eisi. Ma jinggok tut gino minu dima bon ninnumti kin baham nitindurti nindig bibor e? Ma jiyok ngon kep bipia nogindia son dideu nijam ba anggur ngat nimbie him ri. Gima rino ma jipuk biei ngat poi mien ba, jikwei sut.”

KORINTUS GI NIGOM 16:13

Ma jiyai ngkiem bijiba jingon di nddong bingon jo kep Kristus ningginausi nya. Ma jiba jingon di nddong biyai jibou tut yo di itte tut je lene ma jiyai nisindemti.

NINDAT KEP TUHAN NICUKTI NYA 31:6

Suar jita jibou eisi bijibrim jingkek ba, jittin tut yok au. Lewo tuhan di nok jide Allah misindem tut je. Noni mikes je ei bibindei ba, jingon pus tut Noni bi sren.”

NINDAT KEP TUHAN NICUKTI NYA 31:7

Lene Musa hig Yosua kwei bicuk noni ei mben Israel yahagom yoho bei bipai “Ma ata abou eisi ba, abrim angkek lewo nani ne no di mibie tut yo dini tirigi icoi ug ei minu di tuhan preu ei mem idigup bat-idigai bat nya bibong kep ri.

IBRANI 11:33

Niba ningon comti bindei ba, yo dima ikon pran bit nibou ndig nya bitut tentara nya bibindei ba, nibou ndig nya icut biyok. Ide nikon pranti dima ne igbit rin lewo iba ingon com Allah De nipreu ei mem yokti. Gima cem itak kep ser singa nya yuhui ba,

IBRANI 13:6

Gima rino ma jikwei bibrim ingkek bipai “Tuhan ne No di mpu sa rin ba, sittin tut mun-mun hi bi. Tungwatu nya mibon ndei sa i?”

YOSUA 1:18

Minikes hukum nimai bikwop ei tungwa tou rino srep tut na ba, njiriek acuk noti nya hagom. Ma abindei ba, angon nddong ba, abrim angkek hak ug!”

YOSUA 1:9

Ma ayok ngon kep Ditde nicuk nati pima leu binhyepo angon nddong ba, abrim angkek! Ma attin tut ba, angon pus tut au. Lewo Da di tuhan dinok ade Allah ba, midingat rin bit na bidem ambutti nya hagom.”

NIJAM NIKEI NYA 10:15

Noro mben Israel ipai bak “tuhan e, nyeni nibon sisar tu. Ba, abon igbit angon kanti mem nyeni hak ug lo, ma ampu nye mem nijam dini!”

SAMUEL GI NIGOM 14:12

Lene ihig Yonatan kin pinai pilei pima kwei bipai “Jikui kwei ndam nye ei sirini leu binhyepo nindo mun nyeng gom bije.” Lene Yonatan pai bak pinai pilei pima “Abit da ba, simbut ri. Lewo tuhan yai nisindemti bisa apino yo dima micut bak nye di mben Israel.”

SAMUEL GI NIGOM 14:6

Lene Yonatan pai bak pinai pilei pima “Akwei ba, suug ei mben Filistin ide prak meng yati. Yoni ikuk yok bak Allah bi. Mpaba tuhan mimpu sa lewo Noni sindem mem gima bindei ba, side siceu nya micut tug hon tentara di imang bibor kin tentara di ibou poi he cem.”

SAMUEL GI NIGOM 17:32

Lene Daud pai bak Saul “Andigpoi e, ma ade limwa nya ittin tut mben Filistin dima au! Ditin ei mem gima dihwen noni.”

SAMUEL GI NIGOM 3:18

Gima rino Samuel pai sut hagom brei bak Eli biku mun nyeng gom ei ningonti bi. Leu api Eli pai “Noni ne tuhan rin ba, miyai hagom bit leu Nonti ningon kanti mem nye.”

SAMUEL GI NIGOM 4:9

Je di mben Filistin e, ma jibrim jingkek ba, jikon pran bit yok sindem bibor. Gi bi lene nyeni yahagom minok awak mem mben Ibrani bit leu nok yoni inok awak mem nye nipou pima. Ma jibrim jingkek ba, jikon pran bit yok sindem bibor!”