SAMUEL GI NICAN 1:2 - ALLAH NIHYET MEM TUNGWATU NYA

² Njap di hyep bu lene pinjoi pilei gom tau kwei leu tentara Saul ide prak meng yati. Noni bindei ba, nide sinsun rik-ta bikes dihyei ndung ei nibou nggram him nok bindo tut ningon di ngguk bibor. Noni kwei ngat Daud lene kuk no biba ningwak bikik dihyei ei nimig him.

SAMUEL GI NICAN 1:2 ပူးပေါင်းရင်းမြစ်များ

SAMUEL GI NIGOM 4:12

Lene tungwagom di nimbier kim keret Benyamin dor kikau kwei leu mpia po tentara ikon pran bit yam pima bikwei krau Silo ei njap gom ndia. Lene noni rik nide sinsun birik-ta bikam dihyei ei nibou nggram him nok bindo bipia ningon ngguk bibor.

SAMUEL GI NICAN 4:10

Tirigi po dingat rin ei Ziklag pima lene hi pai sut Saul nimaisi bida lene no dima kan bipia noni ttei nihyet di kei rikwei sut dima. Noro dikat noni lene diyai nimai bak cem. Gima ne nimuhup di dibirop binoni tut gi po kwei pai sut Saul nimaisi bida pima ri.

SAMUEL GI NIGOM 25:23

Tirigi Abigail ngat Daud lene kinyon haninyai leu nide keledai lene kuk no biba ningwak bikik dihyei ei Daud nimig him,

YOSUA 7:6

Lene Yosua kin nibou Israel nindigsi nya ingon ngguk bibor apino irik ide sinsun rok yo him drek dip leu api ikuk yok biba ingwak bikik dihyei ei bei tuhan De Brua Gi Preu nuhui him mem njap jei dima kikau bimmun kep ba, ikam atriem bigimahap ei ibousi nok bindo tut ingon di ngguk cem.

NINGAT-HI-NGAT NYA 3:9

Jimiap e, midibindei nimpung Bilis de limwa nya di iris-ris nyen di ipai sut yonti bipia yoni ne mben Yahudi rin dima yok bikwei kuk yok ei jimig him. Mijo nibreisi mem yok bipia dingon ngakei je.

MATIUS 16:21

Leu mpe dima bikui ne Yesus kindi pai brei bak yo di igya kui Noni “Suar Da duug ei Yerusalem leu api nibou mben Yahudi nya kin imam nindig nya kin guru Puig Yahudi nicukti nya migyai ninghuisi wei biDa leu api mijem nimai gau Da noro njap ningai bu lene midikiju hanyen leu dimai eisi.”

MATIUS 12:40

Yunus bong ei wau ndig ninghopti mem mmun-njap ningai. Nok gima cem tut Munggwom Tungwatu Nipmot. Noni mibong ei dihyei jou mem mmun-njap ningai.

YOEL 2:13

Ma jiba jingon di nggriu-nggrop bindo tut gi jittin ser jide sisar leu gino jirik jide sinsun ei je him he ne dem mem bi.” Ma jingkwei hanyen ndam tuhan di nok jide Allah. Ningon jo nyahan ba, ngondut je biningon nggriu sut je cem. Noni tin ei mem gima kos ser tungwatu nya ide sisar bikou sut gi kes hukum ei yok dip.

HOSEA 6:2

Noni miwin nyeni hanyen mem njap can ningai bu e, leu api igwam coi Noni hanyen bu.

MAZMUR 66:3

Jipai bak Allah “Abon munti bibon ninggap leusi nijit-jau a! Ade nisindem biborti mipbor ngat. Gima rino Ade siceu nya iba ingwak bikik dihyei ba, idigit tut Na bibor.

ESTER 5:1

Ug ei njap gi niningai ei njap di niyem njita ba, nidut ndia ngei bi pima rino Ester juk nide sinsun sop nibou ndig leu api ug ngat nibou ndig ei ninsi di jo bas hak di iba ngug tig bikrop ttai ma kwei. Mpe dima lene nibou ndig no gwam kui nide banggo mbrei di birok kik dimbou hui.

ESTER 4:16

“Anduk limwa Yahudi di ingat rin ei minu ndig pmem Susan dini yahagom bidem yam lene ma jingat nadi tindei da. Ma jiyem njita kin jidut ndia ngei bi ei ninsi njap nitindur ningai. Dani cem midiya tut ditde awak sop gwam nitta pilei di inyohou dani ba, niyem njita ba, nidut ndia ngei cem bi. Nyeni igyai nok gima nipou leu api duug ngat nibou ndig. Mbro nok gino ditunggwei sut nicuk nyeti pima lo, nna ug. Gino suar dimai drek dip ditunggweisi dima lene midimai hak ug.”

SAMUEL GI NICAN 15:32

Daud kui ug ei mbigdip dima ei mpia ttou nsi gom di tungwatu nya ikuk yok kigkep bak tuhan eisi tu lene nisut Husai di mben Arki di Daud ba ningon com ya um noni ei sirima. Nide sinsun rik-ta ba, dihyei ndung hi jo ei nibou nggram him.

SAMUEL GI NICAN 14:4

Lene sop dima kiju buug ngat nibou ndig lene kuk no biba nibiau bicom mpia lene ba ningwak bikik dihyei ei nibou ndig noho bei bipai bak “Na di Andigpoi di Anyeng Jei e, ma ampu ade awak di dani o!”

SAMUEL GI NIGOM 20:41

Niabiati tirigi mot dima ug leu su lene Daud kiju leu niku no ei tig nggreti pima biba nibiau bicom mpia lene ba ningwak bikik dihyei mbiningai. Lene noni kin Yonatan inggriou yam ba, imei-mei nyen yam cem iba igyai nggwei di kibor nindig bibor bipim lo, Daud ningon ngguk biborti nindig dor njiriek Yonatan.

SAMUEL GI NIGOM 4:16

Lene no dima pai bak “Dingwes ngun leu pranti dima bididor kikau kwei njap di ammani.” Lene Eli hig ser noni “Dipmot ndia ug o, mindei cut igkep je i?”

NITRITI 43:28

Lene ibuhup “I, ade awak andigpoi di nyeni nicig no niyaisi jo yo ba, noni nok gi kei cem.” Lene ikuk yok binoni ba, iba ingwak bikik mpia.

NITRITI 37:34

Apino Yakub ningon ngguk bibor birik nide sinsun rok him bijuk sinsun kron drek dip nipmot ba, ningon di ngguk dima jo kikau ei njap mang.

NITRITI 37:29

Tirigi Ruben tau kwei leu nimbutti bingat ser jui nsi hanyen lo, ngat Yusuf ningat rin eisi bi lene ba ningon di ngguk bibor birik nide sinsun rok him drek dip nikinjoi.

NITRITI 22:4

Njap ningai bu rino Abraham cap ser mpia dima bingat mbigdip pima ei minu ting.

SAMUEL GI NICAN 1:3

Lene Daud hig ser noni “Akwei leu hantou i?” Leu api no dima buhup “Dingwes ngun leu tentara Israel ide prak meng yati.”

YEHEZKIEL 27:30

Ibipim tut mun di cut igkep nani lene iba ingon di ngguk bibor binso-nso nyen bipim nggruet cem. Ikam dihyei ndung bibigimahap ibou nggram him ba, irim bitoi atriem cem nok bindo tut ide ningon nggukti.

SAMUEL GI NICAN 13:19

Lene Tamar kam dihyei ndung ei nibousi birik sinsun ndok di juk dima cem. Noni ba ninda hacem bitak kep ser niimaisi lene ba ningon di ngguk bibor bipim kak nimbutti.

SAMUEL GI NICAN 24:20

Tirigi Arauna su nibou bisuskui nimo jug lene ngat lo, nibou ndig kin yo di ibit nya ikui bidideu kwei su. Lene Arauna kuk no biba ningwak bikik dihyei ei nibou ndig noho bei bihig ser,