ROMA 9:4 - ALLAH NIHYET MEM TUNGWATU NYA

⁴ Yoni ripo intun mben Israel him tug hon Allah nidimig yok eisi ba, inok Nide limwa nya cem. Noni nek yok nok nipmot bat nya bindo nisindemti biyok cem. Allah kin yoni ipreu ei mem yam tug hon Puig Yahudi niggai serti ba, ikan tut nisinati mem gima ikuk yok biNoni mungkun kei cem. Igyai Nide nipreu ei mem yokti leu Noni ba,

ROMA 9:4 ပူးပေါင်းရင်းမြစ်များ

NITRITI 15:18

Mpe dima lene tuhan preu ei bit Abram bipai “Dipreu ei mem ade nintun him yamti di bram yam nya bipia mporo midipek minu dini hagom biyok binok ide hanjop nsi. Hanjop nsi dini ninyanti leu minu Mesir nikwas yamti kikau ug bipek Minyei Efrat.

NITRITI 17:10

Suar nani kin ade nintun him yamti di pinai nya di bram yam nya yahagom igyai nibon midut sunat.

NITRITI 17:2

Midibon gi preu bit nani. Midibindei ba, ade nintun him yamti di bram yam nya imang bibor.”

NITRITI 17:7

Dani midiyai bipek kep gi preu po di dipreu ei bit nani kin ade nintun him yamti di bram yam nya cem ba, gima ne gi preu di ngkiem bibor bijo ninno bijo kikau ri. Midinok ade Allah kin yo di intun nani him cem ide Allah.

NITRITI 32:28

Lene no dima pai “Anyeng rino Yakub bu bi. Adahat kukwei Allah kin tungwatu nya cem ba, abindei timek yok tu. Gima rino suar ijem anyeng Israel bu.”

NIBOU NDIG NYA GI NIGOM 8:11

Leu api tuhan de nikei-kau-keisi piga bumbuhui dimati bibindei ba, bit bon imam nya icoi hanyen bibon midut nya kan bi.

NEHEMIA 13:29

Lene dingat nadi “Ditde Allah e, ayok ngon kep imam dima yok di ibindei ba, map kui midyai imam nya ideti kin Ade gi preu po apreu ei tug hon yoni kin Lewi nya pima.”

MAZMUR 147:19

Noni tri tut Nide nisok kep yokti bak Nide limwa nya bisok tut nimbrap tutti kin niggai serti nya bak Nide limwa di dimig yok ei su nya.

MAZMUR 63:2

Allah e, dikuk da biNangkom ba, diyok dingon mem Nani cem. Dinggobiau sut Na noyam kin dihyei ngoisi di nggobiau sut minyei.

MAZMUR 73:1

Doia Asaf. Igbit ri! Allah ningon singat tut Nide limwa Israel kin yo di ingon kwes kin yo di ingon gom.

MAZMUR 78:61

Noni sindui sut ba, Nide siceu nya ipos Nide Brua Gi Preu di bindo tut Nide nikei-kau-keisi leu nijoti.

MAZMUR 89:3

Dikan tut bipia angon ngakei nyeti jo gingga ba, angon gomti cem mijo ninghig-niker eisi rin dem kep nok mpia-bbed him.

MAZMUR 89:34

Noro midingon ngakei Daud bidingon gom tut noni bijo ninno bijo kikau.

MAZMUR 90:16

Ma asindui sut ba, Ade awak di nyeni ningat ayai munti di bibon ninggap leusi bou nyeni niyai him ba, nyende nintun him yamti di bram yam nya cem ingat Ade nisindemti di mindur brei bou igyai him.

NEHEI LEUSI 12:25

Gino juug krau minu di tuhan preu ei mem je tu lene jibon midut dini ei sirima cem.

NEHEI LEUSI 34:27

Lene tuhan pai bak Musa “Ma apas kep Ditde nicukti dima yok hagom lewo midita mun di dipreu ei mem na kin mben Israel yahagom pima ei nicukti dimati.”

NEHEI LEUSI 4:22

Lene asok kep noni bipia Da di tuhan disimbot dat bipia Israel ne dimunggwom mighumbou ri.

NEHEI LEUSI 40:34

Lene bumbuhui pima juk kwei binggai kep tuhan de Prak Meng leu api tuhan de nikei-kau-keisi piga ei Prak Meng nsi.

YESAYA 41:8

Noro je di mben Israel e, jinok Ditde awak nya ba, didimig je ei nok Ditde limwa nya tug hon gi jintun Abraham di disut him.

YESAYA 46:3

Je di jintun Yakub him kin Ditde limwa nindigsi nya jahagom e, ma jingig jitingou mem dihyet. Dinyohou je habiei tirigi sindi jisrek kikau kwei bipek ammani kep tu.

YESAYA 5:2

Noni kkin dihyei bibon beden lene com tig hagom leu leu api ta anggur nikioi di kei bibor eisi. Noni hok ig jibei gom ser mpia dima bibon ba, gom mem gima ibikimut anggur ngei eisi. Lene noni bet ningon mem nijam di ba anggur dima ngat ningat. Noro mpe dino noni puk ningat ne ngat lo, hagom hyenha bibor.

YESAYA 60:19

Mpe dima lene asuar mpia njap di com mem njap kin bed mmun di com mem mmun bu bi. Lewo Da di tuhan ne nipigati dijo ninno jo kikau mem na ri. Ditde nikei-kau-keisi mipiga digai na.

YEREMIA 31:20

Na di Israel e, anok dipmot di dingondut kin dingon kieti kin dingon him cem. Bikwop mpe dino dikon dihyet kep na lene diyok ngon kep na ba, dingon ya mem na. Midiba ningon nggriu bibon na.

YEREMIA 31:33

Noro tini bu ne dipreu ei mem mben Israel nok gini. Dipwoi Ditde niggai serti nya ei ibou ngwakti bidipas kep dicukti nya ei ingonti. Dinok ide Allah lene yoni inok Ditde limwa nya.

YEREMIA 31:9

Igyai nggwei kibor kak puig sinon. Midiwin kep ingonti ba, dibuwak yok kwei cem. Midibie tut yok ug ei mpia di bon minyei nggram nya mang bibor bimbut kak puig di sur yam kei di ikinoi kan bi. Dibon Danti bidinok mben Israel icig ba, Efraim ne dipmot mighumbou ri.”

YEHEZKIEL 1:28

Mun dima bon nisieng hi gom hi gom di noyam kin pwet. Nipigati di jimjit dima ndo tut tuhan di ningat rin ei sirima. Tirigi dingat gini bou diyai him lene dikuk da bidiba dingwak bikik dihyei. Lene nihyet gom hig da,

HOSEA 11:1

tuhan pai a “Dingondut Israel habiei nimien yo ba, dihig dimunggwom dima kwei leu minu Mesir.

MBEN ISRAEL IMBUT-MBUT NYEN 7:89

Bikwop mpe di Musa coi ug ei tuhan De Prak Meng nsi bimbrap bit tuhan lene noni miap tuhan nihyet di tibim kwei leu Brua Gi Preu nibeng dip ei kerub cin ikieti.

MATIUS 21:33

Yesus pai biyok “Dipai dihyet nibiti nindati gom kin bu bije. Mpe di gom ne miai ceu gom ug yai midyai ei ba anggur kioisi leu api bon ngug ser ba, heu huk nindig bibor mem gima pot ba anggur ningei eisi. Lene hok ig jibei cem ser. Hagom put tu lene noni ndo midyai dima bak yo di inyohou ba anggur kan ba, ibitug ndei imuhup leu api noni mbut ug ei minu ting leu.

YOHANES 1:17

Ide Tuhan yai nicukti binye tug hon Musa noro ndo nisingat tut nyeti kin Allah de ningon gomti brei binye tug hon Yesus Kristus.

YOHANES 1:47

Yesus ngat Natanael di kwei ndam Noni lene pai sut noni “Jingat i! No dini ne mben Israel ningat-ngat rin ba, niris mun bak tungwatu nya jo ei Noniti bi.”

KISAH 2:39

Lewo Allah nipreu eisi dima mem jeni kin yo di intun jeni him kin yo di minu ting nya cem bibikwop tungwa tou rino Tuhan di nok nyeni ide Allah mihig ndam Nonti.”

ROMA 3:2

I! Mun dima yok mpu mben Yahudi nindig bibor! Nimbie him ne Allah ba ningon com yok tut Nonti Nihyet di yai biyok tu.

ROMA 8:15

Lewo Allah Ninnei di Allah yai bije bibon je tereu nok awak leu dima jiyaijo ei ningon di ttinti bi. Noro Ninnei bindei jeni bijinok Allah nimunggwom bat nya. Apino bikwop nyeni iba Allah Ninnei nisindemti bihig Allah nok Icig bipai “Arig e! Arig e!”

ROMA 9:6

Dipi bidipai bije bipia Allah nipreu ei mem Nide limwa nyati cut bi. Noro ningat ne mben Israel yahagom inok Nide limwa di Noni dimig ei su nya bi.

KORINTUS GI NICAN 11:22

Apo yoni ne timiei Ibrani rin e? Dani cem timiei Ibrani. Apo yoni ne timiei mben Israel rin e? Dani cem timiei mben Israel. Apo yoni intun Abraham him e? Dani cem dintun Abraham him.

GALATIA 3:16

Allah preu ei mem Abraham kin no di ntun noni him cem. Bit leu nok gi ipas ei Allah nihyetti “Mem yo di intun Abraham him” bi. Gi nok lene gima bitut imang bibor. Noro bit leu nok gi ipas ei Allah nihyetti “Mem No di ntun noni him.” Nipasti dima ndo tut tungwagom he ba, No dima ne Kristus ri.

EFESUS 2:12

Mpe dima lene jinok gom kin Kristus bi. Jeni ne ngkiai nya di inggre kin Allah de limwa nya bi ri. Jipriet kin gi preu di Allah ba neheng bipreu ei mem Nide limwa nya cem bi. Leu gi po jiyaijo ei dihyeisi dini lo, jingon cut leu mun di jiyok jingon mem bijiba jingon srip huk tut Allah bi.

NINDAT KEP TUHAN NICUKTI NYA 14:1

“Jeni ne tuhan Allah de limwa nya ri. Gima rino mpe di jingon ngguk tut nimai lene harin dima jidigo jingkek dip ba, jikak jibou nta bei jingwak dip leu cem noyam kin ngkiai nya igyai kepti a.

NINDAT KEP TUHAN NICUKTI NYA 29:1

Gini ne nicuk yokti nya di Musa tri tut bak mben Israel ei minu Moab leu binhyepo igyai hagom bit leu tuhan nipreu ei mem yoti ri. Gi preu dini bikum ei gi preu di tuhan bon bit yok ei Nungug Sinai.

NINDAT KEP TUHAN NICUKTI NYA 29:14

tuhan bon gi preu kin nicukti nya dini hagom mem jeni he bi.

NINDAT KEP TUHAN NICUKTI NYA 31:16

Lene Noni pai bak Musa “Jei bi lene ayaijo ngwig hon ug ri. Niabiati amai leu mben Israel tu lene yoni ingon gom tut Da bu bi leu api ikrau kep mun po dipreu ei mem yok pima bu bi ri. Yoni mikes Da ei leu api mikuk yok bak nung nya di ingat rin ei minu di sindi icoi bibong kep dima ug ri.

NINDAT KEP TUHAN NICUKTI NYA 4:13

Mpe dima ne Noni tri tut mun di suar jiyai kep nya leu binhyepo jibit mun po Noni preu kep je tut pima. Ma jibit Nicukti Simnai di Noni pas ei tig mma canti tu pima.

NINDAT KEP TUHAN NICUKTI NYA 7:6

Ma jiyai gini hagom igbit lewo tuhan di nok jide Allah ninyeng tak kep je. Noni dimig je leu mben dihyeisi dini hagom leu binhyepo jinok Nide mben di ningon kieti.

IBRANI 9:1

Gi preu nitimiei bon nide nidimig sutti mem yo di ikuk yok bak Allah lene bon nide ig di tungwatu nya ibon bou inda him mem ikuk yok eisi cem.

IBRANI 9:10

Mun dima yok hagom bindo tut mun di pror yon nok njita di igyem kin ndia ngei di idut kin nidimig sutti tut nipiap nindati kin nipiap njitati cem. Nidimig sutti dima yok hagom mbut kikau bi noro mipror yon mpe dino Allah bindei mun nyeng hagom nijep bu.

IBRANI 9:3

Allah De Ninsi Di Kwes-Kwau jo nding ei ninsi gi nican ei ban mbrawin nite dima kwei.

IBRANI 9:5

Kerub di bindo bipia Allah ningat rin ei mpia dima ningat can ikieng inyehei gau Brua nibeng di nok mpia ttou nsi mem gima Allah kos ser ide sisar eisi. Noro nituti dem mem dimbot kep tut mun di bitut gima hagom bije bi.

IBRANI 9:6

Itin ei mun dima yok hagom ei bijo nijoti leu api imam nya icoi ug ei Ninsi Di Kwes di icoi eisi bikwop njap-njap leu binhyepo igyai kep ide midyai nya eisi.