ROMA 9:3 - ALLAH NIHYET MEM TUNGWATU NYA

³ drek dip disut bat di ditig mbier tut yok nya. Lewo danti dijoi sut Allah sigion da bimbres da leu Kristus mem yoni.

ROMA 9:3 ပူးပေါင်းရင်းမြစ်များ

NITRITI 29:14

lene Laban pai “Jit-jit! Jo nibreisi bipia sani ne sa di pung gom ri.” Leu api Yakub bong bit ei ninsi bed gom.

SAMUEL GI NICAN 18:33

Nibou ndig miap nihyet lene ningon ngguk nindig bibor. Noni kui ug ei nghim nsi di jo nai dimbou hui pima lene pim kui jei sut biniyai nggwei kibor nindig bibor. Tirigi noni kui lin lene pim ba, bikiek-kiek nyen bipai “Ayo dipmot ndia ug o! Dipmot Absalom o! Absalom dipmot ndia ug o! Gi kei rima danti dimai luei ahoti o! Dipmot Absalom dipmot ndia ug o!”

ESTER 8:6

Dem tut gima ade awak di dani dingat ade limwa nya ei ade ninyeng tak kepti dini icok tut ditde mben bitut yo di imbier kim da ba, imai sinsiou ei bi.”

NEHEI LEUSI 32:32

Ma aom angon tut yok ba, akos ser ide sisar. Gi bi lene adip tut dinyeng leu Ade daptar di apas kep Ade limwa nya inyeng eisi hak ug.”

KISAH 13:26

Disut bat je di jintun Abraham him kin je di nindigsi di jikuk je bak Allah e, Allah sok nihyet tut niteu leu sisarti kin niyaijo nijep kwei bak nyeni yahagom.

KISAH 22:5

Dem tut gima Imam Nibou Ndig kin Nikei Puig Yahudi Nya cem itri tut bije bipia diris bije bi. Yoni ipas srat nisindemti bak isut bat mben Yahudi ei minu ndig Damsyik bikes ei dindati. Tug hon srat dima lene nibou dima yok isindui sut bidikat yo di ingon jo kep ningginausi nijep dima bidibuwak yok hanyen kwei ei minu ndig Yerusalem leu binhyepo nibou nya ikes hukum ei yok dip.”

KISAH 28:21

Lene mben Yahudi dima yok ibuhup “Niyai srat hi leu nibou nya ei Yudea tut na bigyo. Nisut hi kwei pui sut nani binye bigyo ba, hi kin kep anghapti cem binye bigyo.

ROMA 1:3

Nihyet Di Kei dima pui sut Allah Nipmot bipia Noni ne ide Tuhan Yesus Kristus ri. Tut Yesus ningut ne Nide pung kim Daud,

ROMA 11:1

Dihig ser je tut mun nyeng gom kin bu. Allah com Nide limwa nya bihigom tu e? E bi! Dani ne timiei minu Israel gom rin bidintun Abraham him ba, dimbier kim keret Benyamin.

ROMA 11:14

Mpaba dibiyai dide bat mben Yahudi ibou dut tug hon nisinati di bihi igyai niteu leu sisarti kin niyaijo nijep.

ROMA 16:11

Dipigo Herodion di ntun mben Yahudi him. Dipigo disut bat yo di ingon jo kep nya di intun Narkisus him cem.

ROMA 16:21

Timotius di dingon kieti pigo jahagom ba, Lukius kin Yason kin Sosipater di intun mben Yahudi him ipigo jahagom.

ROMA 16:7

Dipigo Andronikus kin Yunias di intun mben Yahudi him noyam kin da di isima ei ig bui nsi bit da. Yo cin dini iba ingon com Kristus bibie leu da. Ba, yo di mbusyamei ijoi sut yok drek dip ide nibrim ingkek bitri tut Nihyet Di Keisi.

ROMA 9:2

dingon buhun ba, dingon ngguk bibor cem,

KORINTUS GI NIGOM 12:3

Suar jiyok ngon kep bipia gino Allah Ninnei bie tut tungwagom lene bit bon noni rom nihyet kui Yesus kan bi. Ba, gino Allah Ninnei bie tut tungwagom bi lene bit bon noni pai “Yesus ne Tuhan rin” kan bi.

KORINTUS GI NIGOM 16:22

Ma Allah sigion no di ningon ngakei Tuhan bi! Maranatha! Tuhan e, ma akwei hanyen!

KORINTUS GI NICAN 12:15

Gima rino ditin ei mem diba dingon di llei bikwas mun di dimbun nya hagom tut je bidikes danti njem cem ei mem je. Gino dingon ngakei je nok gima ne dem tut gima jingon hou ser da drek dip e?

GALATIA 1:8

Gino dani kin malaikati leu gwamti cem bitut tungwa tou rino tri tut nihyet di kei hiter di simbrep tut Nihyet Di Kei di ditri tut bije nipou su lene ma Allah sigion noni!

GALATIA 1:9

Nok gi disok kep je nipou su ba, tini bu ne disok kep je mbigom kin bu bipia gino tungwa hi tri tut nihyet di kei hiter di simbrep tut Nihyet Di Kei di jiyai leu nyeni ba, jingon jo kep tu lene ma Allah sigion noni!

GALATIA 3:10

Allah sigion yo di iba ingon com bipia igyai ingon di kwes kin Noni tug hon gino ibit Puig Yahudi niggai serti nya yahagom. Bit leu nok gi ipas ei Allah nihyetti “Tungwa tou rino ba ningon di gom bibit Puig Yahudi niggai serti kikau bi ne Allah sigion no dima.”

GALATIA 3:13

Noro Kristus kwek nye leu Puig Yahudi niggai serti nisigion nyeti tug hon mpe di po Nonti sindui sut ba, biang nisigion Nonti luei nye. Bit leu nok gi ipas ei Allah nihyetti “Tungwa tou rino yai hukum nimai ei biei salibti tug ndei Allah de nisigion noti.”

EFESUS 6:5

Awak jen! Ma jibit jiceu bat dihyeisi dini nya ide nicukti nya. Ma jikon inyeng bijingon gom tut yok tereu nok gi jingon gom tut Kristus.

NINDAT KEP TUHAN NICUKTI NYA 21:23

lene ma jisindui sut nimai ngut dima bijo ei sirima mmun jei dima au. Noro suar jitig ei njap dima cem. Nimai ngut di ipindur ei cou him bindei ba, Allah misigion minu dima drek dip. Gima rino ma jitig nimai ngut dima leu binhyepo jibindei map kui minu di tuhan Allah miyai bije bi.

SAMUEL GI NIGOM 14:24

Njap dima ne tentara Israel yahagom inggum bibor lewo Saul cuk yok tug hon neheng bipai “No di yem njita nipou tirigi dihwen ditde siceu nya bingwig bigyo mitug ndei nisigion noti.” Gima rino nide tentara nya igyem njita hi ei njap jei dima bi.

SAMUEL GI NIGOM 14:44

Lene Saul pai binoni “Gino atug ndei hukum nimai mem njap di ammani bi lene handei kon ba, Allah kes hukum ei da dip hak ug!”