ROMA 9:20 - ALLAH NIHYET MEM TUNGWATU NYA

²⁰ He disut na e, nani ne tungwatu dihyeisi dini he ri! Ma ahap aji ba, abirop Allah nihyet au! Ma dibijig hig ser nibon dibijig cig “Nggon rino abon da bou anda him nok gini i?” E bi!

ROMA 9:20 ပူးပေါင်းရင်းမြစ်များ

SAMUEL GI NICAN 16:10

Noro nibou ndig pai bak Abisai kin nikindig Yoab nya “Nok ug e. Ma jingon kui mem gi jiyai hukum bak au. Jisindui sut ba, noni mbriom da hak. Leu gino tuhan bie tut noni nok lene tou ridem mem gima hig ser Noni tut i?”

AYUB 16:3

Apig bu api akes hon ahyet di noyam kin bu tan di tibim ei ahui him dima i? Mindei ribindei dino abirop hanyen tut ahyet ngwak him di ahyet ngwig kep da i?

AYUB 33:13

Nggon rino apai kep Allah bipia Noni gimiap tungwatu nya ighyet di ilua kwop bi i?

AYUB 36:23

Tou rima ndo Nide midyai bak Noni bipai kep Noni bipia bon mun tunggwei i?

AYUB 40:5

Lewo duhui buwei sut mun nyeng mang bibor binjiriek tu.”

AYUB 40:8

Abingon mem gima acuon ser Ditde ningon sren-srausi e? Ambrap gau nanti angon di sren lo, anjei mun di kinei kep Dani e?

AYUB 9:32

Gino Allah ne tungwatu he rin lene bon dibuhup bak. Bon nahacem nuug ya ei nikei noho bei mem gima nikwam minggwen bit yam ser nyende munhyet ninyeng hagom.

YESAYA 10:15

Noro tuhan pai “Apo ma oi bon ninyeng jei dor njiriek no di krau oi dima ei nindati e? Apo ma sigigi bon ninyeng dor njiriek no di ba sigigi dima biyai midyai e? Biprip rino krau tungwatu bi noro tungwatu rino krau biprip a.”

YESAYA 29:16

Ikiek-kiek nyen mun nyeng hagom. Gi tou rino bon ninyeng i? Niba igtuyap bibon kep dibijig cig e, he igtuyap dima e? He ma mun di hi bon bou ninda him pai bak no di bon no “Nani rino abon dani bi”. E bi! He ma mun di hi bon bou ninda him dima pai bak no di bon no “Agibon mun kan bi”. E bi!

YESAYA 64:8

Noro tuhan e, Nani ne nyeni nicig ri. Ninok igtuyap di aop bou anda him ba, apai tes nye.

YEREMIA 18:6

“Je di mben Israel e, apo Dani dibibon jeni noyam kin noop kep igtuyap cig di bibon igtuyap dima bi e? Lewo diba dinda boop je noyam kin no dima di op igtuyap a.

DANIEL 4:35

Noni mian huk tungwatu dihyeisi dini bingat lo, idem kep nok yo di ibon inyeng bi ei niyai him. Ninyeng tak kep malaikati nya ei gwamti kin tungwatu dihyeisi dini cem. Bit bon tungwa hi tte tut ningon kanti bihig simber Noni tut niyai munti nya kan bi.

MIKHA 6:8

Nok bi! Lewo tuhan ndo brei binye tut mun di kei di Noni joi sut tu. Noni yok ningon mem gima igyai munti nya hagom sren kei kin gi ibrim ingkek mem ningondut yamti bingon ngakei Noni cem buug hon nohonti bi lene igyaijo nok gom bit ide Allah ba, iba ibou coi mem Noni cem.

MATIUS 20:15

Diba mitiei di dinyeng tut bitri je bit leu dijoi sutti bi e? He ma jibou dut drek dip gi dingondut tungwatuti e?’

LUKAS 12:14

Yesus buhup “Disut na e, tou rindo Da nok nikei kin no di dem mem gima dikwas mun di jiba jekep pima tut je i?”

ROMA 14:4

Nggon rino aba ahyet biyai hiter nide awak i? Awak dima niceu nongkom kos tut bak awak dima drek dip nicutti e, he nikiju hanyenti e. Ba, awak dima mikiju biya nddong kei lewo Allah sindem mem gima bindei no dima kiju biya nddong kei.

ROMA 2:1

Gima rino disut bat jen, jitug ndei jinyeng di bindei di jidem mem gima jiba jihyet biyai yo di hiter dima leu hantou i? Bit bon jipai mun mem jibisu tindei kan bi. Leu gino jiba jihyet biyai yo di hiter noro jiyai bram yo dima igyai kepti nya lene gima nok jibindei cut hukum ei jenti dip.

ROMA 2:3

Noro disut bat jen, jeni cem jiyai bram mun di jiba jihyet biyai yo di hiter tut! Jikan bipia mijingwes ngun leu hukum di Allah mikes ei tungwatu nya dip e?

ROMA 9:21

Nibon dibijig cig dima op igtuyap bit leu ningon kanti. Ba, noni ba igtuyap ninggop gom boop dibijig ningat can bou ninda him bikon gi hi di kei bibor kei ei mem njap nindig lene bimangkrei gi hi di wer kei lai-lai de bikwop njap-njap.

ROMA 9:22

Nok gima cem tut Allah niyai munti nya. Noni kos tut bipia ndo ningon sibui sut sisarti brei bak tungwatu nya leu binhyepo ingon huk niti tut Nide nisindemti. Noro om ningon tut yo di suar itug ndei hukum drek dip gi ibindei ningon sibui sut yok.

KORINTUS GI NIGOM 1:20

Notou mem yo di ingon ki nya i? Notou mem guru puig Yahudi nicukti nya i? Notou mem tungwatu dihyeisi dini di iba ighyet bidahat yam i? Allah ndo brei bipia ningon di ki di ntun dihyeisi dini him ne nihyet minyei ri.

KORINTUS GI NIGOM 7:16

Na di sop Kresten e, nggon rino akan tut bipia ajjep miyai niteu leu sisarti kin niyaijo nijep tug hon na bi i? Na di pinai Kresten e, nggon rino akan tut bipia atnem miyai niteu leu sisarti kin niyaijo nijep tug hon na bi i?

TIMOTIUS GI NIGOM 6:5

isibui ighyet ei yamti kikau buug hon nohonti bi cem. Yo dini intin kiek bikrau kep nihyet di nijit bu bi. Ikan bipia gino iba ingon com Kristus lene gima bindei ba, inyeng bibor.

2 TIMOTIUS GI NICAN 2:20

Lewo dem kep ndigban di jo ei ig ndig bibor ba, den kin bokor di iba perak kin mas kin biei kin igtuyap bibon. Ibet gi hi di kei bibor nya ei mem njap nindig lo, ibimangkrei gi hi di ugwai-gwai nya bikwop njap-njap.

TITUS 2:9

Ma awak di ingon jo kep nya ikuk yok bak iceu bat nya bipwoi ingon tut mun nyeng hagom. Lene ma itte tut yok ba,

YAKOBUS 2:20

He na di angon mbum e? Ajoi sut gima dindo brei bina bipia gino niyai munti nya bicim tindei niba ningon comti bi lene hagom bon ninyeng bi, bi e?