ROMA 9:1 - ALLAH NIHYET MEM TUNGWATU NYA

¹ Kristus nyeng tut da ba, dipai jit bidibicum bi. Allah Ninnei di ninyeng tak kep dingon mien bindei ba, dingon ngkiem tirigi dipai bipia,

ROMA 9:1 ပူးပေါင်းရင်းမြစ်များ

ROMA 1:9

Tirigi dingat nadi lene dingon prion ser je bi. Allah ngat bou niyai him bipia dipaisi dima ne nijit-jau ri. Noni ne Allah di diba dijoi biborti biyai kep Nide midyai nya tirigi ditri tut Nihyet Di Kei tut Nipmot ri.

ROMA 2:15

Igyai kepti nya ndo brei bipia Allah nicuk yokti nya dima jo ei ingon mienti tu. Ingon mien ndo bindo tut mun dima yok lewo mpe hi ingon mien pai kep yonti lo, mpe hi bu ingon mien mbrap gau yonti.

ROMA 8:16

Allah Ninnei bicim tindei nyeni innei bipai sut nyeni bipia nyeni ne Allah nimunggwom bat nya ri.

ROMA 9:2

dingon buhun ba, dingon ngguk bibor cem,

KORINTUS GI NICAN 1:12

Ningon llei bibor lewo ningon mien ngkiem tut bipia niyai munti nya ei dihyeisi dini cem ei jiyai him hagom tug hon ningon di gom kin ningon di pimbai kei di Allah yai binye. Niyai munti nya hagom tug hon Nide nisingat tut nyeti di sindem tut nye lene tug hon ningon di ki di ntun dihyeisi dini him bi.

KORINTUS GI NICAN 1:23

Dikos tutti nya hagom jo nibreisi bou Allah niyai him. Noni kan tut dingon kanti nya hagom bikan tut bipia dihwou ngat je ei minu ndig Korintus bi leu binhyepo dibiyai jingon di buhun bi.

KORINTUS GI NICAN 11:10

Deheng bitug hon Kristus ningginau nyeti di jo nyahan ei dingonti bipia dingon jei sut ditde nisimbot datti dima lene bit bon timiei gom ei hanjop Akhaya nisurti-nipekti dip tut kan bi.

KORINTUS GI NICAN 11:31

Allah dino Tuhan Yesus Nicig kan tut bipia dibicum tut gima bi. Ma tungwatu nya ikon Allah ninyeng bijo ninno bijo kikau!

KORINTUS GI NICAN 12:19

Mpaba jikan bipia hon kep nijam dini kwei ne nimbrap gau nyenti ei joho bei e? E bi! Allah ngat bou niyai him bipia nipai nihyet di nijit-jau bit leu Kristus ningon kanti mem nye. Lewo niba niyai munti nya hagom bibiwin kep jingonti!

GALATIA 1:20

Mun di dipas kep tut dini ne nijit-jau ri. Allah kan tut bipia diris je bi!

FILIPI 1:8

Allah ngat bou niyai him bipia dipai mingat bije mpe dino dipai bipia dingon ya mem je tug hon ningon ngakeisi di ntun Kristus Yesus Nonti ningon ngakei jeti him.

TESALONIKA GI NIGOM 2:5

Jikan tut mungkun bipia niba ninsi di mmau biris bije ba, nibiti ninda binitindei kep jindati tut mun nyeng hi bi. Allah ngat gima brei bou niyai him.

TIMOTIUS GI NIGOM 1:5

Disok dihyet bina leu binhyepo abindei mbut ningon ngakei yamti tug hon ningon di kwes kin Allahti kin ningon mien di pai kep nyeti bi kin niba ningon com Kristus mungkunti.

TIMOTIUS GI NIGOM 2:7

Gima rino Noni cuk da nok no di ya kui Yesus leu binhyepo ditri tut Nihyet Di Kei bak ngkiai nya ba, dingginau yok tut niba ningon com Kristusti di nijit. Mun di dipai sut dini ne nijit-jau ri. Diris bi!

TIMOTIUS GI NIGOM 5:21

Disok kep na ei Allah kin Kristus Yesus kin malaikati di dia-diau nya yoho bei bipia abit mun di dicuk na tut dini hagom. Ma amig mbus tungwatu nya ba, aba angon kan-kan wai au.