ROMA 8:9 - ALLAH NIHYET MEM TUNGWATU NYA

⁹ Noro jiyai mun bit leu jingut kanti di ntun dihyeisi dini him nicuk jeti bi. Noro jiyai mun bit leu Ninnei Gi kwes nicuk jeti gino ningat ne Allah Ninnei ningat rin ei jingonti. Gino Kristus Ninnei ningat rin ei tungwagom ningonti bi ne Kristus nyeng tut no dima bi.

ROMA 8:9 ပူးပေါင်းရင်းမြစ်များ

YEHEZKIEL 11:19

Midiyai ningon di nijep kin nikan-kan nyenti di nijep biyok. Diyai ingon di ndok di dem kep tig leu yok lene diba ningon di bit dihyetti biluei bu.

LUKAS 11:13

Mbro nok gino jisibut lo, jingondut jimunggwom bat nya lene jo nibreisi bipia Jicig ei gwamti miyai Ninnei Gi Kwes bak yo di yahara Noni tut!”

YOHANES 14:17

No dima ne Ninnei Gi Kwes di mbot kep tut Allah de nijit-jausi bije ri. Bit bon tungwatu dihyeisi dini igyai Noni ei ingonti kan bi lewo bit bon ingat Noni bikan tut Noni cem kan bi. Noro jikan tut Noni lewo Noni gwam bit je ba, Noni nok gom kin je cem.

YOHANES 14:23

Yesus buhup “No di ningon ngakei Da bit Ditde ningginausi. Dicig cem ningon ngakei noni leu api Dicig kin Dani nikwei coi ei ningonti.

YOHANES 3:34

No di Allah cuk kwei tri tut nihyet di kwei leu Allah lewo Allah kes Nonti Ninnei titut yam ei ningonti.

YOHANES 3:6

Tungwatu nya igyai niyaijo tug hon icig bat-ipmem bat nya noro igyai niyaijo nijep tug hon Allah Ninnei.

KISAH 16:7

Tirigi yuug krau minu niya kwas yamti di bikkin hanjop Misia kin Bitinia lene ipi bimbut kikau ug ei hanjop Bitinia noro Yesus Ninnei cuon ser yok.

ROMA 7:5

Lewo nipou ne igyai munti nya bit leu tungwatu dihyeisi dini ingut kanti nya. Mpe dima lene Puig Yahudi niggai serti di yai nibou tut nye bindei ba, ingon pri kep sisar ba, inok awak mem igyai munti nya di bie ndam nimai.

ROMA 8:1

Nogindini Allah mikes hukum ei yo di inok gom kin Kristus Yesus dip bi.

ROMA 8:11

Gino Allah Ninnei di kon Yesus hanyen leu nimai eisi ningat rin ei jingonti ne Allah gom ngat dima mikon jingut di mipror yon hanyen tug hon Allah Ninnei di ningat rin ei jingonti.

ROMA 8:2

Lewo Allah Ninnei niggai serti di bindei ba, igyaijo nok gom kin Kristus Yesus kwek da leu niggai ser dati dibindei sisar kin nimai kat da dima tu.

KORINTUS GI NIGOM 15:23

Noro bikwop tungwagom-gom mikiju hanyen sindam ba, Kristus nok mighumbou bibie ug e. Leu api Kristus de limwa nya mikiju hanyen bu nok nipumiap mem Kristus nikwei hanyenti.

KORINTUS GI NIGOM 3:16

Jikan tut bipia jeni ne Allah De Ig rin e? Jikan tut bipia Allah Ninnei bong ser jingonti e?

KORINTUS GI NIGOM 6:17

Noro tungwa tou rino nggre kin Kristus ne Kristus Ninnei kin noni ninnei yahacem inok gom.

KORINTUS GI NIGOM 6:19

Suar jikan tut bipia jingut nok ig mem Allah Ninnei ba, Allah kes Nonti Ninnei ei jingonti bibong ser jingonti. Jimbun jenti jingut bi noro Allah rino mbun jeni.

KORINTUS GI NICAN 10:7

Jimian ser mun di jingat bou jiyai him he. Gino tungwagom di srig jikieti jem niceu bit Kristus ne ma noni nggok ningonti hanyen bu leu api noni mikan tut bipia nyeni cem nijem niceu bit Kristus noyam kin noni.

KORINTUS GI NICAN 6:16

Bit bon Tuhan De Ig kin ig kwar nya yahacem ibinut yam nok gom kan bi. Nyeni ne Allah Di Niyaijo De Ig ri. Allah Nonti pai, “Dingat rin kin Ditde limwa nya bidibong bit yok. Dibibon Danti bidinok ide Allah lene yoni ibibon yonti ba, inok Ditde limwa nya.

GALATIA 4:6

Allah kes Nipmot Ninnei ei jeni kin nyeni ingonti lewo yahagom inok nipmot bat nya. Ninnei dima bindei ba, yahara Allah “Arig e, Arig e!”

GALATIA 5:24

Yo di ijem iceu bit Kristus Yesus igyai nimai bak ingut kanti kin ide ningon pri kepti di ntun dihyeisi dini him nya hagom.

EFESUS 1:13

Jimiap Allah nicuk jeti tug hon Nihyet Di Kei di bindei ba, jiyai niteu leu sisarti kin niyaijo nijep. Jingon jo kep Kristus leu api Allah ba Nonti Ninnei di Noni preu ei mem nye bitak buk kep je bibindei ba, jinok Nide limwa nya.

EFESUS 2:22

Kristus ba jeni kin nindigsi di inok gom kin Noni jahagom bingot ig ningat gom mem Allah di ba Ninnei bibong ser.

EFESUS 3:17

Handei kon ba, Kristus gwam nyahan ei jingonti tug hon jide niba ningon com Noniti. Ma jicom jigau ei ningon ngakei yamti ba, ningon di ngakei yam mpung ei jingonti,

FILIPI 1:19

Lewo dikan tut bipia nibou nya mikes da leu ig bui nsi dini tug hon jide nadi di jingat tindei da kin Yesus Kristus Ninnei di mpu da cem.

2 TIMOTIUS GI NICAN 1:14

Suar anyohou mun di bon ninyeng di Allah ba ningon com na tut hagom tug hon nisindemti leu Allah Ninnei di ningat rin ei singonti.

PETRUS GI NIGOM 1:11

Yoni inyohou pigot bram nimbot kepti kin tto bou mem nipek kepti tug hon Kristus Ninnei di ningat rin ei ingonti ningon kanti. Lewo Kristus Ninnei nyohou pingok ingonti tut nijam dino Kristus miyai ninghuisi wei kin nikei-kau-keisi ei niabiati bu.

YOHANES GI NIGOM 3:24

No di yai igbit Allah nicuk noti nya niyaijo nok gom kin Allah ba, Allah niyaijo nok gom kin noni. Ingon dorti tut bipia Allah niyaijo nok gom kin nye tug hon Ninnei di Noni kes ei ingonti.

YOHANES GI NIGOM 4:13

Noni kes Nonti Ninnei ei ingonti tu. Gima rino ingon dorti tut bipia igyaijo nok gom kin Noni ba, Noni niyaijo nok gom kin nye.

YOHANES GI NIGOM 4:4

Noro dimunggwom bat jen, Allah ninyeng tak kep je ba, jibindei cut nabi nitrowai nya tug hon Allah Ninnei di jiyai ei jingonti tu. Ninnei dima sindem bibor dor njiriek ninnei di tungwatu dihyeisi dini igyai ei ingonti.

NINGAT-HI-NGAT NYA 13:8

Tungwatu dihyeisi dini hagom ikuk yok bak mindhe dima binggei sut. Noro tut yo di inyeng jo ei srat niyaijoti habiei ei nimbie him tirigi Allah pai tes dihyeisi dini bigyo ne ikuk yok bak bi. Srat dima ne Domba Pmot di ibui bimai De srat ri.

NINGAT-HI-NGAT NYA 20:15

No dima com yo dino inyeng jo ei Srat Yo Di Igyaijo Nyati bi nya ei muk humti.