ROMA 8:39 - ALLAH NIHYET MEM TUNGWATU NYA

³⁹ kin mun di jo ei mpia-bbed him kin mun di jo ei dihyei jou kin mun nindigsi bidem Allah nipai testi cem ba, hagom mimbres nye leu Allah ningon ngakei nyeti di tug hon ide Tuhan Kristus Yesus kan bi sren.

ROMA 8:39 ပူးပေါင်းရင်းမြစ်များ

MAZMUR 64:6

Ikrau kep ingon kanti di kinei bibor bingkiem lene iba ingon di gom bisimbot kep biyam tut gima indin bon ser puig ba, ikan bipia hi di ngat bon dima bi.

NIPINGOK NINGONTI 20:5

Tungwatu nya ingon bei kanti nya noyam kin minyei bousi ei jui di jut bibor nijoua. No di nintin kimbo dem mem gima tau minyei dima kwei.

DIUN MIMUN 3:4

Sindi dikes yok bidimbut leu yok lene duum no di dingon kieti. Disu dinda bidikat ninda bidikes hanyen bi ba, nuug kikau ug ei dipmem de ig. Dibuwak ug ei no di srek tut da nide ninsi.

YESAYA 10:33

tuhan Di Ninyeng Jei Bibor mibindei timek yoni bidem kep biei di ikui ba, iti ninda leu ninjem pimo. Gi hi di ingon jei bibor kin gi inyeng jei bibor ei ikieti miti yok binjei yok hak.

YESAYA 24:21

Mpe dima lene tuhan mikes hukum ei nisindemti di ingat rin ei mpia-bbed him nya kin nibou ndig dihyeisi dini nya dip.

DANIEL 4:11

Biei dima anai bibor ba, ninjem nindig binddong kei cem. Ninggrupti jei bibor ug bipek kin mpia-bbed him. Apino tungwatu dihyeisi dini hagom ingat biei dima bou igyai him.

MATIUS 24:24

Lewo nibou ndig di teu tungwatu nya biyai niyaijo nijep biyok nitrowai nya kin nabi nitrowai nya mitau kwei leu api indo bindo bibon mindur cem ba, ipi biris Allah de limwa nya noro limwa dima yok ingon bit ighyet bi.

YOHANES 16:27

Lewo Dicig ningon ngakei je drek dip gi jingon ngakei Da bijingon jo kep bipia dikwei leu Noni.

YOHANES 17:26

Dimbot kep biyok tut Nani tu ba, midimbot kep biyok tut Nani kikau bu leu binhyepo ingon ngakei yo di hiter bit leu nok angon ngakei Da ba, dinok gom kin yoni cem.”

YOHANES 3:16

Lewo Allah ningon ngakei tungwatu dihyeisi dini hagom nindig bibor apino kes Nipmot di nimig gom ngat hak ei mem yok leu binhyepo bikwop no di ba ningon com Nipmot misar bi noro yai niyaijo nijep di jo kikau.

ROMA 1:7

Gima rino dipas kep srat dini mem je. Nnaba Icig Allah kin Tuhan Yesus Kristus isingat tut je ba, igyai jingon jo nyahan.

ROMA 11:33

Allah nisingat tut nye di tungwatuti kei ngat kei! Ningon kiti cem tot buti! Noni kan tut mun nyeng hagom. Bit bon tungwatu nya igyok igyai kep Allah nikos tutti ba, ingon dorti tut Allah niyai kepti nya kan bi!

ROMA 5:8

Noro Allah ndo ningon ngakei nyeti brei binye tirigi Kristus kes niyaisi ei bimai luei nye di tungwatu di ibon kep sisar!

ROMA 6:23

Lewo sisar birop jimuhup nimai eisi hanyen bije. Noro Allah yai niyaijo nijep di jo kikau bit ide Tuhan Yesus Kristus binye mikuisi.

ROMA 8:1

Nogindini Allah mikes hukum ei yo di inok gom kin Kristus Yesus dip bi.

ROMA 8:35

Mindei rino mbres nye leu Kristus ningon ngakei nyeti i? Bit bon mun di cut igkep nye kin ninghuisi wei kin yo di ihwen bit nye kin ninggum kin angwei tig naham ei nyeti kin nimbuk tut nyeti kin igyai nimai hagom mbres nye leu Kristus ningon ngakei nyeti kan bi.

KORINTUS GI NICAN 11:3

Noro dikrau dingon tut je leu ma hi muhum jinsi leu ba, jingon gom tut Kristus bu bi. Gima noyam kin mun di cut igkep Hawa mpe di wou di ningon mang hum ninsi ba, ris noni.

KORINTUS GI NICAN 2:11

Diyai nok gima leu binhyepo bon nituti mem Bilis om kep nye bi. Lewo Bilis ningon kanti nya jo nibreisi mem nye.

EFESUS 1:4

Allah dimig nye ei nok Nide limwa nya tug hon ide ninok gom kin Kristusti nipou tirigi Noni pai tes dihyeisi dini bigyo leu binhyepo ingon kwes-kwau ba, sisar hi rap nye bi ei Noni niyai him. Allah ningon ngakei nyeti bindei ba,

FILIPI 3:12

Tut danti ne duug pek nipekti bidikei-kau cem bigyo. Noro dita dibou ei nibinang ndam nipekti leu binhyepo dibitug ndei mun di kei di Noni bet ei mem da. Ba, mun dini yok hagom bicim tindei Kristus Yesus ningon kanti mem da tirigi Noni bindei ba, dijem diceu bit Noni.

FILIPI 3:3

Lewo nyeni icoi ei midut sunat di nijitti tu noro yoni ne bi. Lewo ikuk nye bak Allah tug hon Allah Ninnei di mpu nyeni ba, ingon llei sut ide ninok gom kin Kristus Yesusti ba, iba ingon com nibon midut ningkek dip nya bi.

FILIPI 3:8

Lene mun dima yok he bi. Lewo dikes mun nyeng hagom ei tereu nok mumpiang di bon ninyeng mem da bu bi leu binhyepo dinyeng tut mun di bon ninyeng nindig bibor dor njiriek bu. Mun dima rino dingon bit Kristus Yesus dino ditde Tuhan. Dikes mun dima yok hagom ei drek dip Kristus. Dibibon hagom tereu nok mumpiang leu binhyepo dingon bit Kristus lewo Noni bon ninyeng mem da,

TESALONIKA GI NICAN 2:4

No dima mitte tut mun di tungwatu nya ibikuk yok bak kin nung nya di ikuk yok bak hagom leu api mikon ninyeng jei dor njiriek ninyeng hagom bigwam jug ei Tuhan De Ig bitri tut bipia noni ne Allah ri.

YOHANES GI NIGOM 4:16

Nyenti ingon dorti tut ba, iba ingon com bipia Allah ningon ngakei nye. Allah ne nibousi mem ningon ngakei yamti ri. Gino ningon ngakeisi tak kep tungwa hi lene no dima niyaijo nok gom kin Allah ba, Allah niyaijo nok gom kin noni.

YOHANES GI NIGOM 4:19

Ingon ngakei yam lewo Allah ningon ngakei nye bibie.

NINGAT-HI-NGAT NYA 12:9

Yoni injei naga di nindig bibor tut nide malaikati nya ug ei dihyeisi mu. Naga ne wou di ningat rin ei nimbie him di ninyeng Bilis kin Ninnei Di Sibut ri. Noni rino ris bak tungwatu dihyeisi dini yahagom.

NINGAT-HI-NGAT NYA 13:14

Ba, hi sindui sut noni biba mindur di bibon ei mindhe gi nigom noho bei biris tungwatu dihyeisi hagom. Mindhe dini cuk yok leu binhyepo ibon kwar di dat mindhe gi nigom di yai nibok leu singau simeda di hi bitot noni noro kiju hanyen leu nimai eisi tu pima.

NINGAT-HI-NGAT NYA 19:20

No di bri bigwam kuda nitiei dip kat mindhe di niten-pos dima kin nide nabi nitrowai di bon mindur nya ei mindhe noho bei. (No dini ba nide mindur nya biris yo di igyai mindhe di niten-pos de nitak bukti kin yok kin yo di ikuk yok bak nide kwar.) No di bri bigwam kuda nitiei dip com mindhe di niten-pos kin nabi nitrowai tut igyaisi ug ei muk hum belerang di cig-cai.

NINGAT-HI-NGAT NYA 2:24

Noro tut je di nindigsi ei minu ndig Tiatira e, jibit nihyet di kinei dima bijingon ki tut Bilis de mimun di jo nding nya bi. Dipai bijengkom bipia diba mun di buhun hi kin bu bikum bibuhun tak je bi.

NINGAT-HI-NGAT NYA 20:3

Noni com naga ug ei jui ninnei rom nya ide leu api bakusin ser dimbou lene ba biei nggrai bikrau kep. Gima hagom nok leu binhyepo bit bon Bilis ris bak tungwatu dihyeisi bu kan bi bibou ari bingwam sribu gom ngwig ug e. Tirigi tto bou dem tu lene dimbou jui nsi dima mikau leu noni mem nijam di jei bi.

NINGAT-HI-NGAT NYA 20:7

Mpe dino ari bingwam sribu gom pima ngwig leu lene malaikati gom kau dimbou ig bui leu Bilis.