ROMA 8:38 - ALLAH NIHYET MEM TUNGWATU NYA

³⁸ Lewo diba dingon com bibor bipia bit bon nimai kin niyaijo kin malaikati nya kin nibou nya bitut nisindemti nya ei mpia-bbed him kin mun di pek kep mem nye nogindini kin nidipti bu,

ROMA 8:38 ပူးပေါင်းရင်းမြစ်များ

YOHANES 10:28

Diyai niyaijo nijep di jo kikau biyok leu api isar hanyen bi sren. Bit bon hi pos yok leu dinda nsi kan bi.

ROMA 14:8

Gino igyaijo lene ma iba ide niyaijoti binggei sut Tuhan lene ma iba ide niyaijo ningwig honti cem binggei sut Tuhan. Gima rino Tuhan nyeng tut nye mem ide niyaijoti kin ide niyaijo ningwig honti.

2 TIMOTIUS GI NICAN 1:12

Gima rino diyai ninghuisi wei drek dip mun dini yok. Noro dingon nddong lewo dikan tut No di diba dingon com. Gima cem dingon jo kep bipia Noni sindem mem gima nyohou mun di Noni ba ningon com da tut kikau ug bipek Njap Ningwig Honti.

PETRUS GI NIGOM 3:22

Yesus Kristus kui ug ei gwamti biya kui Allah ninda com tu. Ba, ninyeng tak kep malaikati nya kin nibou nya kin nisindemti nindigsi nya ei mpia-bbed him.

KOLOSE 1:16

Allah ba Kristus bipai tes mun nyeng di ningat rin ei gwamti kin mpia-bbed him kin dihyeisi dini hagom bitut mun di tungwatu nya ingat brei kin mun di bit bon ingat bou igyai him kan bi nya bitut ninnei di isindem bibor nya kin ninnei di inyeng tak kep ide limwa nya hagom. Allah pai tes mun nyeng hagom tug hon Kristus lene mem Noni cem.

KOLOSE 2:15

Kristus ba Nide biei salip bibindei ba, ninnei nya di inyeng tak kep mpia-bbed him kin dihyeisi dini isindem bu bi. Noni bimangkrei yok bindo yok brei ba, ittei yam kui-juk nyen nok nimpung di isima drek dip Kristus nibindei cut yokti.

EFESUS 1:21

Kristus ninyeng jei bibor dor njiriek nipai testi di ikrau kep nisindemti nya kin nibou ndig nya kin nibou mien nya bitut yo di inyeng jei nya yahagom di ingat rin ei mpia-bbed him mem nijam dini kin nijam di mikwei yo.

KORINTUS GI NICAN 4:13

Bit leu nok gi ipas kep ei Allah nihyetti “Dingon jo kep Allah. Gima rino dimbrap a.” Nyende niba ningon com Allahti di noyam kin nihyet dima bindei ba, ningon jo kep. Gima rino nimbrap a.

ROMA 4:21

Abraham ba ningon com bipia Allah sindem bibor mem gima yai igbit leu nok nipreu ei mem Abrahamti.

KORINTUS GI NICAN 11:14

Ma jinga leu tut yok au! Lewo Bilis cem sindem mem gima luei nitta bindo nonti nok malaikat nipigati.

IBRANI 11:13

Yo dini yahagom iba ingon com Allah kikau ba, ibimai kep. Igyai mun di Allah preu ei mem yoni bi noro ingat mun dima yok hagom ei minu ting bipigo he. Ipai sut yonti bipia inok ngkiai nya kin yo di ibong-bong wai bidem minu ei dihyeisi dini.

ROMA 6:23

Lewo sisar birop jimuhup nimai eisi hanyen bije. Noro Allah yai niyaijo nijep di jo kikau bit ide Tuhan Yesus Kristus binye mikuisi.

ROMA 14:7

Igyaijo mem nyeti he bi. Ide niyaijo ningwig honti cem mem nyeti he bi.

KORINTUS GI NIGOM 15:24

Njap dima ne njap ningwig honti ri. Mpe dima lene Kristus mibindei timek nibou ndig di inyeng tak kep mpia-bbed him kin nibou ndig di inyeng tak kep dihyeisi dini nya kin nisindemti nya hagom. Leu api Noni mitug Ninyeng Tak Kepti hanyen bak Nicig Allah.